استانا. 1 ءساۋىر. قازتاگ – ايگۇل تۇلەكباەۆا. قازاقستان پرەزيدەنتى نۇرسۇلتان نازارباەۆ استانا قۇرىلىسىنىڭ اياقتالعانىن مالىمدەپ جانە قالا تۇرعىندارىنىڭ ودان ارى مادەني جانە ءبىلىم الۋ باعىتىنداعى پروگرەسس تۋرالى ويلانۋ كەرەكتىگىن ايتتى. 

«استانا ەرەكشە نىساندارىمەن قىزىق بولۋى كەرەك. ءبىز ءىس جۇزىندە قۇرىلىستى اياقتادىق. قالا ورتالىعى بار، اكىمشىلىك ورتالىق بار، باسپانا سالىندى. بۇدان ارى قالا ءوز باعىتىمەن دامي بەرەدى. ەندى ءبىز ونى قالا تۇرىعندارى ءۇشىن ىڭعايلى جانە جايلى ەتۋىمىز كەرەك»، - دەدى مەملەكەت باسشىسى بەيسەنبى كۇنى قۇرىلىس ماسەلەسى جونىندەگى كوشپەلى كەڭەس بارىسىندا. 

«كوڭىل كوتەرەرلىك ورىن بار. بارلىق مەيرامحانالار بار، دۇكەندەر، مەديتسينالىق ورتالىقتار وزىمىزدىكى»، - دەدى پرەزيدەنت استانا قۇرىلىس نىساندارىن ارالاۋ بارىسىندا. ەندى، دەيدى ن. نازارباەۆ، قالانى كوگالداندىرىپ، استانانىڭ مادەنيەتىن دامىتۋ كەرەك

استانا. 1 ءساۋىر. قازتاگ – ايگۇل تۇلەكباەۆا. قازاقستان پرەزيدەنتى نۇرسۇلتان نازارباەۆ استانا قۇرىلىسىنىڭ اياقتالعانىن مالىمدەپ جانە قالا تۇرعىندارىنىڭ ودان ارى مادەني جانە ءبىلىم الۋ باعىتىنداعى پروگرەسس تۋرالى ويلانۋ كەرەكتىگىن ايتتى. 

«استانا ەرەكشە نىساندارىمەن قىزىق بولۋى كەرەك. ءبىز ءىس جۇزىندە قۇرىلىستى اياقتادىق. قالا ورتالىعى بار، اكىمشىلىك ورتالىق بار، باسپانا سالىندى. بۇدان ارى قالا ءوز باعىتىمەن دامي بەرەدى. ەندى ءبىز ونى قالا تۇرىعندارى ءۇشىن ىڭعايلى جانە جايلى ەتۋىمىز كەرەك»، - دەدى مەملەكەت باسشىسى بەيسەنبى كۇنى قۇرىلىس ماسەلەسى جونىندەگى كوشپەلى كەڭەس بارىسىندا. 

«كوڭىل كوتەرەرلىك ورىن بار. بارلىق مەيرامحانالار بار، دۇكەندەر، مەديتسينالىق ورتالىقتار وزىمىزدىكى»، - دەدى پرەزيدەنت استانا قۇرىلىس نىساندارىن ارالاۋ بارىسىندا. ەندى، دەيدى ن. نازارباەۆ، قالانى كوگالداندىرىپ، استانانىڭ مادەنيەتىن دامىتۋ كەرەك

ول قالا تۇرعىندارىنا قاراتىپ، استانالىق مارتەبەگە لايىقتى بولۋ كەرەكتىگى تۋرالى كەڭەس بەردى. «قالا تۇرعىندارى استانالىق كەيىپتە بولۋى ءتيىس، مادەنيەتتى، ءبىلىمدى بولۋلارى كەرەك. ءوزارا قارىم-قاتىناس، دۇكەندەردەگى، كەڭسەلەردەگى شەنەۋنىك تاراپىنان كورسەتىلەتىن قىزمەت استانالىق دەڭگەيدە بولۋى ءتيىس. ەندى ءبىزدىڭ قايتىپ استانالىق بولاتىنىمىز، سىزدەرگە بايلانىستى. مەن قالانى سالدىم، ەندى سىزدەر استانا تۇرعىندارى بولاسىزدار»، - دەدى ن. نازارباەۆ، استانا ءۇشىن ءماندى قۇرىلىس نىساندارى بولىپ تابىلاتىن - حالىقارالىق ۋنيۆەرسيتەت، «حان شاتىرى» ساۋدا-ساۋىق ورتالىعىن ارالاۋ بارىسىندا.

بريتانيالىق ساۋلەتشى نورمان فوستەردىڭ جوباسىمەن سالىنعان «حان شاتىرى» ساۋدا- ساۋىق ورتالىعى 2010 جىلى مامىردا تاپسىرىلماقشى. ن. نازارباەۆ وندا 20 مىڭ ادام سياتىنىن اتاپ ءوتتى. بۇل رەتتە ونىڭ قۇرىلىسىنا بيۋدجەتتەن ءبىر دە تيىن جۇمسالعان جوق، دەدى ول.

مەملەكەت باسشىسى سول جاعالاۋداعى وپەرا جانە بالەت تەاترىنىڭ قۇرىلىسىنىڭ باستالۋ راسىمىندە قۇرىلىسشىلاردى جۇمىستىڭ باستالۋىمەن قۇتتىقتادى. «نىسان قۇرىلىسىنىڭ باستالۋىمەن قۇتتىقتايمىن! قۇرىلىسشىلار تاۋەلسىزدىكتىڭ 20 جىلدىعىنا ۋادە بەرىپ وتىر (پايدالانۋعا 2011 جىلى تاپسىرۋعا – قازتاگ)»، - دەدى ول.

قالا اكىمدىگىنەن حابارلاعانداي، تەاتر عيماراتىنىڭ اۋدانى 37,7 مىڭ شارشى مەتر. تەاتردىڭ ۇلكەن زالى 1250 ورىنعا ارنالعان جانە امفيتەاترىنداعى ءۇش ەتاجدى بالكوندا  600 ورىن بار.

ن. نازارباەۆ سونداي-اق، ۇلتتىق برەند بولادى دەگەن بولاشاق حالىقارالىق ۋنيۆەرسيتەتتىڭ عيماراتىنا دا باردى. نىساننىڭ ءبىرىنشى كەزەگى شىلدەدە تاپسىرىلادى. ن. نازارباەۆ اتاپ وتكەندەي، قىركۇيەكتە ۋنيۆەرسيتەتتە العاشقى ستۋدەنتتەر وقۋعا كىرىسەدى. «ەندى ستۋدەنتتەردى جاڭا حالىقارالىق ۋنيۆەرسيتەتكە قابىلداي باستايمىز. ەندى وراسان قارجىعا شەتەلگە بارۋدىڭ قاجەتى جوق، وسىندا دا سونداي ءبىلىم، الەمدە مويىندالاتىن سونداي ديپلوم الۋعا بولادى»، - دەپ اتاپ كورسەتتى پرەزيدەنت.