تاياۋدا عانا حالقىنا ءداستۇرلى جولداۋىن جاساپ تاستاعان پرەزيدەنت نۇرسۇلتان نازارباەۆ ادەبيەت، ونەر وكىلدەرىمەن كەزدەسۋ جاسادى. كەشە الماتىداعى رەزيدەنتسياسىندا القالى جيىن وتكىزگەن ەلباسى ءسوزىن:

تاياۋدا عانا حالقىنا ءداستۇرلى جولداۋىن جاساپ تاستاعان پرەزيدەنت نۇرسۇلتان نازارباەۆ ادەبيەت، ونەر وكىلدەرىمەن كەزدەسۋ جاسادى. كەشە الماتىداعى رەزيدەنتسياسىندا القالى جيىن وتكىزگەن ەلباسى ءسوزىن:

- بۇگىن قالىپتاسقان يگى ءداس­تۇر بويىنشا وزدەرىڭىزبەن كەز­دەسىپ، اڭگىمەلەسۋدىڭ رەتى كەلدى، - دەپ باستادى. -  قازاقتا «ورامال تون بول­مايدى، جول بولادى» دەگەن ءسوز بار. ءوزىمنىڭ جەكە قورىمنان ادەبيەت پەن ونەر ادامدارىنا ارناپ وسى پرەزيدەنتتىك ستيپەنديانى تا­عايىنداعانىما بيىل 15 جىل تولىپتى.
وسىندا وتىرعانداردىڭ كوپ­شىلىگى بۇل ستيپەنديانى سول ال­عاشقى جىلدان بەرى الىپ كەلەدى.
تاۋەلسىزدىك جىلدارىنىڭ ال­عاشقى تۇسىنداعى قيىنشىلىقتار ەستەرىڭىزدە بولار. كۇيرەگەن شارۋا­شىلىق پەن قارجى تاپشىلىعى جاس مەملەكەتىمىز ءۇشىن ۇلكەن سىن بولدى.
بىراق ادەبيەت پەن ونەر ۇرپاق تاربيەلەيتىن، ۇلتتى جاسايتىن رۋحاني كۇش ەكەنىن ءبىز ەشقاشان ۇمىتقامىز جوق.
ونەر مەن ادەبيەت - حالىقتىڭ جانى. ءتول مادەنيەتپەن تاربيەلەن­گەن ادام قاشاندا ءوز حالقىمەن بىرگە. ءبارىمىز دە بالا جاسىمىزدان ابايدى، ماحامبەتتى، جامبىلدى، اۋەزوۆتى وقىپ، حالىقتىڭ اندەرى مەن كۇيلەرىن تىڭداپ ەرجەتتىك، دۇنيەتانىمىمىز، ۇلتتىق سانا­مىز قالىپتاستى.
سوندىقتان «زامان قيىن ەكەن» دەپ قول قۋسىرىپ قاراپ وتىرۋعا بولمايتىن ەدى. سول سەبەپتى دە مەن الگىندەي شەشىم قابىلدا­عان­مىن.
وعان قوسا 2000 جىلى مەم­لەكەتتىك ستيپەنديا تاعايىن­دا­دىق.
مەملەكەتتىك ستيپەنديانىڭ ايىرماشىلىعى - ول جىل سايىن جاڭا ەسىمدەرمەن جاڭارىپ وتىرا­دى. بىزدە تالانتتى، تالاپتى جاس­تار بارشىلىق. ولارعا رەتىمەن ءجار­دەمدەسىپ وتىرۋ مىندەت. راس، ونەر مەن ادەبيەتتە جاس، كارى دە­گەن ولشەم جوق. تالانتتى، تالانت­سىز دەگەن عانا ولشەم بار. سون­دىق­تان ايتار تىلەك پەن قويىلار تالاپ بارشاعا بىردەي دەپ وي­لايمىن (پرەزيدەنت نازارباەۆتىڭ بۇل سوزدەرى «ايقىن» گازەتىنىڭ 4-اقپاندا شىققان جاريالانىمىنان  الىنىپ وتىر)

بيىلعى مادەنيەت سالا­سىن­داعى مەملەكەتتىك ستيپەن­ديا­لار جازۋشى  مارحابات بايعۇت­قا، اقىندار تىنىشتىقبەك ءاب­دىكاكى­موۆكە، سۆەتقالي نۇر­جانعا، جاراس سارسەك پەن تا­ناكوز ىلياسوۆاعا، سۋرەت­شى قا­زاق­باي اجىبەكۇلىنا، دي­ري­جەر داۋرەن عىلىموۆقا، ساز­گەر ەرجان سەرىكبايعا، اك­تەر دۋلىعا اقمولداعا ت.ب. بەرىلدى.
سالتاناتتى راسىمنەن كەيىن ءازىلحان نۇرشايىقوۆ، ءاسانالى ءاشى­موۆ، بيبىگۇل تولەگەنوۆا، روزا باعلانوۆا، قالمۇقان يسا­باەۆتار سۋىرىلا سويلەپ، جارىسا تىلەك ءبىلدىردى.

«جاقسى ءسوز - جارىم ىرىس» دەگەن. اۋزى ءۋالى اقساقالداردىڭ ۇلكەنى ءازىلحان نۇرشايىقوۆ ەلباسىنا «ءسىز ەلدى ماڭگى باقي باسقارا بەرىڭىز. ودەناۋەر 91 جاسىنا دەيىن بيلىكتە بولعان. ءسىز دە ءسويتىڭىز» دەپ ءوتىندى. روزا باعىلانوۆا ادەتتەگىدەي «اق پاتشامداپ» باستاعاندا قازاق ءتىلىن ءال ىكۇنگە قاقپايتىن كەيبىر ارىپتەستەرىمىز «مىنا كىسى ولەڭ وقىپ وتىر ما؟» دەپ كۇبىرلەسىپ وتىردى. وسىلايشا اشىلىپ سايراعاندارعا كوڭىلى نالىعاندىقتان بولار، جازۋشى، مەملەكەتتىك سىيلىقتىڭ ساحيبى قاليحان ىسقاق: «بۇلارعا ستيپەنديانى ۇيلەرىنە اپارىپ بەرۋ كەرەك»، -  دەپ قويىپ قالدى.

جيىن جاقسى كوڭىلمەن، جاراسىمدى ازىلمەن تارادى.

«اباي-اقپارات»

(سۋرەت «ايقىن» گازەتىنىڭ سايتىنان الىندى)