استانا. 23 ءساۋىر. قازتاگ - ەسەپ كوميتەتى 2005-2008 جىلدارعا ارنالعان قۇقىق بۇزۋشىلىقتىڭ الدىن الۋ جانە قىلمىسپەن كۇرەس جونىندەگى باعدارلامانىڭ «تيىمدىگى تومەن» دەڭگەيدە جۇزەگە اسىرىلعانىن اتاپ وتەدى، دەپ حابارلايدى رەسپۋبليكالىق بيۋدجەتتىڭ ورىندالۋى بويىنشا ەسەپ كوميتەتىنىڭ ءباسپاسوز قىزمەتى.

«باعدارلامانى جۇزەگە اسىرۋ بويىنشا جوسپاردىڭ كوپتەگەن شارالارى دەكلاراتيۆتىك مانگە يە بولعان. ەسىرتكى بيزنەسىنە قارسى تۇرۋ جۇيەسىنىڭ تيىمدىلىگىن ارتتىرۋ شارالارى قولعا الىنباعان»، - دەلىنگەن جۇما كۇنى تاراتىلعان حابارلامادا.

ەسەپ كوميتەتىندەگىلەردىڭ پىكىرىنشە، ءىىم باعدارلامانىڭ ۇيلەستىرۋشىسى بولا وتىرىپ «ونى ورىنداۋدىڭ ءتيىمدى مەحانيزمىن قالىپتاستىرۋدى قامتاماسىز ەتپەي، باعدارلامانى جۇزەگە اسىرۋعا جەرگىلىكتى بيۋدجەتتەردەن بولىنگەن قارجىنىڭ كولەمى، ونىڭ يگەرىلۋ دەڭگەيى، قول جەتكىزىلگەن ناتيجەلەر تۋرالى تولىق اقپاراتقا يە بولماعان».

كوميتەتتىڭ مالىمەتتەرىنە سايكەس، مۇددەلى مەملەكەتتىك ورگانداردىڭ ءوزارا ىقپالداستىعىن جەتىلدىرۋ شارالارى جەتكىلىكتى دەڭگەيدە قولعا الىنباعان. كەيبىر جەرگىلىكتى اتقارۋشى ورگاندار قۇقىق بۇزۋشىلىق جاساۋعا بەيىم جاسوسپىرىمدەرمەن جۇمىس جاسايتىن الەۋمەتتىك-پەداگوگيكالىق قىزمەتتەردى، الكوگوليزمگە، ناشاقورلىققا، توكسيكومانياعا سالىنعان ادامداردى ەمدەيتىن ەمدەۋ-الدىن الۋ مەكەمەلەرىن قۇرماعان جانە وڭالتۋ ۇيىمدارىنىڭ جەلىسىن كەڭەيتۋ شارالارىن قولعا الماعان.

استانا. 23 ءساۋىر. قازتاگ - ەسەپ كوميتەتى 2005-2008 جىلدارعا ارنالعان قۇقىق بۇزۋشىلىقتىڭ الدىن الۋ جانە قىلمىسپەن كۇرەس جونىندەگى باعدارلامانىڭ «تيىمدىگى تومەن» دەڭگەيدە جۇزەگە اسىرىلعانىن اتاپ وتەدى، دەپ حابارلايدى رەسپۋبليكالىق بيۋدجەتتىڭ ورىندالۋى بويىنشا ەسەپ كوميتەتىنىڭ ءباسپاسوز قىزمەتى.

«باعدارلامانى جۇزەگە اسىرۋ بويىنشا جوسپاردىڭ كوپتەگەن شارالارى دەكلاراتيۆتىك مانگە يە بولعان. ەسىرتكى بيزنەسىنە قارسى تۇرۋ جۇيەسىنىڭ تيىمدىلىگىن ارتتىرۋ شارالارى قولعا الىنباعان»، - دەلىنگەن جۇما كۇنى تاراتىلعان حابارلامادا.

ەسەپ كوميتەتىندەگىلەردىڭ پىكىرىنشە، ءىىم باعدارلامانىڭ ۇيلەستىرۋشىسى بولا وتىرىپ «ونى ورىنداۋدىڭ ءتيىمدى مەحانيزمىن قالىپتاستىرۋدى قامتاماسىز ەتپەي، باعدارلامانى جۇزەگە اسىرۋعا جەرگىلىكتى بيۋدجەتتەردەن بولىنگەن قارجىنىڭ كولەمى، ونىڭ يگەرىلۋ دەڭگەيى، قول جەتكىزىلگەن ناتيجەلەر تۋرالى تولىق اقپاراتقا يە بولماعان».

