زاڭدى قاقىن تالاپ ەتىپ سارسىلعان ساندۋعاش تاعابەرگەنوۆا جيۆيلوۆ دەگەننىڭ اۋزىنان «سەندەر سورلى حالىقسىڭدار» دەگەن ءسوز ەستىدى.

زاڭدى قاقىن تالاپ ەتىپ سارسىلعان ساندۋعاش تاعابەرگەنوۆا جيۆيلوۆ دەگەننىڭ اۋزىنان «سەندەر سورلى حالىقسىڭدار» دەگەن ءسوز ەستىدى.

وقىرمانعا  ماسەلەنىڭ ءمان-جايى تۇسىنىكتى بولۋ ءۇشىن اڭگىمەنى ارىدەن  باستايىق. 2007 جىلدىڭ 24-جەلتوقسانىندا ساندۋعاش تاعابەرگەنوۆا ش.سەنباەۆتان ساتۋ جانە ساتىپ الۋ كەلىسىم-شارتى بويىنشا ون كونتەينەر ساتىپ الادى. ەرتەڭىنە 25-جەلتوقسان كۇنى كونتەينەرلەرىن اشۋ ماقساتىندا «گلوريا» جشس-ءنىڭ ديرەكتورى  ن.جيۆيلوۆپەن مەرزىمسىز كەلىسىم-شارتقا وتىرادى. ناتيجەسىندە  ن.جيۆيلوۆ وعان ءار ورىندى ون مىڭ دوللاردان ساتىپ، قالتاسىنا ءجۇز مىڭ دوللاردى باسادى. ءسويتىپ ول، وسى ساۋدا ورىندارىنىڭ س.تاعابەرگەنوۆانىڭ جەكە مەنشىگىنە وتكەنىن راستايتىن ون تولقۇجات بەرەدى. بۇلاردىڭ ارقايسىسىندا «گلوريا»جشس-ءنىڭ ءمورى، ن.جيۆيلوۆ مىرزانىڭ  بادىرايتىپ قويعان قولى، تىركەۋ نومىرلەرى، قاتارى جەكە-جەكە جازىلىپ  ايقايلاپ تۇر. ول تەك ساندۋعاش تاعابەرگەنوۆاعا عانا ەمەس، ساۋدا ورنىن، ياعني، جەردى ساتقان بارلىق ادامعا «سالىق، ت.ب. اقىلاردى ءوزىم تولەيمىن، اقشاسىن ماعان بەرىپ تۇرساڭدار بولدى» دەيدى. بۇعان سەنگەندەر ءتىپتى، جەرگە تولەگەن اقشالارىنا تۇبىرتەك الۋدى دا ويلاماي، قولدارىنا تيگەن تولقۇجاتقا ىرزا بولىپ كەتە بارادى. قوش دەلىك، «گلوريا» جشس-نە كاسىپكەرلەر اي سايىن سۇراعان اقشاسىن تولەپ، اكىمشىلىكتىڭ داپتەرىنە قول قويىپ جۇرە بەرەدى. كۇندەردىڭ كۇنىندە س.تاعابەرگەنوۆا  ن.جيۆيلوۆقا اۋەزوۆ اۋداندىق سالىق بولىمىنە سالىقتى ءوزى بارىپ تولەيتىنىن ايتادى. داۋ وسى جەردە ۋشىعادى. ويتكەنى، كونتەينەرلەر مەن ولار تۇرعان جەر زاڭ بويىنشا س.تاعابەرگەنوۆاعا تيەسىلى، جەكە مەنشىگى. سويتە تۇرا ون كونتەينەر ءۇشىن بەلگىسىز سەبەپتەرمەن «گلورياعا» اي سايىن 257 مىڭ جانە سۋبارەنداعا 50 مىڭ تەڭگە تولەپ وتىرعان. نە ءۇشىن؟ (ەنەرگيا، ت.ب. قىزمەت اقىلارىن قوسپاعاندا). ال، جيۆيلوۆ مىرزا بولسا «گلوريا» بازارىنىڭ جەر تەلىمى ءۇشىن مەملەكەتكە ايىنا بار-جوعى 146 مىڭ 874 تەڭگە تولەپ كەلگەن. شىن مانىندە ن.جيۆيلوۆ جەر تەلىمىن الماتى قالاسى اكىمشىلىگىنەن  ساتۋ ءۇشىن ەمەس، ساۋدا ورتالىعىن سالۋ ماقساتىندا جالعا العان. بىراق، ونىڭ بۇل جەردى ماقساتتى پايدالانباعانى ءوز الدىنا، جالعا العان تەلىمدى ءوز مەنشىگىندەي باسقانىڭ جەكە مەنشىگىنە بەرۋىن قالاي تۇسىنۋگە بولادى؟ بۇل تۋرالى مالىمەتتەر س.تاعابەرگەنوۆانىڭ ارىزى بويىنشا قارجى پوليتسياسىنىڭ وتكەن جىلدىڭ 22-ماۋسىمىندا جاساعان اۋديتورلىق تەكسەرۋى نەگىزىندە انىقتالعان. ن.جيۆيلوۆكە جازعان العاشقى شاعىمدى الماتى قالاسىنىڭ قارجى پوليتسياسى بەلگىسىز سەبەپتەرمەن جاۋىپ تاستاعان. تەك س.تاعابەرگەنوۆا قايرات قوجامجاروۆتىڭ قابىلداۋىنا كىرگەننەن كەيىن، ياعني، توراعانىڭ نۇسقاۋىنان سوڭ عانا الماتىلىقتار ۇيقىسىنان ويانىپ، اۋديتورلىق تەكسەرۋ جۇرگىزگەن.

