قازاق ساياساتكەرلەرi اراسىندا شوقتىعى بولەك بiر ازامات بار. ول - دوس كوشiم. بولەك دەيتiنiمiز - ول بيلiككە دە، دەموكراتيالىق وپپوزيتسياعا دا وقشاۋ تۇلعا. ەشقايسىسىنا سiڭiسپەگەن، ەشقايسىسىمەن «بىلعانباعان». سوناۋ 90 جىلداردىڭ باسىنان مەملەكەتتەن تىس ۇيىمداردا قىزمەت ەتكەن، ءتۇرلi ۇلتتىق قوزعالىستاردىڭ باسى-قاسىندا بولعان، بۇگiندەرi مۇحتار شاحانوۆ باستاعان ۇلت ازاتتىعىن اڭساۋشىلار قوزعالىسىنا قولعابىس ەتكەن دوس مىرزا - بiزدiڭ «DAT, تاقسىر!» ايدارىنىڭ بۇگiنگi قوناعى.

- دوس مىرزا، سiز قالاي ويلايسىز، دوكترينانىڭ  دۇرمەگiمەن باس كوتەرگەن ۇلتتىق قوزعالىس  اق وردانىڭ قۇشاعىندا تۇنشىعىپ بارا جات­قان جوق پا؟ ۇلت مۇددەسiن كوزدەگەن ەكپiن مەن جiگەر باستاپ­قى بەتiنەن سايابىرسىپ قالعان سياقتى...

قازاق ساياساتكەرلەرi اراسىندا شوقتىعى بولەك بiر ازامات بار. ول - دوس كوشiم. بولەك دەيتiنiمiز - ول بيلiككە دە، دەموكراتيالىق وپپوزيتسياعا دا وقشاۋ تۇلعا. ەشقايسىسىنا سiڭiسپەگەن، ەشقايسىسىمەن «بىلعانباعان». سوناۋ 90 جىلداردىڭ باسىنان مەملەكەتتەن تىس ۇيىمداردا قىزمەت ەتكەن، ءتۇرلi ۇلتتىق قوزعالىستاردىڭ باسى-قاسىندا بولعان، بۇگiندەرi مۇحتار شاحانوۆ باستاعان ۇلت ازاتتىعىن اڭساۋشىلار قوزعالىسىنا قولعابىس ەتكەن دوس مىرزا - بiزدiڭ «DAT, تاقسىر!» ايدارىنىڭ بۇگiنگi قوناعى.

- دوس مىرزا، سiز قالاي ويلايسىز، دوكترينانىڭ  دۇرمەگiمەن باس كوتەرگەن ۇلتتىق قوزعالىس  اق وردانىڭ قۇشاعىندا تۇنشىعىپ بارا جات­قان جوق پا؟ ۇلت مۇددەسiن كوزدەگەن ەكپiن مەن جiگەر باستاپ­قى بەتiنەن سايابىرسىپ قالعان سياقتى...

- كەز كەلگەن ماسەلەدە ناقتى ماقسات بولۋى كەرەك. «دوكتريناعا» بايلانىستى ناقتى ماقسات - بiرiنشiدەن، «قازاقستاندىق ۇلت» دەگەن ءسوز اشىق ايتىلماسا دا، سول قۇجاتتىڭ وزەگi, نەگiزi بولىپ تۇرعانى بەلگiلi, سوندىقتان وسى قۇجاتتى تالقىلاۋدى توقتاتۋ بولدى.  ەكiنشiدەن، مۇمكiندiك بولسا، بiزدiڭ تاراپىمىزدان «دوكتريناعا» بالاما قۇجات دايىنداپ، ونى دا حالىقتىڭ تالقىسىنا سالۋ. ۇشiنشiدەن، بيلiكپەن قاتار وتىرىپ، بiزدiڭ دا­يىنداعان ۇلتتىق تۇجىرىمدامانى نەگiزگە الا وتىرىپ، جاڭا قۇجات جاساۋعا الىپ كەلۋ. مەنiڭشە، وسىلاردىڭ بارلىعى دەرلiك جۇزەگە اسقان سياقتى. ارينە، بارلىعى مەن ويلاعانداي بولدى دەپ ايتا المايمىن، سەبەبi, كەيبiر ماسەلەلەرگە (مىسالى، تالاپتاردى دايىنداۋعا) تiكەلەي ارالاسا المادىم. اق وردا ءالi بiزدەردi قۇشاقتاي قويعان جوق سياقتى. بiز ولاردىڭ قۇشاعىنا سىيمايتىن ون ميلليون قازاق ەكەنi­مiزدi ۇمىتپالىق.