كوميتەتتىڭ مالىمەتتەرىنە سايكەس، مۇددەلى مەملەكەتتىك ورگانداردىڭ ءوزارا ىقپالداستىعىن جەتىلدىرۋ شارالارى جەتكىلىكتى دەڭگەيدە قولعا الىنباعان. كەيبىر جەرگىلىكتى اتقارۋشى ورگاندار قۇقىق بۇزۋشىلىق جاساۋعا بەيىم جاسوسپىرىمدەرمەن جۇمىس جاسايتىن الەۋمەتتىك-پەداگوگيكالىق قىزمەتتەردى، الكوگوليزمگە، ناشاقورلىققا، توكسيكومانياعا سالىنعان ادامداردى ەمدەيتىن ەمدەۋ-الدىن الۋ مەكەمەلەرىن قۇرماعان جانە وڭالتۋ ۇيىمدارىنىڭ جەلىسىن كەڭەيتۋ شارالارىن قولعا الماعان.

سونداي-اق، باس بوستاندىعىنان ايىرۋ ورىندارىنان بوساعان ادامداردى جانە تۇراقتى تۇرعىلىقتى جەرى جوق ادامداردى جۇمىسقا ورنالاستىرۋ، وڭالتۋ جانە الەۋمەتتىك بەيىمدەۋ بويىنشا شارالار ءتيىستى دەڭگەيدە جۇزەگە اسىرىلماعان. پوليتسيانىڭ ۋچاسكەلىك ينسپەكتورلارىنىڭ قىزمەتىن جەتىلدىرۋ ماسەلەلەرى ءتيىمسىز شەشىلگەن. ۋچاسكەلىك پوليتسەيلەردى ماتەريالدىق-تەحنيكالىق قامتۋ دەڭگەيى تومەن كۇيىندە قالعان، دەلىنگەن ءباسپاسوز مالىمدەمەسىندە.

باعدارلامانى جۇزەگە اسىرۋ ناتيجەسى بويىنشا (2009 جىلدىڭ 1 قاڭتارى) قىزمەت ورىندارىمەن ۋچاسكەلىك ينسپەكتورلاردىڭ 54,7% عانا قامتاماسىز ەتىلگەن، راديو بايلانىسپەن  60,7%، قىزمەت كولىگىمەن 28,7%، قىزمەت تەلەفوندارىمەن 50,5% قامتاماسىز ەتىلگەن. الەۋمەتتىك-تۇرمىستىق پروبلەمالارى دا دۇرىس شەشىلمەگەن. 4270 ۋچاسكەلىك ينسپەكتور نەمەسە جالپى سانىنىڭ 59,2% باسپانامەن، پاتەر تەلەفوندارىمەن 3299-ى نەمەسە 45,8% قامتىلماعان، دەيدى ءباسپاسوز قىزمەتى.

ەسەپ كوميتەتى ۇكىمەتكە قۇقىق بۇزۋشىلىقتاردىڭ الدىن الۋ جانە قىلمىسپەن كۇرەس جۇيەسىن جەتىلدىرۋ بويىنشا شارالار كەشەنىن قولعا الۋعا كەڭەس بەردى.

ەسەپ كوميتەتى - قر پرەزيدەنتىنە تىركەلەي باعىناتىن جانە ەسەپ بەرەتىن مەملەكەتتىك قارجىلىق باقىلاۋدىڭ جوعارعى ورگانى. ول رەسپۋبليكالىق بيۋدجەتتىڭ ورىندالۋىنا، مەملەكەتتىڭ اكتيۆتەرى مەن گرانتتارىن، مەملەكەت كەپىلدەندىرگەن زايمداردى جانە مەملەكەتتىك مەكەمەلەردىڭ ءوز پايدالانۋىندا قالاتىن تاۋارلاردى (جۇمىستاردى، قىزمەتتەردى) وتكىزۋدەن تۇسكەن قارجىنى پايدالانۋعا سىرتقى باقىلاۋ مەن باعالاۋ جۇرگىزەدى.