«گلوريا» بازارىنىڭ اۋماعىندا قانشاما كاسىپكەر بار. ال تاعابەرگەنوۆانىڭ ءبىر ءوزى «گلوريا» جشس-نە اي سايىن 300 مىڭنان اسا اقشا تولەپ وتىرعان. بۇل مەملەكەتتىڭ  ميلليونداعان قارجىسىنىڭ ن.جيۆيلوۆتىڭ جەكە قالتاسىنا ءتۇسىپ جاتقانىنىڭ ناقتى دالەلى ەمەس پە؟ قارجى پوليتسياسىنىڭ تەكسەرۋىنەن سوڭ، ياعني، ەكى جىلدان كەيىن «گلوريا» جالعا بەرۋشىلەرىنە اقشا تولەمىن راستايتىن تۇبىرتەك بەرىلە باستاعان. جەر تەلىمىنە جەكە مەنشىك قۇقىعىن الماتى قالاسىنىڭ اكىمشىلىگى عانا بەرە الاتىنىن ەسكەرسەك، ن.جيۆيلوۆكە مۇنداي قۇقىقتى كىم بەردى؟ وكىنىشكە قاراي،  قۇزىرلى ورگاندار بۇل زاڭبۇزۋشىلىققا كوزدەرىن تارس جۇمىپ، ءۇنسىز وتىر. ايتپەسە س.تاعابەرگەنوۆا بۇل جونىندە ىشكى ىستەر مينيسترلىگىنە، قاۋىپسىزدىك قىزمەتىنە، قارجى اگەنتتىگىنە، ت.ب. ورگانداردىڭ بارىنە حات جازعان. باسقاسىن ايتپاعاندا  زاڭدىلىقتى قاداعالايتىن ورگان الماتى قالاسى پروكۋراتۋراسىنىڭ ءبىر ءوزى عانا ن.جيۆيلوۆكە قاتىستى س.تاعابەرگەنوۆانىڭ جازعان بەس شاعىمىن تاقىمدارىنا باسىپ،  جاۋاپسىز قالدىرىپ وتىر.