- جىلاننىڭ اياعىن كورگەن قۋ بيلiك ۇلت جاناشىرلارىنىڭ قولىنان بەلسەندiلiكتi الىپ قويدى دەگەن پiكiر بار، سiز وسىعان نە دەيسiز؟

- مەنiڭشە، «دوكترينا» ارقىلى بيلiك قازاقتاردى تاعى بiر وياتىپ، نامىسىن قوزعادى. ەگەر ولاردىڭ «ۇلتتى وياتۋ» دەگەن باعدارلامالارى بولسا، ەپتەپ جۇزەگە اسىپ جاتقان سياقتى. ال «ۇلتقا كiم كوبiرەك قىزمەت جاسايدى» دەگەن جارىس بولسا، ءوز باسىم، بەلسەندiلiككە دە، تۋعا دا تالاسپايمىن. ارينە، ولاردىڭ بەلسەندiلiگi - حالىقتى الداۋ جولىنىڭ بiرi دە بولار، بiراق حالىق ءاربiر الدانعان سايىن اشىنا تۇسەتiنiن دە ەسiمiزدەن شىعارمايىق.

- جۇمىسشى توبى استانانىڭ اق بورانىنا قامالىپ الىپ، قازiر نە تىندىرىپ جاتىر؟ ەل iشiنە بۇل جونiندە اقپارات تاراماي جاتقان سوڭ، نەشە ءتۇرلi قاڭقۋ ءسوز شىعاتىن ادەتi بار...

- استانادا ۇلتتىق ماسەلەگە بايلانىستى قۇجاتتى دايىندايتىن، شارتتى تۇردە «بيلiك» جاعى مەن «ۇلتشىلدار» جاعىنىڭ ارقايسىسىنان 10 ادامنان  كiرەتiن كوميسسيا قۇرىلدى. ونىڭ iشiنەن جۇمىسشى توبى جاساقتالدى. وعان «بiزدiڭ جاعىمىزدان» امانگەلدi ايتالى، ايدوس سارىم، دوسمۇحاممەد نۇراحمەت جانە مەن كiردiم. ايتا كەتۋ كەرەك، قۇجاتتىڭ اتى تۋرالى ءالi ناقتى بiر شەشiمگە كەلگەن جوقپىز. جۇمىسشى توبىنىڭ دايىنداعان قۇجاتىن كوميسسيا بەكiتەتiن بولدى. سونىمەن قاتار كوميسسيانىڭ زاڭدى ستاتۋسى تۋرالى دا ماسەلە قارالدى.

- ايتپاقشى، دوس مىرزا، ەلدiڭ ەڭكەيگەن ەڭسەسiن كوتەرەتiن ۇلتتىق ماسەلەنi ۇران ەتكەندە، جۇمىس توبىن قۇرايىق دەگەن قۋشيعان ۋاجگە نەگە كونە سالدىڭىزدار؟ ماسەلەنi پرەزيدەنتتiڭ الدىنا دەيiن جەتكiزiپ، ونىڭ جارلىعىمەن مەملەكەتتiك كوميسسيا قۇرعىزۋ جونiندەگi تالاپقا تابانداپ جاتىپ المادىڭىزدار ما؟

- جۇمىسشى توبىن قۇرۋ ماسەلەسi مۇحتار شاحانوۆتىڭ قويعان تالابىنىڭ ءۇشiنشi تارماعىندا تۇر. ونى دايىنداۋعا، وكiنiشكە قاراي، مەن قاتىسقان جوقپىن. سوندىقتان بۇل جەردە مۇحتاردىڭ «ۋاجiنە» بيلiك كوندi دەگەن دۇرىس بولاتىن شىعار.

