قوينى سۋىق قارا جەر قازاقتىڭ تاعى ءبىر ارىسىن قۇشتى. ومىردەن حاسان اعا ورالتاي وزدى. اتاجۇرتتان الىستا، المانيانىڭ ميۋنحەن قالاسىندا، ءدىنى، ءدىلى بولەك ورتادا  جەتپىستىڭ جەتەۋىن جاساپ بارىپ ۇزاققا سوزىلعان ناۋقاستان كوز جۇمىپتى. كەمدى كۇنگى كەرەگىڭ كورەرىڭدى كوزىڭە كورسەتپەي كەلمەيتىن ومىردەن «ەلىماي-لاپ» وتكەن تاعدىر يەسىنىڭ عۇمىرىنان جىلاۋلى قازاقتىڭ بار قايعى قاسىرەتى تابىلادى.  «ەلىم-ايلاپ وتكەن ءومىر» اتتى كىتابىنىڭ كىرىسپەسىندە حاسان اعا بىلاي دەپ جازىپتى:

قوينى سۋىق قارا جەر قازاقتىڭ تاعى ءبىر ارىسىن قۇشتى. ومىردەن حاسان اعا ورالتاي وزدى. اتاجۇرتتان الىستا، المانيانىڭ ميۋنحەن قالاسىندا، ءدىنى، ءدىلى بولەك ورتادا  جەتپىستىڭ جەتەۋىن جاساپ بارىپ ۇزاققا سوزىلعان ناۋقاستان كوز جۇمىپتى. كەمدى كۇنگى كەرەگىڭ كورەرىڭدى كوزىڭە كورسەتپەي كەلمەيتىن ومىردەن «ەلىماي-لاپ» وتكەن تاعدىر يەسىنىڭ عۇمىرىنان جىلاۋلى قازاقتىڭ بار قايعى قاسىرەتى تابىلادى.  «ەلىم-ايلاپ وتكەن ءومىر» اتتى كىتابىنىڭ كىرىسپەسىندە حاسان اعا بىلاي دەپ جازىپتى:

-«1933 جىلى دۇنيەگە كەلگەن، 1945 جىلدىڭ كوكتەمىنەن كەيىنگى ءومىرى «انە، جاۋ كەلىپ قالدى!» دەگەن ىلعي ۇركۋ-قاشۋمەن باستالىپ، 1947 جىلى سوۆەتتىك سۇعاناقتىق شابۋىلداردىڭ سالدارىنان اتا قونىس قىزىل وزەننەن شىعىسقا قاراي قاشقان (شىعىس تۇركىستاننىڭ ەرەنقابىرعا تاۋىنىڭ بوكتەرىنەن), 1949 جىلدىڭ اياعىندا دا ستالين مەن ماو زەدۇڭ باسقارعان ورىس-قىتاي كوممۋنيزمى دەيتىن زۇلىمنان جان ساۋعالاپ، تۋعان ەلى شىعىس تۇركىستاننان شەت ەلدەرگە بوسقان، تاكلاماكان شولىنەن ءوتىپ، گيمالاي تاۋىنان اسقان، جولدا جەتى رەت قىتاي اسكەرلەرىنىڭ شابۋىلىنا دۋشارلاسىپ، ىشەرگە اسى، كيەرگە كيىمى جانە جاتار ورنى جوق قاڭعىرعان بەيشارا حالىق رەتىندە، ءبىر اۋىز ءتىلىن بىلمەيتىن مۇلدەم جات ەل  كاشىمىر-ۇندىستانعا 1951 جىلدىڭ اياعىندا بارىپ پانالاعان. 1954 جىلدىڭ جازىندا دا تۇركياعا جەتىپ، جان باعۋ ءۇشىن مۇلدەم جاڭا ءومىر سالتىنا وراي ارپالىسقان قازاقتاردى سوندا باستاپ بارعان قاليبەك حاكىمنىڭ ۇلى رەتىندە مەن دە تالايدى كوردىم. كوپ كەڭەستەر ەستىدىم. ءوزىم دە بوس ءومىر وتكىزبەدىم. تۇركيادا باستالعان ءومىر ارپالىستارىمدى كەيىن گەرمانيادا جالعاستىردىم. بىرنەشە شەت ەلدەرگە باردىم. كوپتەگەن جينالىستارعا قاتىناستىم. تالاي كىسىلەرمەن كەزدەستىم. كۇندەلىك باعدارلاماسىن ەلىماي-لاپ زارلاعان ساعىنىش مۇڭمەن باستايتىن «ازاتتىق» راديوسىندا 28 جىل بويى سويلەدىم. انە، سولاردىڭ ەستە قالعان جيىنتىعىنىڭ ۇزىندىلەرىن ىقشامداپ «ەلىماي-لاپ وتكەن ءومىر» اتىمەن كىتاپ ەتىپ جاريالادىم ».

جات قولىندا قالعان تۋعان جەردىڭ ءبىر جۇتىم اۋاسىنا زار بولىپ، عۇمىرىن ساعىنىشپەن، ارمانمەن، ارپالىسپەن، ەرلىكپەن، ەسىل ەڭبەكپەن، قازاق حالقىنا دەگەن شەكسىز ماحابباتپەن وتكەرگەن عازيز جاننىڭ قازاسىنا قابىرعاسى قايىسقان ەستى جۇرت، قايعىڭا ورتاقپىز...

Abai.kz اقپاراتتىق پورتالىنىڭ ۇجىمى