ن.جيۆيلوۆ 2007 جىلدىڭ 25-جەلتوقسانىنداعى كەلىسىمشارتتى جوققا شىعارىپ، وزىنشە جاڭا كەلىسىمشارت جاسايدى. ونىڭ 1-تارماعىندا: «بارلىق ارىزدار مەن شاعىمدار مەنىڭ قاراۋىمسىز ەشقانداي زاڭدى مەكەمەلەرگە بەرىلمەۋى ءتيىس» دەسە، 3-تارماقتا كونتەينەرلەردى كىمگە جالعا بەرەتىنى تەك ءوزىنىڭ كەلىسىمىمەن عانا جۇزەگە اساتىنى ايتىلعان. مۇنى بەلدەن باسۋ ەمەس دەپ ايتپاي كورىڭىزشى.  شىن مانىندە مەملەكەت جەرىن زاڭسىز ساتىپ، جەر تەلىمىن ماقساتسىز پايدالانعانىمەن قويماي، ونداعى حالىقتىڭ كونستيتۋتسيالىق قۇقىعىن تاپتايتىنداي جيۆيلوۆ كىم؟ وعان مۇنداي مۇمكىندىكتى كىم بەرىپ وتىر؟ ارينە، تەك جيۆيلوۆ مىرزانىڭ عانا قۇقىعىن قورعايتىن «ۇرداجىق» كەلىسىمشارتقا س.تاعابەرگەنوۆانىڭ قول قويماۋى زاڭدى.  ءوز قۇقىعىن قورعاعان كاسىپكەردى ن.جيۆيلوۆ قۋعىنعا ۇشىراتىپ، 2008 جىلدىڭ 1-قىركۇيەگىندە ساۋدا ورىندارىن تاۋارىمەن قوسا  تاركىلەپ، جاۋىپ تاستاعان. ەندىگى جايتتى س.تاعابەرگەنوۆانىڭ ءوزى ايتسىن:

- ن.جيۆيلوۆ مىرزا مەنى شاقىرىپ، «اكىمشىلىك پەن قارجى پوليتسياسىنا شاعىمداناتىن سەن كىم ەدىڭ؟ ماعان نە ىستەي الامىن دەپ وتىرسىڭ؟ «نۇر وتانىڭا»، پرەزيدەنتىڭە جاز، قولىڭنان ەشتەڭە كەلمەيدى، اۋرە بولما! سەندەر سورلى حالىقسىڭدار، ورالمانسىڭدار!-دەپ نەبىر بالاعات سوزدەر ايتىپ، نامىسىما ءتيدى. اسىرەسە ونىڭ ۆى ۆسە كازاحي - نيجە پوياسا موەگو! ۆى ۆسە پروداجنىە، يا ۆاس ۆسەح كۋپليۋ!» - دەپ حالقىمدى قورلاعانى جانىما اۋىر ءتيدى.