- بۇل سۇراقتى قويىپ وتىرعان سەبەبiم: مۇحتار شاحانوۆ كوتەرگەن، ونى سiزدەر قوستاعان قازاقتىڭ ۇلتتىق مۇددەسiنە قاتىستى ماسەلەنi پرەزيدەنتتiڭ ءوزi عانا شەشە الادى. بiزدiڭ ەلدەگi مۇنداي قالىپتاس­قان  جۇيەگە سiزدiڭ كوزiڭiز ابدەن جەتتi دەپ ويلايمىن. نەمەسە «حۋدوي كونەتس» پرەزيدەنت اكiمشiلiگiنiڭ باسشىسى مۋسين مەن سەنات توراعاسى توقاەۆ قانا شاحانوۆقا تەڭدەس تۇلعا بولا الار ەدi. باسق­الارى - پەشكا!  جيىرما جىلدان بەرi بيلiكپەن تەكەتiرەسiپ جۇرگەن سiز مۇنى بiلۋiڭiز كەرەك ەدi عوي؟

- مەنiڭ دە پiكiرiم وسىنداي. بiراق ساياساتتا بەلگiلi بiر تۇلعانىڭ كوتەرگەن تۋىنا جارماسۋ - جاقسىلىق اكەلمەيدi. ەگەر مۇحاڭ بۇل ماسەلەنi كوتەرسە، بiزدەر ءوزiمiزدiڭ كەيبiر پiكiرلەرiمiزدi توقتاتا تۇرۋىمىزعا تۋرا كەلەدi. ايتپەسە كەيiننەن «بiز بىلاي قىلار ەدiك، سەندەر بۇزدىڭدار» دەگەن سوزدەردi ەستيمiز. سوندىقتان «دوكترينا داۋى» تۇسىندا بiز مۇحتاردىڭ قاسىنان تابىلدىق، سول كiسiنiڭ سوزiمەن جۇرۋگە تىرىستىق. بالاما قۇجاتتى دايىنداۋعا دا سول كiسiنiڭ تاپسىرۋىمەن كiرiستiك. قانشا ادام بولسا، سونشاما پiكiر تۋادى. ال ساياسي-قوعامدىق جۇمىستا جۇرگەندەردiڭ ارقايسىسى - بiر تۇلعا.

اشتىقتىڭ توقتاعانىنىڭ وزiنە قانشاما قارسىلار تابىلعانىن بiلەتiن شىعارسىز. قاڭتاردىڭ ورتاسىندا مەنi تالدىقورعان قالاسىنىڭ قوعامدىق ۇيىمدارى شاقىرعان، سول جەردەگi ەكi ساعات ۋاقىتىم مۇقاڭدى قورعاۋعا، «اقتاپ الۋعا» كەتتi...

- بالكiم، مۇحتار شاحانوۆ جۇمىس توبىنىڭ تەڭ توراعاسى بولسا، مامiلە ۇستەلiنiڭ باسىندا ۇلت پاتريوتتارىنىڭ مارتەبەسi دە جوعارى بولار ەدi. ال مۇحاڭنىڭ ورىنباسارلىق  جاعدايىندا ۇلتشىلدار كومانداسى ەكiنشi رولگە ءتۇسiپ قالماي ما؟ ياعني بۇل - بيلiك تاعى دا كەزەكتi ساياسي ويىنعا كiرiسiپ، ۇلكەن شارۋانىڭ باستاما-تiزگiنiن تارتىپ الدى دەگەن ءسوز...

