11 ساۋىرگە جوسپارلانعان العاشقى جالپىۇلتتىق جاستار ميتينگىسىنىڭ ۋاقىتى جاقىنداعان سايىن قوعامدا ول جونىندەگى تالقىلاۋلار دا قىزىپ كەلەدى. جالپۇلتتىق جاستار ميتينگىسى جونىندە قالىپتاسىپ جاتقان پىكىرلەر دە ءار-الۋان. جاستاردىڭ، زيالى قاۋىم وكىلدەرىنىڭ، ساياسي پارتيالار مەن قوعام قايراتكەرلەرىنىڭ كوپشىلىگى جاستاردى قولداپ پىكىر بىلدىرۋدە. ميتينگ ۇيىمداستىرۋشىلاردى ساياسي كۇشتەردىڭ «قۋىرشاعى» رەتىندە كورسەتكىسى كەلىپ جۇرگەندەر دە جوق ەمەس. سوندىقتان، ماسەلەنىڭ ءمان-جايىن سول جيىننىڭ ۇيىمداستىرۋ ىسىمەن اينالىسىپ، باسى-قاسىندا جۇرگەن جاستاردىڭ وزدەرىنەن سۇراپ كورۋدى ءجون كوردىك.

ۇلان شامشەت، «ەركىن ينتەرنەت ءۇشىن» قوزعالىسىنىڭ وكىلى:

«رۇقسات بەرمەسە دە، ميتينگ وتكىزەمىز!»

11 ساۋىرگە جوسپارلانعان العاشقى جالپىۇلتتىق جاستار ميتينگىسىنىڭ ۋاقىتى جاقىنداعان سايىن قوعامدا ول جونىندەگى تالقىلاۋلار دا قىزىپ كەلەدى. جالپۇلتتىق جاستار ميتينگىسى جونىندە قالىپتاسىپ جاتقان پىكىرلەر دە ءار-الۋان. جاستاردىڭ، زيالى قاۋىم وكىلدەرىنىڭ، ساياسي پارتيالار مەن قوعام قايراتكەرلەرىنىڭ كوپشىلىگى جاستاردى قولداپ پىكىر بىلدىرۋدە. ميتينگ ۇيىمداستىرۋشىلاردى ساياسي كۇشتەردىڭ «قۋىرشاعى» رەتىندە كورسەتكىسى كەلىپ جۇرگەندەر دە جوق ەمەس. سوندىقتان، ماسەلەنىڭ ءمان-جايىن سول جيىننىڭ ۇيىمداستىرۋ ىسىمەن اينالىسىپ، باسى-قاسىندا جۇرگەن جاستاردىڭ وزدەرىنەن سۇراپ كورۋدى ءجون كوردىك.

ۇلان شامشەت، «ەركىن ينتەرنەت ءۇشىن» قوزعالىسىنىڭ وكىلى:

«رۇقسات بەرمەسە دە، ميتينگ وتكىزەمىز!»

- ميتينگىگە شىعۋداعى نەگىزگى ماقساتىمىز ەلىمىزدى باسقارىپ وتىرعان نۇرسۇلتان نازارباەۆقا، جوعارى بيلىك وكىلدەرىنە جۇرەكتەرى حالقىم دەپ سوعاتىن، ءوز ەلىنىڭ بولاشاعىن ويلايتىن، ويىن ايتىپ، جەتكىزە بىلەتىن ءارى اقوردادان تايسالمايتىن  جاستاردىڭ بار ەكەنىن كورسەتۋ. قۇدايعا شۇكىر، ونداي پاتريوت جاستار جەتكىلىكتى. جاستار دا قازاقستان رەسپۋبليكاسىنىڭ دەربەس ازاماتتارى. بىراق، ءبىزدىڭ بيلىك ولاردى تەك وزدەرىنىڭ جەكە ماقسات، مۇددەلەرى ءۇشىن عانا پايدالانىپ كەلەدى. ال جاستاردىڭ الەۋمەتتىك جاعدايىن شەشۋگە كەلگەندە ات تونىن الا قاشادى. بيلىك وكىلدەرى سول باياعى «ەرتەڭ، بۇرسىگۇنى» دەگەن ەسكى اۋەنىن توقتاتار ەمەس. ءبىز بيلىكتىڭ «جاستار ەلدىڭ بولاشاعى» دەگەن تۇككە تۇرمايتىن ۇرانىنا قارسىمىز. جاستار ەلدىڭ بۇگىنى. سوندىقتان، ساياساتقا ءبىز ارالاسامىز.