وسىلايشا س.تاعابەرگەنوۆا جاڭا كەلىسىمشارتپەن كەلىسپەگەنى ءۇشىن بازاردان  قۋىلادى. بۇدان سوڭ س.تاعابەرگەنوۆا الاتاۋ اۋداندىق  ىشكى ىستەر ورگانىنا شاعىمدانادى. ءتارتىپ ساقشىلارى ءوز مىندەتتەرىن اتقارۋعا اسىعا قويمايدى. ولاردان  تۇك شىقپاعاننان سوڭ ساندۋعاش ن.ءجيۆيلوۆتىڭ ۇستىنەن مامانداندىرىلعان اۋدانارالىق ەكونوميكالىق سوتىنا ارىز تۇسىرەدى. سۋديا ا.ەليباەۆ جالعان كەلىسىمشارتتىڭ نەگىزىندە س.تاعابەرگەنوۆانى  ن.ءجيۆيلوۆتىڭ الدىنا جىعىپ بەرەدى.  ەندى ن.ءجيۆيلوۆتىڭ استامسىعانى سونشا كەلىسىمشارتتى عانا ەمەس، جەرگە جەكە مەنشىك قۇقىعىن راستايتىن تولقۇجاتتى دا وزگەرتىپ جىبەرەدى. ەڭ باسىندا بەرىلگەن تولقۇجات ماتىنىندە «پرينادلەجيت نا پراۆاح چاستنوي سوبستۆەننوستي تاگابەرگەنوۆوي ساندۋگاش زيادينوۆنە» دەپ جازىلسا، ەكىنشى جاسالعان قۇجاتتا بۇل سوزدەر «تورگوۆوە مەستو پرينادلەجيت ۆلادەلتسۋ نا پراۆاح چاستنوي سوبستۆەننوستي بەز پراۆا نا زەمەلنىي ۋچاستوك» دەپ  باستاپقى ءوڭىن تەرىس اينالدىرىپ شىعا كەلگەن. «ساسقان ۇيرەكتىڭ ارتىمەن جۇزەتىنى» سەكىلدى وتىرىگى اشكەرە بولىپ قالعان ن.جيۆيلوۆ مىرزا ەندى قايتەدى،  بەلشەسىنەن باتىپ كەتكەن بىلىعىن  جابۋ ءۇشىن، ارينە، قۇجاتتاردى قولدان جاسايدى، وزگەرتەدى، ت.ب. باسقا ءجونسىز ارەكەتتەرگە بارادى. ن.جيۆيلوۆكە جەردىڭ قانداي ماقساتتا بەرىلگەنى جوعارعى سوتتىڭ №4 گپ-285-09 جەكە قاۋلىسىندا: «....كرومە توگو، يز اكتا ي دوگوۆورا ارەندى وت 18 وكتيابريا 2006 گودا، يمەيۋششيحسيا ۆ ماتەريالاح دەلا، سلەدۋەت، چتو زەمەلنىي ۋچاستوك، نا كوتوروم ۋستانوۆلەنى 10 كونتەينەروۆ سوۆستۆەننيتسەي تاگابەرگەنوۆوي س.، پرەدوستاۆلەن توو ۆ ارەندۋ دليا سترويتەلستۆا ي ەكسپلۋاتاتسي تورگوۆوگو تسەنترا نا وسنوۆاني پوستانوۆلەنيا اكيماتا گورودا الماتى №6/1063-507 وت 13 سەنتيابريا 2006 گودا، يز چەگو سلەدۋەت، چتو وتۆەتچيكوم، پو سۋتي، يستيتسە پەرەدان ۆ سۋبارەندۋ زەمەلنىي ۋچاستوك، ا نە تورگوۆوە مەستو، چتو پودتۆەرجدەنو پرەدستاۆيتەلەم وتۆەتچيكا نا زاسەداني نادزورنوي كوللەگي ۆەرحوۆنوگو سۋدا» دەپ بەكىتىلگەن. ن.ءجيۆيلوۆتىڭ ءالى كۇنگە دەيىن قۇزىرلى ورگاندار مەن سوتقا 2007 جىلدىڭ 25-قاراشاسىندا جاسالدى دەپ كورسەتىپ جۇرگەن كەلىسىمشارتىنىڭ دا زاڭسىزدىعىن جوعارعى سوت سۋديالارى سوقىرعا تاياق ۇستاتقانداي دالەلدەپ بەرگەن. ەندى قاۋلىداعى جولدارعا كوز جۇگىرتەيىك: «...دوگوۆور ارەندى نە موگ بىت پودپيسان يستيتسەي 25 نويابريا 2007 گودا، كاك ۋكازانو ۆ كوپي دوگوۆورا، پرەدستاۆلەننوگو وتۆەتچيكوم، تاك كاك فاكتيچەسكي ون بىل پودپيسان ەيۋ 25 دەكابريا 2007 گودا، كاك ەتو سلەدۋەت يز وريگينالا دوگوۆورا، پرەدستاۆلەننوگو يستيتسەي، ي يسسلەدوۆاننوگو ۆ سۋدەبنوم زاسەداني، پودۆەرجداەۆتسيا ماتەريالامي دەلا».

