قازاقستان پرەزيدەنتىنە كورەيا ۋنيۆەرسيتەتىنىڭ قۇرمەتتى عىلىم دوكتورى اتاعى بەرىلدى
سەۋل. 23 ءساۋىر. قازتاگ - كورەيا ۋنيۆەرسيتەتىنىڭ عىلىمي كەڭەسى قازاقستان پرەزيدەنتى نۇرسۇلتان نازارباەۆقا قۇرمەتتى عىلىم دوكتورى اتاعىن بەردى، دەپ حابارلادى جۇما كۇنى پرەزيدەنت ءباسپاسوز قىزمەتى.
ن. نازارباەۆ وسىنشاما ۇلكەن اتاق بەرگەنى ءۇشىن ۋنيۆەرسيتەت باسشىلىعىنا العىسىن ءبىلدىرىپ، كورەيا ۋنيۆەرسيتەتىنىڭ تۇلەكتەرى ءوز ەلىنىڭ دامۋىنا وراسان زور ۇلەس قوسقانىن اتاپ ءوتتى.
كورەيا پرەزيدەنتى لي ميون باكپەن كەلىسسوزدەردى قورىتىندىلاي وتىرىپ، ن. نازارباەۆ «ەكى جاقتى ەكونوميكالىق ىنتىماقتاستىقتا باسىمدىقتى عىلىمدى كوپ قاجەت ەتەتىن يننوۆاتسيالىق جوبالاردى ىسكە اسىرۋعا دەن قويۋ» نيەتى بارلىعىن ءبىلدىردى.
«بۇل تۇستا قازاقستان مەن وڭتۇستىك كورەيانىڭ زەرتتەۋ ينستيتۋتتارى مەن ورتالىقتارى، وزگە دە جوعارى وقۋ ورىندارى وزاعا تىعىز بايلانىستار ورناتۋدا جەتەكشى ءرول اتقارۋلارى ءتيىس»، - دەپ اتاپ ءوتتى قازاقستان باسشىسى.
نۇرسۇلتان نازارباەۆ كورەي عىلىمي قوعامداستىعىنىڭ الدىندا استاناداعى جاڭا ۋنيۆەرسيتەتپەن ىنتىماقتاسۋعا مۇمكىندىكتەر اشىلىپ وتىرعانىن اتاپ ءوتتى. ۋنيۆەرسيتەت بيىلعى جىلى اشىلادى جانە قازاقستاندىق ءبىلىم مەن عىلىمدى دامىتۋدىڭ كوشباسشىسى رەتىندە سانالىپ وتىر. بۇل جوعارى وقۋ ورنى ەڭ جاڭا، وسى زامانعى زەرتحانالىق جانە عىلىمي-زەرتتەۋ ورتالىقتارىمەن جاراقتاندىرىلعان.
سەۋل. 23 ءساۋىر. قازتاگ - كورەيا ۋنيۆەرسيتەتىنىڭ عىلىمي كەڭەسى قازاقستان پرەزيدەنتى نۇرسۇلتان نازارباەۆقا قۇرمەتتى عىلىم دوكتورى اتاعىن بەردى، دەپ حابارلادى جۇما كۇنى پرەزيدەنت ءباسپاسوز قىزمەتى.
ن. نازارباەۆ وسىنشاما ۇلكەن اتاق بەرگەنى ءۇشىن ۋنيۆەرسيتەت باسشىلىعىنا العىسىن ءبىلدىرىپ، كورەيا ۋنيۆەرسيتەتىنىڭ تۇلەكتەرى ءوز ەلىنىڭ دامۋىنا وراسان زور ۇلەس قوسقانىن اتاپ ءوتتى.
كورەيا پرەزيدەنتى لي ميون باكپەن كەلىسسوزدەردى قورىتىندىلاي وتىرىپ، ن. نازارباەۆ «ەكى جاقتى ەكونوميكالىق ىنتىماقتاستىقتا باسىمدىقتى عىلىمدى كوپ قاجەت ەتەتىن يننوۆاتسيالىق جوبالاردى ىسكە اسىرۋعا دەن قويۋ» نيەتى بارلىعىن ءبىلدىردى.
«بۇل تۇستا قازاقستان مەن وڭتۇستىك كورەيانىڭ زەرتتەۋ ينستيتۋتتارى مەن ورتالىقتارى، وزگە دە جوعارى وقۋ ورىندارى وزاعا تىعىز بايلانىستار ورناتۋدا جەتەكشى ءرول اتقارۋلارى ءتيىس»، - دەپ اتاپ ءوتتى قازاقستان باسشىسى.
نۇرسۇلتان نازارباەۆ كورەي عىلىمي قوعامداستىعىنىڭ الدىندا استاناداعى جاڭا ۋنيۆەرسيتەتپەن ىنتىماقتاسۋعا مۇمكىندىكتەر اشىلىپ وتىرعانىن اتاپ ءوتتى. ۋنيۆەرسيتەت بيىلعى جىلى اشىلادى جانە قازاقستاندىق ءبىلىم مەن عىلىمدى دامىتۋدىڭ كوشباسشىسى رەتىندە سانالىپ وتىر. بۇل جوعارى وقۋ ورنى ەڭ جاڭا، وسى زامانعى زەرتحانالىق جانە عىلىمي-زەرتتەۋ ورتالىقتارىمەن جاراقتاندىرىلعان.
قازاقستان پرەزيدەنتى سونداي-اق جاڭا ۋنيۆەرسيتەت جۇمىسىنا الەمنىڭ كوپتەگەن ەلدەرىنەن ماماندار تارتىلاتىنىنا جانە اتالعان ۋنيۆەرسيتەتتە كورەيا رەسپۋبليكاسىنىڭ پروفەسسورلارى دا ءوز لەكتسيالارىن وقيتىنىنا سەنىمىن ءبىلدىردى.
قازىرگى ۋاقىتتا وڭتۇستىك كورەيانىڭ جوعارى وقۋ ورىندارىندا قازاقستاننان 100 ستۋدەنت ءبىلىم الىپ جاتىر.
«ءبىزدىڭ ەلدەرىمىز اراسىنداعى كەلەشەكتەگى قارىم-قاتىناستاردى وسىناۋ جاس تولقىن ايقىندايتىن بولادى. ءبىزدىڭ ەلدەر حالقىنىڭ اراسىنداعى سەنىمدى نىعايتۋ، جالپى قۇندىلىقتاردى ودان ءارى قالىپتاستىرۋ، بولاشاق ەۋرازيا جانە كۇللى الەمنىڭ يگىلىگى مەن قاۋىپسىزدىگى ءۇشىن ەڭبەك ەتۋ مىندەتى سولارعا جۇكتەلەدى»، - دەپ اتاپ ءوتتى پرەزيدەنت.