الدىمىزعا قويعان ەڭ باستى ماقساتىمىز - ول جاستاردىڭ دا ساياسي كۇش ەكەنىن كورسەتۋ. بيلىك تاراپىنان جاسالاتىن كەز-كەلگەن مەملەكەتتىڭ بولاشاعىنا بايلانىستى شەشىمدەر  حالىقتىڭ، قوعام وكىلدەرىنىڭ تولىق ۇيعارىمىمەن عانا قابىلدانۋى شارت. ونىڭ ىشىندە جاستاردىڭ دا پىكىرى مىندەتتى تۇردە ەسكەرىلۋگە ءتيىس. ميتينگ ارقىلى بيلىككە، نۇرسۇلتان نازارباەۆقا وزدەرىمىزدىڭ تالاپتارىمىزدى جەتكىزىپ، سول تالاپتاردىڭ بارلىعىنىڭ ورىندالۋىن قالايمىز. ال تالاپتارىمىز ادەتىنشە ورىندالماسا، ءبىز نارازىلىق اكتسيالارىن ءارى قاراي جالعاستىرامىز.

ءبىزدىڭ ميتينگىگە رۇقسات بەرۋ جونىندەگى الماتى قالالىق اكىمشىلىگىنە تاپسىرعان وتىنىشىمىزگە ءالى كۇنگە دەيىن جاۋاپ جوق. ولار رۇقسات بەرگەن جاعدايدا دا، ءبىز قالاعان استانا الاڭىن ەمەس، «سارىارقا» كينوتەاترىنىڭ ارتىن بەرۋى مۇمكىن. «تاريحي قوقىس» اتالعان جەرگە بارمايمىز. وعان  نامىسىمىز جىبەرمەيدى. رۇقسات بەرىلسىن، بەرىلمەسىن ءبىز ءوز سوزىمىزدەن تايمايمىز! قايتكەن كۇندە دە استانا الاڭىنا شىعامىز. سەبەبى، بيلىك جاستارمەن ساناسۋعا ءتيىس. ءبىز تەك حالقىمىزدىڭ الدىندا عانا جاۋاپتىمىز. ال بيلىك حالىققا باعىنۋى كەرەك.

قوعامدا ءبىزدىڭ ميتينگ جونىندە اقپارات ارقيلى. ءبىزدى بەلگىلى ءبىر توپتاردىڭ ساياسي ويىنشىسى رەتىندە قاراستىرىپ جاتقاندار دا بار. مەن ءوزىم دە وسىنداي جورامالدىڭ بىرنەشە نۇسقاسىن ەستىدىم. ءتىپتى بىزگە قانشا قاراجات بەرىلگەنى تۋرالى دا اڭىز اڭگىمەلەر پايدا بولىپتى حالىق اراسىندا. بۇنداي اڭگىمەنى كىم جانە نە ءۇشىن شىعارىپ جۇرگەنى مەن ءۇشىن ماڭىزدى ەمەس. بىراق، ونداي ۇزىنقۇلاقتارعا دا ۇلكەن راحمەت ايتقىم كەلەدى. سەبەبى، ولار دا ءبىزدىڭ 11 ءساۋىر كۇنى وتەتىن جيىنىمىزدى حالىق اراسىندا ناسيحاتتاپ ءجۇر. بيلىكتىڭ جاستاردى ساياسي ناۋقان كەزىندە «بارىپ كەل، شاۋىپ كەل» رەتىندە، ساياسي قولشوقپار رەتىندە پايدالانىپ كەلگەنىن ءبارىمىز بىلەمىز. قوعام الدىندا جاستاردىڭ ەرىكسىز، باعىنىشتى، بەيشارا ءيميدجىنىڭ قالىپتاسۋى دا وسىدان.

ءبىز قازىرگى ۋاقىتتا بارلىق مۇمكىندىگىمىزدى وسى نارازىلىق شاراسىن ۇيىمداستىرۋعا جۇمىلدىرۋدامىز. ەشبىر پارتيادان، قوعامدىق ۇيىمداردان قارجىلاي كومەك العانىمىز جوق. حالىقتىڭ نارازىلىق تانىتىپ، پىكىرىن بىلدىرۋىنە قارجىنىڭ اسا قاجەتتىلگى جوق. ءبىز تەك ءوزىمىزدىڭ قولىمىزدا بار مۇمكىنشىلىكتەردى عانا پايدالانىپ وتىرمىز.