سۋديا ا.ەليباەۆتىڭ ادىلەتسىز شەشىمىنە جانى كۇيگەن س.تاعابەرگەنوۆا قالالىق سوتتىڭ اپپەللياتسيالىق القاسىنا جۇگىنەدى. توراعالىق ەتۋشى ر.ادىلباەۆا، سۋديالار گ.مۋسينا، ب.بەگاليەۆتەر جاۋاپكەرگە ون كونتەينەردى اشۋدى جۇكتەيدى، سويتە تۇرا تالاپكەردىڭ جۇمىسىن ءارى قاراي جالعاستىرۋى ءۇشىن ەمەس، ونىڭ تەك تاۋارلارىن الۋىن عانا مىندەتتەگەن، ياعني، شالدىر-شاتپاق شەشىم شىعارادى. ءدال وسى ارادا جوعارىداعىداي   زاڭسىزدىقتارعا جول بەرگەنى ءۇشىن جوعارعى سوت تاراپىنان الماتى قالالىق سوتىنىڭ  توراعاسى مەن الماتى قالاسىنىڭ اكىمىنىڭ اتتارىنا جەكە قاۋلى شىعارىلىپ، جولدانعانىن ايتا كەتكەن ءجون.

ابدەن شاراسى تاۋسىلعان س.تاعابەرگەنوۆا جوعارعى سوت توراعاسى مۇسابەك الىمبەكوۆتىڭ اتىنا اشىق حات جازادى. وتكەن جىلدىڭ 13-قىركۇيەگى كۇنى جوعارعى سوتتان شاقىرتۋ الادى. بۇل ارالىقتا ول  «نۇر وتان» پارتياسى الماتى فيليالىنىڭ سول كەزدەگى  توراعاسى، مارقۇم ت.سادىقوۆتىڭ قابىلداۋىندا بولادى. ماسەلەنىڭ ءمان-جايىن ەستىگەن ت.سادىقوۆ س.تاعابەرگەنوۆانى ق.قوجامجاروۆتىڭ قابىلداۋىنا جازدىرتادى. «وسىدان كەيىن عانا مەنىڭ ءىسىم العا جىلجي باستادى.  ادىلدىك ىزدەپ قر سىبايلاس جەمقورلىققا قارسى كۇرەس اگەنتتىگىنىڭ توراعاسى، ق.قوجامجاروۆقا، ءىىم تەرگەۋ ءبولىمىنىڭ باستىعى م.امىروۆكە، ءىىم قاۋىپسىزدىك قىزمەتىنىڭ باستىعى ا.ۆىۆوروۆقا، باس پروكۋراتۋرا دەپارتامەنتىنىڭ باستىعى ە.ابدىقادىروۆكە، جوعارعى سوت جانىنداعى سوتتار اكىمشىلىگى جونىندەگى كوميتەتتىڭ توراعاسى گ.كيمگە، الماتى قالالىق ىشكى ىستەر دەپارتامەنتى تەرگەۋ باسقارماسىنىڭ باستىعى  ب.ارعىنباەۆقا،  ونىڭ ورىنباسارى ب.تەڭىزباەۆقا، الاتاۋ اۋداندىق ىشكى ىستەر باسقارماسىنىڭ باستىعى اشيروۆكە، الماتى قالاسىنىڭ پروكۋرورى ءا.ەستاەۆقا، ونىڭ ورىنباسارى م.قوجاباەۆقا، الماتى قارجى پوليتسياسىنىڭ باستىعى م.دۇيسەنوۆكە،  ت.ب. باردىم. ەندى ن.ءجيۆيلوۆتىڭ زاڭسىز ىستەرىن اشكەرلەۋ ءۇشىن پرەزيدەنتىمىز نۇرسۇلتان ءابىشۇلى مەن ەلىمىزدىڭ باس پروكۋرورى قايرات ءمامي مىرزاعا بارۋ عانا قالدى.

