باتەڭكە لاقتىرۋدان ءباس قىزىپ تۇر. كۇنى كەشە يسپانيادا جۇرگەن تۇركيانىڭ پرەمەر-ءمينيسترى تايىپ ەردوعانعا دەمونستراتسياعا قاتىسىپ جۇرگەن ۇلتى كۇرد ازامات باتەڭكە لاقتىردى. باس ءۋازىر مۇندا مادەنيەتارالىق بايلانىستاردى نىعايتقاندارعا بەرىلەتىن حالىقارالىق «نودو» سىيلىعىن تابىستاۋعا كەلگەن ەدى. ال قارسىلىق شەرۋىن ۇيىمداستىرۋشىلار ەردوعاندى سالتاناتتى شارا وتەتىن عيماراتتىڭ جانىندا كۇتىپ تۇرعان. ءدال وسى كۇنى تۇركيادا توڭكەرىس جاساماق بولدى دەگەن ايىپپەن 50 ادام قاماۋعا الىنعان ەدى. ال، باتەڭكە ارانداتۋ ءۇشىن لاقتىرىلعان بولدى.

تاياۋدا سۋدان پرەزيدەنتى ومار حاسان احمەد ءال-باشيرگە دە باتەڭكە تيە جازداعانى تۋرالى ءاڭ¬گىمە گۋلەپ باسىلدى. اشقۇرساق ەلدىڭ اشقاراق باسشىسى قاۋقارسىز حالقىنىڭ وزىنە كورسەتكەن بولىم¬سىز قارسىلىعىن سىرت كوزدەن جاسىرۋعا تىرىستى. حارتۋمدا بولعان وسى وقيعانىڭ كۋاگەرلەرى باتەڭكە لاقتىرعىش ساباز ەندىگى ءولىپ تە قالعان بولار دەيدى. بۇل باتەڭكە امالسىزدان اتىلعان بولدى.

ال، گرۋزيا پرەزيدەنتى ميحايل سااكاشۆيليگە قاراي قۇستاي ۇشقان باتەڭكە ەشقانداي ميسسياسىز، ەلىكتەگىشتەردىڭ نىسانا اتقان ەرمەگى سەكىلدى بولدى. بىراق باسقانىڭ باسىنان اسىپ وتەتىن باتەڭكە ميشانىڭ قاق ماڭدايىنان تيگەن كورىنەدى. بۇل وقيعانى پرەزيدەنت اكىمشىلىگى جۋىپ-شايىپ، ءتىپتى جاسىرىپ قالماققا ارەكەت ەتتى.

باتەڭكە لاقتىرۋدان ءباس قىزىپ تۇر. كۇنى كەشە يسپانيادا جۇرگەن تۇركيانىڭ پرەمەر-ءمينيسترى تايىپ ەردوعانعا دەمونستراتسياعا قاتىسىپ جۇرگەن ۇلتى كۇرد ازامات باتەڭكە لاقتىردى. باس ءۋازىر مۇندا مادەنيەتارالىق بايلانىستاردى نىعايتقاندارعا بەرىلەتىن حالىقارالىق «نودو» سىيلىعىن تابىستاۋعا كەلگەن ەدى. ال قارسىلىق شەرۋىن ۇيىمداستىرۋشىلار ەردوعاندى سالتاناتتى شارا وتەتىن عيماراتتىڭ جانىندا كۇتىپ تۇرعان. ءدال وسى كۇنى تۇركيادا توڭكەرىس جاساماق بولدى دەگەن ايىپپەن 50 ادام قاماۋعا الىنعان ەدى. ال، باتەڭكە ارانداتۋ ءۇشىن لاقتىرىلعان بولدى.

تاياۋدا سۋدان پرەزيدەنتى ومار حاسان احمەد ءال-باشيرگە دە باتەڭكە تيە جازداعانى تۋرالى ءاڭ¬گىمە گۋلەپ باسىلدى. اشقۇرساق ەلدىڭ اشقاراق باسشىسى قاۋقارسىز حالقىنىڭ وزىنە كورسەتكەن بولىم¬سىز قارسىلىعىن سىرت كوزدەن جاسىرۋعا تىرىستى. حارتۋمدا بولعان وسى وقيعانىڭ كۋاگەرلەرى باتەڭكە لاقتىرعىش ساباز ەندىگى ءولىپ تە قالعان بولار دەيدى. بۇل باتەڭكە امالسىزدان اتىلعان بولدى.

