28 ءساۋىر كۇنى رەسپۋبليكالىق، حالىقارالىق بايقاۋلاردىڭ جۇلدەگەرى، مادەنيەت قايراتكەرى جۇبانىش جەكسەنۇلىنىڭ ەكى بىردەي انجيناعىنىڭ تۇساۋكەسەرى وتەدى.

البومعا ونەر يەسىنىڭ ورىنداۋىندا وسىعان دەيىن كوپشىلىك كوڭىلىنەن شىققان تانىمال اندەر مەن دۋەتتەر توپتاستىرىلعان. ولاردىڭ قاتارىندا «جانىم اپا»، «بالا كەز»، «قالقا بالا»، «پاي-پاي، جىگىتتەر»، ء«ومىر جولى»، «باقىت تۋرالى ءان» سىندى كەيىنگى جىلدارى رەپەرتۋارىنا قوسىلعان بىرەگەي تۋىندىلار بار. تۇساۋكەسەر راسىمىنە تانىمال ساحنا ساڭلاقتارى مەن جاس انشىلەر جانە ارنايى شاقىرىلعان قوناقتار قاتىسادى.

ەستەرىڭىزگە سالا كەتسەك، جۇبانىش جەكسەنۇلى – 1974 جىلى 23 اقپاندا وڭتۇستىك قازاقستان وبلىسى، سوزاق اۋدانى، ىنتىماق اۋىلىندا دۇنيەگە كەلگەن. 1991 جىلى اۋدان ورتالىعىنداعى ىبىراي التىنسارين اتىنداعى ورتا مەكتەپتى بىتىرگەننەن كەيىن جەتىساي قالاسىنداعى عاني مۇراتباەۆ اتىنداعى گۋمانيتارلىق، پەداگوگيكالىق كوللەدجىن بىتىرگەن. 1998-2001 جىلى اتالمىش كوللەدجدە مۋزىكالىق جەتەكشى، 2001-2005 جىلى وڭتۇستىك قازاقستان وبلىستىق ءشامشى قالداياقوۆ اتىنداعى فيلارمونيانىڭ ءانشىسى قىزمەتىن اتقاردى. 2006-2013 جىلى الماتىعا قونىس اۋدارىپ، «قازاق اۋەندەرى» اق قاراستى «گۇلدەر» مەملەكەتتىك انسامبلىندە جۇمىس ىستەدى. 2005 جىلى پروديۋسەر باعلان وماروۆتىڭ جەتەكشىلىگىمەن «وكىنبە سەن» انىنە كليپ ءتۇسىرىپ، كوپ ۇزاماي انجيناعى جارىق كوردى. 2002 جىلى «قازاقستان رەسپۋبليكاسىنىڭ تاۋەلسىزدىگىنە – 10 جىل» مەرەكەلىك مەدالىمەن جانە 2011 جىلى مادەنيەت مينيسترلىگىنىڭ «مادەنيەت قايراتكەرى» توسبەلگىسىمەن ماراپاتتالعان. 2013 جىلى 7 ساۋىردە شىمكەنت قالاسىنداعى وڭتۇستىك قازاقستان تسيركىندە نۇرلان بايكوزوۆتىڭ وركەسترىنىڭ سۇيەمەلدەۋىمەن جاندى داۋىستى كونتسەرت قويدى.

اباي-اقپارات