بىشكەك. 23 ءساۋىر. قازتاگ - بىشكەكتەگى بەلارۋس ەلشىلىگى عيماراتىنىڭ الدىندا قۇرمانبەك باكيەۆتى قىرعىزستانعا قايتارىپ بەرىلۋىن تالاپ ەتكەن پيكەت ءوتتى، دەپ حابارلادى «فەرعانا.رۋ».

پيكەتكە شامامەن 30 ادام قاتىستى. ولار 7-ءشى ساۋىردە قىرعىزداردىڭ استاناسىنىڭ ورتالىق الاڭىندا قازا بولعان جاستاردىڭ تۋىستارى. ولار قاشقىن پرەزيدەنت قۇرمانبەك باكيەۆتى بەلارۋس پرەزيدەنتى الەكساندر لۋكاشەنكو وزىندە جاسىرعانىنا نارازىلىق ءبىلدىرىپ، ونى ەلگە قايتارىپ بەرۋىن تالاپ ەتتى.

پيكەتكە شىققاندار ا. لۋكاشەنكونىڭ قىرعىز حالقىن «قايىرشى»، ال ەلدى «ەشنارسەسى قالماي، تونالعان» دەپ اتاعانىنا نارازىلىق تانىتتى. ولاردىڭ ايتۋىنشا، «قىرعىزستان حالقى ەشۋاقىتتا قايىرشى بولعان ەمەس، جانە الەكساندر گريگورەۆيچ مالىمدەمە جاساۋىنىڭ الدىندا ءوز ءسوزىن ويلاپ العانى ءجون».

پيكەتكە شىعۋشىلار ودان دا كوپ بولۋى مۇمكىن ەدى، بىراق ق. باكيەۆتىڭ جاقتاۋشىلارى تاراپىنان ارانداتۋشىلىققا جول بەرمەۋ ءۇشىن ەلشىلىك الدىنا ازداعان توپ وكىلدەرى عانا شاقىرىلدى، دەيدى اقپاراتتىق اگەنتتىك.

پيكەت ۇيىمداستىرۋشىلارى - «مەكەن شەيتتەرى» («وتان شەيتتەرى») قوعامدىق ۇيىم بىرلەستىگى. ولار الاڭدا قازا بولعانداردىڭ تۋىستارىمەن قۇرىلىپ ، ۇكىمەت ءۇيىنىڭ ماڭىنداعى كيىز ۇيدە ورنالاسقان.

بىشكەك. 23 ءساۋىر. قازتاگ - بىشكەكتەگى بەلارۋس ەلشىلىگى عيماراتىنىڭ الدىندا قۇرمانبەك باكيەۆتى قىرعىزستانعا قايتارىپ بەرىلۋىن تالاپ ەتكەن پيكەت ءوتتى، دەپ حابارلادى «فەرعانا.رۋ».

پيكەتكە شامامەن 30 ادام قاتىستى. ولار 7-ءشى ساۋىردە قىرعىزداردىڭ استاناسىنىڭ ورتالىق الاڭىندا قازا بولعان جاستاردىڭ تۋىستارى. ولار قاشقىن پرەزيدەنت قۇرمانبەك باكيەۆتى بەلارۋس پرەزيدەنتى الەكساندر لۋكاشەنكو وزىندە جاسىرعانىنا نارازىلىق ءبىلدىرىپ، ونى ەلگە قايتارىپ بەرۋىن تالاپ ەتتى.

پيكەتكە شىققاندار ا. لۋكاشەنكونىڭ قىرعىز حالقىن «قايىرشى»، ال ەلدى «ەشنارسەسى قالماي، تونالعان» دەپ اتاعانىنا نارازىلىق تانىتتى. ولاردىڭ ايتۋىنشا، «قىرعىزستان حالقى ەشۋاقىتتا قايىرشى بولعان ەمەس، جانە الەكساندر گريگورەۆيچ مالىمدەمە جاساۋىنىڭ الدىندا ءوز ءسوزىن ويلاپ العانى ءجون».

پيكەتكە شىعۋشىلار ودان دا كوپ بولۋى مۇمكىن ەدى، بىراق ق. باكيەۆتىڭ جاقتاۋشىلارى تاراپىنان ارانداتۋشىلىققا جول بەرمەۋ ءۇشىن ەلشىلىك الدىنا ازداعان توپ وكىلدەرى عانا شاقىرىلدى، دەيدى اقپاراتتىق اگەنتتىك.

پيكەت ۇيىمداستىرۋشىلارى - «مەكەن شەيتتەرى» («وتان شەيتتەرى») قوعامدىق ۇيىم بىرلەستىگى. ولار الاڭدا قازا بولعانداردىڭ تۋىستارىمەن قۇرىلىپ ، ۇكىمەت ءۇيىنىڭ ماڭىنداعى كيىز ۇيدە ورنالاسقان.

پيكەتكە شىققاندار ۋاقىتشا ۇكىمەتتى ادام قازاسى وقيعالارىن ءادىل تەرگەۋگە شاقىرادى. قازا بولعانداردىڭ تۋىستارىنىڭ ايتۋىنشا، بيلىك قاسىرەت اۋقىمىن قايتكەندە جاسىرىپ قالعىسى كەلىپ وتىر، حالىقتىڭ تىنىشتىعى مەن ەلدەگى ساياسي احۋالدىڭ تۇراقتىعى ءۇشىن ساراپتاما، تەرگەۋ جۇرگىزبەي  وتىر. بىراق قازا بولعانداردىڭ تۋىستارى ايىپتىلار جازاعا تارتىلمايىنشا تىنىشتالمايتىنىن مالىمدەۋدە.

جينالعانداردىڭ نارازىلىعىن تۋدىرعان تاعى ءبىر جاعداي، ول بەلارۋس ەلشىلىگىنىڭ «تەحنيكالىق سەبەپتەرمەن» ءساۋىردىڭ 22-23-تەرىندە جۇمىس ىستەمەيتىندىگى بولدى.