- سiز بۇل جەردە ەكi ءتۇرلi ماسەلەنi ارالاستىرىپ العان سياقتىسىز. بiزدiڭ «دوكترينا» جونiندەگi ماسەلەگە كەلسەك، ول جەردە ەكi جاقتان ەكi توراعا بولسىن دەگەنگە كەلiستiك. ال «مەملەكەتتiك تiلدi 2010-2020 جىلداردىڭ اراسىندا دامىتۋ» جونiندەگi باعدارلاماعا كەلسەك، ول جەردە مۇحتار شاحانوۆ ورىنباسار بولدى. مەم­لەكەتتiك باعدارلامانى مەملەكەتتiك مەكە­مەلەر جاساۋى كەرەك، بۇل جەردە بiز­دiڭ «ەكiنشi رولگە» ءتۇسۋiمiز زاڭدى سياقتى.

- ارينە، جۇمىسشى توبىنا جەتەكشi بولعان مينيستر قۇل-مۇحاممەد قازاققا جانى اشيتىن ازامات. بiراق ول جوعارعى مەملەكەتتiك بيلiكتiڭ كوڭiلiنە جاقپايتىن ماسەلەنi جۇمىس توبىنىڭ وتىرىسىنان سىرتقا شىعارا المايدى عوي... بiزدiڭ ەلدە «ۇلتتىق مۇددە» جانە «كرەسلولىق مۇددە» دەگەن بiر-بiرiمەن قابىسپايتىن ۇعىمدار تۋعان جوق پا، قۇل-مۇحاممەد وسىنىڭ بiرiنشiسiنە قۇل بولا الادى دەپ ويلايسىز با؟

- ومiرiمدە بەس مينۋت سويلەسپەگەن، ەشقاشان ارالاسپاعان ادام تۋرالى ەش­قانداي پiكiر ايتا المايمىن.

- ال ەندi سiز وقىرمان قاۋىمعا مىنانى ءتۇسiندiرiڭiزشi: سiزدەر ۇلت بiرلiگiنە قاتىستى دوكتريناعا بالاما تۇجىرىمداما ۇسىنعان كەزدە، ۇلت مۇددەسiنە ساي بارلىق قوردالى ماسەلەلەردi كوتەرگەن ەدiڭiزدەر. ال ساياسي شەشiم شىعارۋعا شاماسى كەلمەيتiن مينيسترلiكتiڭ اياسىندا قۇرىلعان جۇمىس توبى تەك قانا تiل ماسەلەسiن قوزعايتىن بولىپتى. بۇل ۇلتشىلداردىڭ «جەلiن شىعارىپ جiبەرۋدiڭ» امالى ەمەس پە؟

- بۇل سۇراقتا تاعى دا تۇسiنبەستiك ورىن الادى. بiرiنشiدەن، «دوكترينا» مەن «مەم­لەكەتتiك تiلدi دامىتۋ باعدارلاماسى» - ەكi ءتۇرلi ماسەلە. ەكiنشiدەن، وسى قۇجاتتى دا­يىنداعان ادامداردىڭ بiرi رەتiندە «بالاما تۇجىرىمداماعا» ۇلتتىڭ قوردالانعان ماسەلەسiنiڭ ءبارi كiردi دەپ ايتا المايمىن. بiزدەر بەلگiلi بiر (بيلiكتiڭ «دوكتريناسى») قۇجاتقا بالاما تۇجىرىمداما جاسادىق، دەمەك سولاردىڭ قالپىمەن جۇرۋگە تۋرا كەلدi, بiراق كوزقاراس قازاقتiكi بولدى. اڭگiمە وسىندا عانا.