19-ناۋرىزدا جوعارعى سوتتىڭ 14-قازاندا شىققان №4گپ-285-09 قاۋلىسىن ورىنداۋعا ون بەس شاقتى سوت ورىنداۋشىسىمەن بارعانىمىزدا، بەلگىسىز تەلەفون قوڭىراۋلارى شالىنىپ، ءىس ورتا جولدان توقتاپ قالدى. 26-ناۋرىزدا ۆ.كيمنىڭ قابىلداۋىنا ءۇشىنشى رەت كىردىم. ول ءىستىڭ ءمان-جايىن ءبىلۋ ءۇشىن الماتىدان اعا سوت ورىنداۋشى اسقار باۋتاەۆتى ارنايى شاقىرتتى. ول ءوز تۇسىنىكتەمەسىندە  استانادان ع.سماعۇلوۆ، گ.سۇلەيمەنوۆا، سودان كەيىن الماتى قالاسى سوتتار اكىمشىسىنىڭ ورىنباسارى ب.اسانبەكوۆتىڭ ءىستى توقتاتۋ جونىندە بۇيرىق بەرگەنىن  جازعان. سول كەزدەگى ءىس-ارەكەتتەر بەينەجازباعا ءتۇسىرىلدى» دەيدى ساندۋعاش. ن.ءجيۆيلوۆتىڭ «جوعارعى سوت  ماعان س.تاعابەرگەنوۆاعا ۇيلەن دەسە، ۇيلەنۋىم كەرەك پە، مەن سوت قاۋلىسىن ورىندامايمىن» دەگەن ءسوزى تاسپاعا جازىلىپ الىنىپتى. ءبىر قىزىعى، بۇل ءۋاجىن ول سوت پروتسەسى ۇستىندە ايتقان.  دەمەك، ونى سۋىن ءىشىپ، اۋاسىن جۇتىپ، ءوزىن بايىتىپ وتىرعان قازاق ەلىنىڭ  زاڭىن سىيلاماعانى ءۇشىن جاۋاپكەرشىلىككە تارتۋعا تولىق نەگىز بار.

وسى جىلدىڭ 9-ساۋىرىندە ەكونوميكالىق سوتتا سۋديا ك.سالىمباەۆا وتكىزگەن  وتىرىسقا قاتىستىق. ءىستىڭ اق-قاراسىنا زاڭدى كوزقاراسىن بىلدىرگەنى ءۇشىن  وتىرىس بىتە سالا ن.جيۆيلوۆ پەن ونىڭ ادۆوكاتى ل.كالباحاني پروكۋرور ە.بايماحانوۆقا وكتەمدىك تانىتىپ، جاعا جىرتىسۋعا  دەيىن باردى. سىرتتان قاراپ تۇرىپ، شىنىندا ن.جيۆيلوۆ مەملەكەتتىك شەندى قىزمەتكەرگە بۇلاي داۋىس كوتەرگەندە قاراپايىم حالىققا نە ىستەمەيدى دەگەن ويعا قالدىق. س.تاعابەرگەنوۆادا ون كونتەينەر بار، ال، ن.جيۆيلوۆ سوتقا ون بەس ەسەپ-تولەمىن وتكىزەدى دە، جالپى سوماسىن 257 مىڭ ەتىپ شىعارادى. سوندا باسى ارتىق بەس كونتەينەر كىمدىكى؟ بۇل دا بەلگىسىز. س.تاعابەرگەنوۆانىڭ ورىن نومىرلەرى ەسەپ-تولەمدەرىندە كورسەتىلگەن نومىرلەرمەن  سايكەس كەلمەيدى. ن.جيۆيلوۆ پەن جەتىسۋ اۋداندىق سالىق باسقارماسى وسىنداي جالعان ارەكەتتەرىمەن سوتتى، قۇزىرلى ورگانداردى شاتاستىرۋدا.

ماقالامىزعا ارقاۋ بولعان №4گپ-285-09 قاۋلىسى ۇزاق سەندەلىس، سانسىز سەرگەلدەڭمەن مارەسىنە جەتتى. جەتكەندە دە قالاي جەتتى دەسەڭىزدەرشى. س.تاعابەرگەنوۆا ءۇش بالا تاربيەلەپ وتىرعان انا، ونى ايتپاعاننىڭ وزىندە وردا بۇزار جاسقا دا كەلمەگەن قارشاداي قىز. ال، ن.ءجيۆيلوۆتىڭ ءىس-ارەكەتىنەن ساندۋعاش سىندى قازاق قىزدارىنىڭ نامىسىن قورلاۋ، جالپى العاندا قازاقتىڭ بايىماۋىن كوزدەۋ،  قۇقىعىن قورعاتپاۋ سەكىلدى استام پيعىل انىق  بايقالادى. مۇنى اشىق ايتۋ كەرەك. ازىرگە ماڭدايىنا جەل تيمەي تۇرعان شۋ اساۋ ن.جيۆيلوۆتىڭ اپتىققان كوڭىلىن ساباسىنا ءتۇسىرىپ، تاۋبەسىنە كەلتىرۋدى قۇزىرلى ورگانداردىڭ ەنشىسىنە قالدىرعاندى قۇپ كورىپ وتىرمىز.

