جاقىندا «اباي.كز» اقپاراتتىق پورتالىندا «زاڭ گازەتىنەن» الىنىپ باسىلعان «جيۆيلوۆ دەگەن جەگى قۇرت كىم؟» دەگەن ماقالاعا بايلانىستى وقىرمان قاۋىمعا تۇسىنىكتەمە بەرە كەتكەندى ءجون كوردىم. مەن، نيكولاي جيۆيلوۆ 1952 جىلى الماتىدا دۇنيەگە كەلدىم.  كاسىپكەرلىكپەن اينالىسامىن. ايەلىم، ءۇش بالام بار.

ەڭ الدىمەن نەگە ماقالانىڭ تۇپنۇسقاسى باسىلعان «زاڭ گازەتىنە» ەمەس، «اباي.كز» پورتالىنا تۇسىنىكتەمە بەرىپ وتىرعانىما توقتالايىن. ارينە، قازاقستاننىڭ اقپارات كەڭىستىگىندە سانالۋان بۇقارالىق اقپارات قۇرالدارى بار. الايدا «اباي.كز»  قازاق تىلىندەگى ەڭ تانىمال پورتال ەكەن، ءارى قازاق ءتىلىن بىلەتىن بارلىق وتانداستارىما وسى پورتال ارقىلى بولعان جايدى جەدەل جەتكىزۋگە بولاتىنىن ءتۇسىندىم.

اڭگىمەنىڭ اشىعىنا جۇگىنەلىك، اتالعان ماقالاداعى مەن ايتتى دەگەن ءسوزدى ەكى ءتۇرلى ادامنىڭ عانا ءداتى بارىپ ايتا الادى.

ءبىرىنشىسى، شەكتەن تىس ۇلتشىل، شوۆينيست تە، ەكىنشىسى، جۇيكە جۇيەسىندە اقاۋى بار ادام بولۋى مۇمكىن. ال، مەن ونىڭ ەكەۋىنە دە جاتپايتىنىمدى مالىمدەيمىن.

جاقىندا «اباي.كز» اقپاراتتىق پورتالىندا «زاڭ گازەتىنەن» الىنىپ باسىلعان «جيۆيلوۆ دەگەن جەگى قۇرت كىم؟» دەگەن ماقالاعا بايلانىستى وقىرمان قاۋىمعا تۇسىنىكتەمە بەرە كەتكەندى ءجون كوردىم. مەن، نيكولاي جيۆيلوۆ 1952 جىلى الماتىدا دۇنيەگە كەلدىم.  كاسىپكەرلىكپەن اينالىسامىن. ايەلىم، ءۇش بالام بار.

ەڭ الدىمەن نەگە ماقالانىڭ تۇپنۇسقاسى باسىلعان «زاڭ گازەتىنە» ەمەس، «اباي.كز» پورتالىنا تۇسىنىكتەمە بەرىپ وتىرعانىما توقتالايىن. ارينە، قازاقستاننىڭ اقپارات كەڭىستىگىندە سانالۋان بۇقارالىق اقپارات قۇرالدارى بار. الايدا «اباي.كز»  قازاق تىلىندەگى ەڭ تانىمال پورتال ەكەن، ءارى قازاق ءتىلىن بىلەتىن بارلىق وتانداستارىما وسى پورتال ارقىلى بولعان جايدى جەدەل جەتكىزۋگە بولاتىنىن ءتۇسىندىم.

اڭگىمەنىڭ اشىعىنا جۇگىنەلىك، اتالعان ماقالاداعى مەن ايتتى دەگەن ءسوزدى ەكى ءتۇرلى ادامنىڭ عانا ءداتى بارىپ ايتا الادى.

ءبىرىنشىسى، شەكتەن تىس ۇلتشىل، شوۆينيست تە، ەكىنشىسى، جۇيكە جۇيەسىندە اقاۋى بار ادام بولۋى مۇمكىن. ال، مەن ونىڭ ەكەۋىنە دە جاتپايتىنىمدى مالىمدەيمىن.

مەنىڭ شوۆينيست ەمەستىگىمە باستى دالەلىم - ايەلىمنىڭ قازاق بولۋى ءارى ءۇش بالامنىڭ ناعاشى جۇرتىمەن ەتەنە ارالاسىپ تۇرۋى دەپ ويلايمىن. ارينە، سۋىن ءىشىپ، نانىن جەپ وتىرعان قازاق ەلىنە مەنىڭ العىستان باسقا ايتارىم جوق. كۇندەلىكتى تىرلىكتە قويان-قولتىق ارالاسىپ، تالاي جاقسىلىعىن كورىپ جۇرگەن قانشاما قازاق دوستارىم بار. ءتىپتى، مەنىڭ وسىنداي دارەجەگە جەتكەنىمنىڭ ءوزى قازاق حالقىنىڭ كەڭپەيىلدىلىگىنىڭ ارقاسى دەپ ويلايمىن. سوندىقتان مەن بۇكىل قازاق حالقىنىڭ ار-نامىسىنا تيەتىن اۋىر ءسوز ايتۋىم مۇمكىن ەمەس. وعان مەنىڭ بولمىسىم دا، ءتالىم-تاربيەم دە جىبەرمەيدى.

ارينە، ساندۋعاش تاعابەرگەنوۆا ەكەۋىمىزدىڭ ارامىزدا قارجىلىق ماسەلەلەرگە بايلانىستى داۋ تۋىنداعانىن جوققا شىعارمايمىن. ءبىز دە ءوز تاراپىمىزدان زاڭ بويىنشا ارەكەت ەتۋدەمىز دەپ سانادىق، ول دا سونداي ويدا بولدى. سوندىقتان ماسەلەنىڭ اق-قاراسىن انىقتاۋ ءۇشىن ءجيى-ءجيى سوتقا جۇگىنىپ ءجۇرمىز. داۋ باستالعالى بەرى بىرنەشە رەت سوتتا كەزدەسىپ، ءتىپتى، ءبىر-بىرىمىزگە قاتتى ءسوز ايتقان كەزىمىز دە بولدى. بۇل جەردە ميلليونداعان ادامنىڭ تاعدىرى توعىسقان قارا بازاردىڭ ىشكى «كۋحنياسى» تۋرالى ايتىپ وتىرۋدىڭ ءوزى ارتىق دەپ سانايمىن. تەك، سول سوزگە كەلگەن كەزدەردە بۇكىل ۇلتتىڭ نامىسىنا تيەتىن ءسوز ايتپاعانىما ار-نامىسىممەن كۋالىك ەتە الامىن.

«اباي.كز» پورتالىنداعى وقىرماندار پىكىرىنە كوز جۇگىرتسەم مەن «حالىق جاۋىنا» اينالىپپىن. ءتىپتى، ماعان دەگەن وشپەندىلىگىن اشىق جازىپ جاتقاندار دا بار. تالاي ۇلت پەن ۇلىستىڭ باسىن قوسىپ ايرانداي ۇيىپ وتىرعان تاۋەلسىز قازاقستان ءۇشىن تۇراقتىلىق، سىيلاستىق - كوزدىڭ قاراشىعىنداي ساقتايتىن ەڭ باستى جەتىستىگىمىز. ونى ساقتاۋ ءار ازاماتتىڭ مىندەتى. بىزدە ەشقاشان ۇلتارازدىعى تۋىنداعان ەمەس، تۋىندامايدى دا. ويتكەنى، ءبىز تاعدىرلارى تامىرلاسقان باۋىرلاس حالىقتارمىز.

وزدەرىڭىزگە دەگەن ىلتيپاتپەن ن. جيۆيلوۆ