ىرىسبەك دابەي، «الاڭ» جاستار ادەبي بىرلەستىگىنىڭ جەتەكشىسى:

«بۇل جاستاردىڭ جەكە بەلسەندىلىگى»

-  بۇل ميتينگىنى وتكىزۋدەگى ماقساتىمىز - قوعامدى دۇرلىكتىرىپ، ءتارتىپ بۇزۋ ەمەس. قوعامعا جاستاردىڭ ازاماتتىق بەلسەندىلىگىن جەتكىزۋ. ال قانداي ناتيجەگە قول جەتكىزگىمىز كەلەدى دەگەنگە كەلەر بولساق، ەڭ الدىمەن قالايتىنىمىز - جاستاردىڭ كوتەرگەن تالاپ-تىلەكتەرىمەن جوعارعى بيلىك ساناسسا ەكەن دەيمىز. ودان ارتىق نە كۇتەمىز. جيىنعا رۇحسات بەرىلەدى دەپ ۇمىتتەنەمىن. بارلىعى اكىمشىلىكتىڭ شەشىمىنە بايلانىستى عوي. ءبىزدى ساياسي ويىنشىق رەتىندە قاراستىرىپ جۇرگەندەرگە قاتىستى ايتارىم، ونداي سوزدەر ايتىلا بەرەدى. جوعارىدا ايتقانداي بۇل جاستاردىڭ، جاستار ۇيىمدارىنىڭ جەكە  بەلسەندىلىگى. بەيبىت تۇردە وتەتىن ازاماتتىق شەرۋ. پايدالانعىسى كەلەتىن ساياسي كۇشتەر بار شىعار، سودان ساقتانۋ كەرەك دەپ ويلايمىن. بىراق، ءبىز ايتقانىمىزدان قايتپايمىز. الاڭعا شىعامىز.

الماس كوشەرباي، جۋرناليست:

«ميتينگكتىڭ زاڭعا قايشى ەشتەڭەسى دە جوق»

- وسىعان دەيىن ءبىر توپ جاستار ۇيىمدارى جەتەكشىلەرى جانە دە باسقا قوعامدىق قوزعالىستار وكىلدەرى، تاۋەلسىز جاستار بولىپ پرەزيدەنتكە جانە بيلىككە ەسكەرتپە حات جولداعان بولاتىن. ول حاتتا كوپتەگەن كۇردەلى ماسەلەلەر كوزعالدى، سونىڭ ىشىندە  ستۋدەنتتەردىڭ الەۋمەتتىك جاعدايى دا بار. سونداي-اق  مەملەكەتتىك ءتىلدى  ۇكىمەتتىڭ دەڭگەيىندە پايدالانۋ ماسەلەسى جانە تاعى باسقا پروبلەمالار قوزعالعان. وعان دا بيلىك جاۋاپ بەرمەگەن بولاتىن. 7000 مىڭنان استام ادام قول قويعان حاتقا ەش جاۋاپ بولماعاندىقتان، ءوز تالاپتارىن ميتينگىگە شىعىپ ايتۋ جاستاردىڭ ازاماتتىق قۇقىعى. مۇمكىن سول كەزدە بيلىك جاۋاپ بەرەتىن شىعار. ال جيىننان كۇتىلەتىن ەڭ نەگىزگى ناتيجە بۇل جاستاردىڭ ماسەلەسىن شەشۋ جانە ازاماتتىق قوعام بار ەكەنىن كورسەتۋ. سونداي-اك، ءبىزدىڭ اتا زاڭىمىز بويىنشا ءار ازاماتتىڭ ءوز پىكىرىن ميتينگىگە شىعۋ ارقىلى بىلدىرۋگە قۇقىعى بار ەكەنىن، وندا ەش قىلمىستىق نەگىز جوق ەكەنىن دالەلدەۋ. ال وعان اكىمشىلىك رۇقسات بەرە مە، بەرمەي مە دەپ كۇتۋدىڭ ءوزى تۇسىنىكسىز ماسەلە. رۇقساتسىز ميتينگ دەگەندى دە تۇسىنبەيمىن. سوندا مەن دالاعا نەمەسە ساياجايعا قىدىرىپ قايتقىم كەلسە وعان دا رۇقسات الۋىم كەرەك پە؟ قۇربىلارىممەن، دوستارىممەن سۇحباتتاسۋ ءۇشىن دە رۇقسات كەرەك بولار؟ ميتينگ بۇل ءار ازاماتتىڭ زاڭدى قۇقىعى، وندا ەش زاڭعا قايشىلىق جوق. ەگەر بەيبىت جيىننىڭ ورنىنا بازبۇزارلىق ارەكەتتەرگە جول بەرىلسە، وندا ول باسقا اڭگىمە. ول جاعدايدا اكىمشىلىك  تاراپىنان شارالار كولدانۋى كەرەك.  ەگەر دە اكىمشىلىك ميتينگىگە رۇقسات بەرمەيتىن بولسا، وعان ولاردىڭ سەبەبى بولۋى كەرەك. بىراق جاستار جيىندى ءبارىبىر وتكىزەدى. ال ءوتىنىش بويىنشا اكىمشىلىك ءالى دە ەش ءتىس جارعان جوق. جاستاردى كەزدەسۋگە دە شاقىرمادى.