بەت قاتتالىپ جاتقاندا قر جوعارعى سوتى جانىنداعى سوت اكىمشىلىگى جونىندەگى كوميتەت توراعاسىنىڭ ورىنباسارى ب.اسقاروۆتان س.تاعابەرگەنوۆاعا مىنا مازمۇندا حات كەلدى. حاتتا ءوز قىزمەتىن دۇرىس اتقارماعانى ءۇشىن الماتى قالاسى سوتتار اكىمشىسىنىڭ بۇيرىعىمەن سوت ورىنداۋشىسى م.سۇلەيمەنوۆ قاتاڭ تارتىپتىك جاۋاپكەرشىلىككە، الماتى قالاسىنىڭ سوتتار اكىمشىسى ا.پىرىمقۇلوۆ، كوميتەتتىڭ ءتارتىپ كوميسسياسى ءماجىلىسىنىڭ قورىتىندىسىمەن قاتاڭ سوگىس پەن تارتىپتىك جاۋاپكەرشىلىكە تارتىلىپ، ۋاقىتشا ەڭبەككە جارامسىزدىق دەمالىسىندا جۇرگەندىگىنە بايلانىستى ونىڭ ورىنباسارى ب.اسانبەكوۆتىڭ ماسەلەسىن قاراۋ كەيىنگە قالدىرىلعان. قر «اتقارۋ ءىسى جانە سوت ورىنداۋشىلارىنىڭ مارتەبەسى جونىندەگى» زاڭىنىڭ 57/1 بابىنىڭ تالاپتارىنا سايكەس سوت اكتىسىن ورىنداۋ ءۇشىن «گلوريا »جشس باس ديرەكتورى ن.جيۆيلوۆقا قاتىستى 2010 جىلدىڭ 25-ناۋرىزىندا الماتى قالالىق ءىىد-ءنىڭ انىقتاۋ باسقارماسىنا ونى قر قىلمىستىق كودەكسىنىڭ 362-بابى بويىنشا قىلمىستىق جاۋاپكەرشىلىككە تارتۋ تۋرالى ۇسىنىس جىبەرىلگەن.

قۇزىرلى ورگاننىڭ  مالىمەتى وسىنداي. سونىمەن ازىرگە ءالىپتىڭ ارتىن باعىپ، جوعارىدا اتتارى اتالعان ءتيىستى ورگاندار مەن مەكەمەلەردىڭ  ن.ءجيۆيلوۆتىڭ ءىس ارەكەتىنە قاتىستى ءۋالى ۋاجدەرىن ءوز اۋىزدارىنان ەستىسەك دەگەن ءۇمىتىمىز بار.

تۇيمەگۇل سماعۇلقىزى

سۋرەتتە:

1. زاڭدى قاقىن تالاپ ەتىپ سارسىلعان ساندۋعاش تاعابەرگەنوۆا جيۆيلوۆ دەگەننىڭ اۋزىنان «سەندەر سورلى حالىقسىڭدار» دەگەن ءسوز ەستىدى.

2. «گلوريا» ساۋدا ءۇيى دەپ جازىلعانىمەن، شىن مانىندە ساۋدا ءۇيىنىڭ تالاپتارىنا ساي كەلمەيتىن، تەك توبەسى جابىلعان قارا بازار وسى.

(ماقالا ىقشامدالىپ باسىلدى)

«زاڭ گازەتىنەن» الىندى. www.zan.zanmedia.kz