ش.ش. ءۋاليحانوۆ اتىنداعى تاريح جانە ەتنولوگيا ينستيتۋتى مەن تاريحشىلاردىڭ ۇلتتىق كونگرەسى ۇيىمداستىرعان «قازاقستان جانە الەمدىك تاريح كەڭىستىگى: جالپى مەن ەرەكشەنىڭ «ماڭگىلىك ەل» ۇلتتىق يدەيا ارقىلى كورىنىسى» تاقىرىبىندا حالىقارالىق عىلىمي-تاجىريبەلىك كونفەرەنتسيا ءوتتى.

اتالمىش ءىس-شاراعا الىس جانە جاقىن شەتەلدەردەن، سونداي-اق ەلىمىزدەگى بەلگىلى مامان تاريحشىلار قاتىستى. ينستيتۋت ديرەكتورى، قر ۇعا كوررەسپوندەنت-مۇشەسى، ت.ع.د.، پروفەسسور ح.م. ءابجانوۆ كىرىسپە سوزىمەن اشىپ، قر بعم ۆيتسە-ءمينيسترى ت. بالىقباەۆ پەن تاريحشىلاردىڭ ۇلتتىق كونگرەسىنىڭ توراعاسى ە.ب. سىدىقوۆ قۇتتىقتاۋ سوزدەرىمەن تانىستىرىپ ءوتتى. ءوزىنىڭ عىلىمي بايانداماسىندا ءXVىىى عاسىرداعى قازاق ەلىندەگى بيلىك پەن حالىقتىڭ اراقاتىناسى، جاۋىنگەرلىك رۋحتى ەر تۇلعالارىنا تاريحي باعاسىن بەرىپ، «ابىلاي قۇبىلىسى – حالقىمىزدىڭ جاسامپاز تابيعاتى مەن الەۋەتىنىڭ، باسەكەگە قابىلەتتىلىگىنىڭ ءماندى بەلگىسى، ماڭگى ەل مەن ۇلتتىق يدەياسىنىڭ سيمۆولى» دەپ تاريحي باعاسىن بەردى.

ءال-فارابي اتىنداعى قازۇۋ پروفەسسورى، تاريح عىلىمدارىنىڭ دوكتورى ق.ت. جۇماعۇلوۆ ءوز بايانداماسىندا وتاندىق تاريح عىلىمىن زەرتتەۋدە دۇنيەجۇزىلىك تاريحي كەڭىستىك تۇرعىسىنان قاراستىرۋدى ۇسىنىپ، باتىس دەرەكتىك ماتەريالدارى نەگىزىندە عۇن-اۆار تاريحىنا قاتىستى جاڭاشا تىڭ ماعلۇماتتاردى كوپشىلىك نازارىنا ۇسىندى.

قر ۇعا اكادەميگى، ت.ع.د.، پروفەسسور م.ح. اسىلبەك جاڭا جانە كەڭەستىك قازاقستان تاريحىنىڭ پىكىر-تالاستى تاقىرىپتارىنىڭ كەيبىر ماسەلەلەرى توڭىرەگىندە وي قوزعادى.

ماناس اتىنداعى (قىرعىزستان، بىشكەك ق.) قىرعىز-تۇرىك ۋنيۆەرسيتەتى پروفەسسورى د.ب. ساپاراليەۆ حVIII-ءحىح عع. قىرعىز-قازاقتار حالىقتارىنىڭ  ساياسي قاتىناستارى كورىنىستەرى جونىندە بايانداما جاسادى. قىرعىزستان جانە قازاقستان تاريحى بويىنشا تاريحي جاريالانىمدارداعى وزەكتى ماسەلەلەردى سارالادى.

شىڭجاڭ قوعامدىق عىلىمدار اكادەمياسى تاريح ينستيتۋتىنىڭ اعا عىلىمي قىزمەتكەرى ش. احمەت ءۇيسىن تايپاسى شىعۋ تەگى مەن تاريحىنا، ناقتىراق كەلگەندە، ءۇيسىن ەتنونيمىنە تالداۋ جاسادى.

ءال-فارابي اتىنداعى قازۇۋ پروفەسسورى، ت.ع.د. ت.و. وماربەكوۆ «ماڭگىلىك ەل» يدەياسىنىڭ ەجەلگى جانە ورتا عاسىرلاردان باستاۋ الاتىندىعىن، تاريحي ساباقتاستىرا وتىرىپ، ءمانى مەن مازمۇنىن ايشىقتادى.

ەكونوميكا عىلىمدارىنىڭ دوكتورى، پروفەسسور و.س. سابدەن بۇگىنگى عىلىمداعى يننوۆاتسيالىق جاڭاشىلدىقتار، ەلباسىنىڭ «ماڭگىلىك ەل» يدەياسى جوباسىندا كوتەرىلگەن عىلىم مەن ءبىلىم سالاسىنداعى باستامالاردى اتاي كەلە، ادامزاتتىڭ ءومىر ءسۇرۋ ستراتەگياسىنىڭ تۇجىرىمداماسى اياسىندا عىلىمي بايانداماسىن وقىدى.  

ينستيتۋتتىڭ باس عىلىمي قىزمەتكەرى، ت.ع.ك.، دوتسەنت ق.س. الداجۇمانوۆ كەڭەس وداعى قۇرامىنداعى ۇلى وتان سوعىسى كەزەڭىندەگى قازاقستان تاريحى بويىنشا مۇراعات دەرەكتەرى نەگىزىندە عىلىمي وي-تۇجىرىمدارىمەن تانىستىردى.

س. امانجولوۆ اتىنداعى شقمۋ پروفەسسورى، ت.ع.د. س.ك. يگىباەۆ عىلىمي بايانداماسىن تاريحي زەرتتەۋلەردەگى تاريح مەتودولوگياسى جانە تاريحي زەرتتەۋلەردەگى ءادىس-تاسىلدەر ماسەلەسىنە ارنادى.

كونفەرەنتسيا سوڭىنا قاراي عالىمدار اراسىنداعى ءوزارا عىلىمي پىكىر الماسۋشىلىق ورىن الىپ، تاريح عىلىمىنا قاتىستى كوكەيكەستى ساۋالدارىنا جاۋاپتارىن الۋعا مۇمكىندىك الدى.   

«الەمدىك تاريحي كەڭىستىكتەگى قازاقستان»، «كوپتومدىق «وتان تاريحى»: يدەيالار مەن ىركىلىستەر»، «ۇلتتىق يدەيا تاريح تولقىنىندا»  تاقىرىپتارىندا سەكتسيالىق ماجىلىستەر جۇمىس اتقاردى.  

ورالوۆا اقنۇر، سىرتقى بايلانىس، اقپارات جانە عىلىمي كلاستەر ءبولىمىنڭ عىلىمي قىزمەتكەرى