- ءجون-اق دەلiك. دەگەنمەن جۇمىس توبى تiلگە قاتىستى بiراز ماسەلەنiڭ مامiلەسiن تاۋىپ،  شەشiمiن كۇتەتiن سۇراقتار توپتادى دەيiك. ودان ءارi ول ماسەلەلەر قايدا بارىپ تiرەلەدi, قانداي وكiلەتتi ورگان ونىڭ شەشiمiن شىعارادى؟ وسى مەحانيزمنiڭ ءجونi قالاي بولماق؟

- مەنiڭ ەستۋiمشە، بۇل باعدارلاما پرەزيدەنتتiڭ جارلىعىمەن بەكiتiلەتiن كورiنەدi. دەمەك، «جاقسى نيەت» بولىپ قالىپ قويمايدى، زاڭدىق ستاتۋس الادى. ونى ورىنداۋ - ۇكiمەتتiڭ مiندەتi. مەحانيزمiن دە سولار انىقتايدى. ال جۇمىسشى توبىنىڭ مiندەتi - وزدەرiنiڭ وي-پiكiر­لەرiن بەرۋ، سول مەحانيزمدەرiن كورسەتۋ. ەگەر وسىنى كورسەتە الماساق - بiزگە سەرت، ال ونى جۇزەگە اسىرا الماسا - ۇكiمەتكە سەرت.

- دوسەكە، جۇمىسشى توبىنىڭ جۇمىسىنا دەموكراتيالىق وپپوزيتسيا وكiلدەرi نەگە تارتىلمادى؟ ولاردى قاتىستىرماۋ بيلiك تاراپىنان قويىلع­ان تالاپ بولدى ما، جوق الدە ونىڭ باسقا تۇسiنiگi بار جاعداي ما؟

- بۇل سۇراقتى مينيسترگە قويعان دۇرىس بولادى. ءوز باسىم، ەشقاشان «مەنi مىناۋ كوميسسياعا ەنگiزiڭiز» دەگەن ادام ەمەسپiن.

- ايتپاقشى، بالاما تۇجىرىمدامانىڭ جوباسى وپپوزيتسيالىق باسىلىمدار بەتiندە جارىق كوردi. ال وزدەرiن تاۋەلسiزبiز دەپ جۇرگەن باس­قاداي گازەتتەر ءۇن-ءتۇنسiز قالدى. سوندا ولارعا قازاق ماسەلەسi قىزعىلىقتى بولماعانى ما؟

- تاۋەلسiز گازەت كورسەم - كوزiم شىقسىن! بارلىق باسىلىمداردىڭ ءوز قوجا­يىنى، ءوزiنiڭ ساياسي جولى، ماقسات مۇددەسi بار. وعان رەنجۋدiڭ دە قاجەتi جوق، بۇل - بارلىق ەلدەردە بار قۇبىلىس.

- قازاق ماسەلەسiندە  وپپوزيتسيا بەي-جاي قاراپ وتىر دەگەن سىڭارجاق پiكiر بار، دوسەكە. سiز وسىعان قالاي قارايسىز؟ بۇعان قارسى ءۋاج ايتار بولساق، قازاق جەرiن شەتەلدiكتەرگە بەرگiزبەۋ جونiندە وتكەن سوڭعى ميتينگiنi دە وپپوزيتسيالىق «ازات» پارتياسى وتكiزبەپ پە ەدi?

- وسى «سىڭارجاق» پiكiردi مەن دە قولدايمىن. مويىنداۋىمىز كەرەك، جيىرما جىلدا بiر ساعاتتىق بiر جيىن وتكiزۋ - ماقتانۋعا تۇرارلىق جەڭiس ەمەس. مەن ولاردىڭ پارتيالىق باعدارلامالارىنان قازاق ماسەلەسiن كورگiم كەلەدi. وكiنiشكە قاراي، كورە الماي وتىرمىن. پارتيا - حالىقتىڭ بiر بولiگi عانا. ال ۇلتتىق مۇددە ودان اناعۇرلىم جوعارى. بۇگiنگە دەيiن جۇزەگە اسپاي وتىرعان ۇلتتىق مۇددە قازاق جەرiندەگi ءاربiر ساياسي پارتيانىڭ باعدارلاماسىنان ورىن  الۋى شارت.