ال، گرۋزيا پرەزيدەنتى ميحايل سااكاشۆيليگە قاراي قۇستاي ۇشقان باتەڭكە ەشقانداي ميسسياسىز، ەلىكتەگىشتەردىڭ نىسانا اتقان ەرمەگى سەكىلدى بولدى. بىراق باسقانىڭ باسىنان اسىپ وتەتىن باتەڭكە ميشانىڭ قاق ماڭدايىنان تيگەن كورىنەدى. بۇل وقيعانى پرەزيدەنت اكىمشىلىگى جۋىپ-شايىپ، ءتىپتى جاسىرىپ قالماققا ارەكەت ەتتى.

قارسىلىعىن قارىمدى سوزبەن، بولماسا قاھارلى قارۋمەن ەمەس، باتەڭكە لاقتىرىپ ءبىلدىرۋ ءداستۇرى كىشى بۋشتىڭ يراكقا بارعان ساپارىندا باستالعانى بەلگىلى. يراك جۋرناليستەرىنىڭ ءبىرى وعان «قوش بول، ءيتتىڭ بالاسى!» دەپ ايعاي سالىپ، ارنايى ساتىپ الىپ، قوراپشاعا سالىپ اكەلگەن باتەڭكەنى بىرىنەن سوڭ ءبىرىن جىبەردى. ابىروي بولعاندا بۋش بۇعىپ ۇلگەرىپ ماسقارادان امان قالدى.

سودان بەرى باتەڭكە لاقتىرۋدان ءباس ءجۇرىپ جاتقانداي. الەمنىڭ ءار تۇكپىرىنەن «انانىڭ باسىن باتەڭكە جارىپتى، مىنانىڭ بەتىن باتەڭكە كوگەرتىپتى» دەگەن اڭگىمە ەمىس-ەمىس ەستىلىپ جاتاتىن بولدى. اناۋ يراك ءجۋرناليسى ساتىپ العان باتەڭكەنى وندىرگەن تۇرىك فيرماسى ءونىمدى ەكى ەسە ارتتىرىپ، پايداعا قارىق بولسا، يراكتا سول باتەڭكەگە ارنالىپ الىپ ەسكەرتكىش تە تۇرعىزىلدى.

قاراپ وتىرساڭىز، باتەڭكە لاقتىرۋ قارسىلىقتىڭ، جەككورۋشىلىكتىڭ، كوڭىل تولماۋشىلىقتىڭ سيمۆولىنا اينالىپ بارا جاتقانداي. سان عاسىرلار بويى ءبىرىن-ءبىرى اسىپ، اتىپ، جارىپ، قالانى دالا قىلىپ، دالانى بىقسىعان شالا قىلىپ جۇرگەن ادازمات بالاسى بار قارۋدان جالىققانداي باتەڭكە لاقتىرۋعا بەت بۇردى. اسىپ-تاسقاندى، الشاڭ باسقاندى ورنىنا قوياتىن جالعىز امال قاق شەكەسىنەن باتەڭكەمەن قاقىراتا سوعۋ بولىپ تۇر.

ءبىر ەسەپتەن بۇل دا دۇرىس شىعار. اسىرەسە، بىزدەگى سىنعا سىنبايتىن، ءمىنىم بار دەپ مۇڭايمايتىن، تۋعان ءتىلىن تۇسىنبەيتىن، ساۋدىڭ تاماعىن ءىشىپ، اۋرۋدىڭ ءسوزىن سويلەيتىن، تامىر-تانىستىقپەن لاۋازىمعا جەتكەن، ىستەگەن ءىسى كەرى كەتكەن كوپ شەنەۋنىكتى كورگەندە سولاي دەمەسكە لاجىڭ جوق. سولاردىڭ ەفيردە وتىرىپ الىپ اقساقتى تىڭداي، وتىرىكتى شىنداي قىلىپ كوبىك ءسوزدى كوپىرشىتىپ وتىرعانىن كورگەندە باتەڭكەمدى جىبەرىپ-اق قالعىم كەلەدى. اتتەڭ، ادال ەڭبەكپەن ساتىپ العان تەلەديدارىمدى ايايمىن.

بەك داتۇلى