- ايتپاقشى، ۇلت پاتريوتتارى ساناتىنا جاتاتىن بiردە-بiر ۇيىمنىڭ قارسىلىق اكتسياسى رەتiندە بiردە-بiر ميتينگ وتكiزگەنiن ەستiمەپپiن...

- ۇلتتىق ماسەلە تەك جيىندارمەن عانا شەشiلمەيدi. ۇلتتىڭ رۋحىن كوتەرۋ، نامىسىن وياتۋ جۇمىستارى جان-جاقتى، كەشەندi iس-ارەكەتتەردi تالاپ ەتەدi. ال كەشەگi جەلتوقسان ايىنداعى ۇلتشىلداردىڭ باس كوتەرۋi - وسى ناسيحات جۇمىستارىنىڭ ناقتى ناتيجەسi دەپ بiلەمiن.

- ۇلتتىق ماقساتتاعى ۇيىمدار اراسىندا بۇعان دەيiن اۋىزبiرلiك جوق ەدi. قازiر وسى كەساپات كەتەيiن دەدi مە، جوق الدە بيلiكتiڭ تۇرتپەكتەۋiمەن جۇرگەندەرi لاڭ سالۋ،  iرiتكi شىعارۋ رايىنان جاڭىلعان جوق پا؟

- اۋىزبiرلiك - بيلiكتiڭ تۇرتپەك­تە­ۋiنە، «شپيوندار» مەن «اگەنتتەردiڭ» جۇمىسىنا قارامايدى. سوندىقتان دا ونى اۋىزبiرلiك دەپ اتايدى. ەگەر جولدان قو­سىلعان ارانداتۋشىنىڭ سوزiنە ەرەتiن بولساق، اۋىزبiرلiكتiڭ بولماعانى. دەمەك كi­نانi بيلiكتەن ەمەس، وزiمiزدەن iزدەۋiمiز كەرەك.

ادامداردىڭ سوزiنە ەمەس، ناقتى iسiنە باعا بەرۋiمiز قاجەت. جامانداۋ، كۇيە جاعۋ  سياقتى تاسiلدەر ءوزiنiڭ جەمiسiن بەرەتiن بولسا - ەشقاشان توقتامايدى، ال ودان ەشقانداي ناتيجە شىقپاسا - وزiنەن-ءوزi قالادى.

بiزگە ساياسي مادەنيەت جەتiسپەيدi. ونى مويىنداۋىمىز كەرەك. مەنiڭشە، بiزدiڭ ماقساتىمىز بiر، بiراق سول جولعا باراتىن سۇرلەۋiمiز كوپ. وسى جولداردى تاڭداۋ ماسەلەسiندە تالاس-تارتىستىڭ بولۋى ابدەن مۇمكiن، بiراق ول جالپى مۇراتتى جوققا شىعارمايدى.

- دوس مىرزا، كەزiندە «ەگەمەن قازاقستان» گازەتiندە «دوس جىلاتىپ ايتادى» دەگەن ماقالاڭىز شىققان ەدi. سوندا سول كەزدەگi وپپوزيتسياعا قاتىس­تى بiراز ماسەلەنi شىمبايىنا باتىرىپ ايتقانىڭىز ەسiمدە. ال ەندi مۇمكiندiك تۋىپ، نازارباەۆپەن بەتپە-بەت جولىعا قالساڭىز، كوزiنە شۇقىعانداي ەتiپ، «DAT»، تاقسىر!» دەپ، نە ايتار ەدiڭiز؟

- مەنiڭ ەكi ماقالامدى وقىپ شىعىڭىز دەر ەدiم. بiرiنشiسi - «ۇلتتىق مەملەكەتتiڭ مىزعىماس شارتتارى»، ەكiنشiسi - «جەكە باسقا تابىنۋشىلىق دەگەنiمiز نە؟» دەگەن ماقالا. ەكەۋi دە «جاس الاشتا» جاريالانعان.

- «مۇمكiندiك تۋا قالسا» دەگەندi التىنبەك مارقۇمنىڭ بiر اڭگiمەسiنە قاتىستى دا ايتۋعا بولادى. كوزi تiرiسiندە التىكەڭ: «دوس جىلاتىپ ايتادىنى» مينيستر بولىپ تۇرعاندا، وپپوزيتسياعا قارسى مەن جازدىرىپ، «ەگەمەنگە» بەرگiزگەن ەدiم...» - دەگەن ەدi, دوسكە...

- بۇل وقيعانىڭ تاريحى مىناداي: مەن اكەجان مىرزامەن بەس-التى اي بiرiگە جۇمىس iستەدiم. «ءادiل سايلاۋ جولىندا» دەگەن قوزعالىستى دا بiرلەسە قۇردىق. مەن سول قوزعالىستىڭ باسشىسى رەتiندە، ول سول قوزعالىسقا مۇشە بولىپ كiرگەنi ءۇشiن ۇستiمiزدەن iس تە قوزعالدى، اكiمشiلiك جولىمەن سوتقا تارتىلدىق. سول ۋاقىتتاردىڭ iشiندە اكەجانعا ۇلتتىق ماسەلەگە باسا كوڭiل اۋدارۋ قاجەتتiگiن تالاي ايتقان بولاتىنمىن. وكiنiشكە قاراي، ول كiسi باسقار­عان پارتيانىڭ باعدارلاماسىنان قازاق ماسەلەسiن كورە المادىم. «دوس جىلاتىپ ايتادى» ماقالاسى وسىعان بايلانىستى سىني تۇرعىدا جازىلعان بولاتىن. ۇلتتىق ماسەلە جونiندە بيلiك پەن وپپوزيتسيانىڭ ەشقانداي دا ايىرماسى جوق ەكەندiگiن كورسەتتiم. نازارباەۆ پەن قا­جى­­گەلدين قاتار سىنالدى. ماقالا «جاس الاش» گازەتiنە بەرiلگەن بولاتىن، بiراق رە­داكتور ونى التىنبەكتiڭ العانىن ايتتى.

كەيiننەن ماقالا بارلىق دەرلiك قازاق گازەتتەرiندە جاريالاندى. ەڭ سوراقىسى - ماقالاداعى بيلiككە بايلانىستى سوزدەر مەن ەسiمدەر الىنىپ تاستالىنىپ، تەك قانا قاجىگەلدينگە بايلانىستى ايتىلعان سوزدەردiڭ قالعانى... مەنiڭ وسى سۇرقيا ءتاسiل تۋرالى مينيسترلiككە جولداعان حاتتارىما جاۋاپ بولمادى. اشىنعان سوڭ، «DAT» گازەتiنە «مەنiڭ قايتىس بولعانىم تۋرالى حابار شىندىققا جاناسپايدى» دەگەن ماقالا جازدىم. اكەجانعا راقمەت، ول كiسi ماسەلەنi تۇسiنگەن بولۋى كەرەك، جۋرناليستەردiڭ سان ءتۇرلi قيتۇرقى سۇراقتار قويىپ، ارامىزعا وت تاستاماق بولعانىنا قاراماستان، مەن تۋرالى ەشقانداي جامان پiكiر ايتقان جوق. بiر سۇحباتىندا «مەنiڭ ۇلتشىلدىعىم نازارباەۆ پەن دوس كوشiمنiڭ ۇلتشىلدىعىنان كەم ەمەس» دەگەن پiكiرiن دە كوردiم. شىنىندا دا، ول ماقالا قاجىگەلدينگە قارسى ماقالا ەمەس، وپپوزيتسياعا وي سالۋ ماقساتىندا جازىلعان دۇنيە بولاتىن.

سىرىم DATوۆ

«وبششەستۆەننايا پوزيتسيا»

(پروەكت «DAT» № 06 (43) وت 10 فەۆراليا 2010 گ.