ۋكراينا ەسىن جيا باستادى.  ەلدىڭ شىعىسىنداعى حاركوۆ، لۋگانسك، دونەتسك قالالارىنداعى ورىس سەپاراتيستەرىنىڭ شەكتەن شىعا باستاۋى ۋكراينانىڭ جوعارعى راداسىندا توبەلەس تۋدىرعان بولاتىن. توبەلەس شىعىس ايماقتاعى اۋماقتىق تۇتاستىققا تونگەن قاۋىپكە كوز جۇما قاراعان بيلىكككە قاراتا رەنىشتى تىپتەن اسقىندىرعان. تىپتەن 8 ساۋىردە دونەتسك بيلىگىن باسىپ العان توپ تاۋەلسىز رەسپۋبليكا بولامىز دەپ جاريالادى. بۇل وتە قاۋىپتى تەندەنتسياعا اينالىپ بارادى. بۇنىڭ ارتى نەمەن اياقتالاتىنى بەلگىسىز، بىراق تاعى دا قولدارىندا رەسەيدىڭ تۋى. سوندىقتان، سەپەراتيزمنىڭ كەز-كەلگەن بەلگىسىنە الاڭداۋشىلىقپەن قاراۋعا تۋرا كەلەدى.

دەموكراتيانى سىلتاۋ ەتكەن ورىس ۇلتشىلدارى بيلىكتىڭ وزىمەن-ءوزى قىرقىسىپ جاتقان ورايىن پايدالانىپ، بەلگىلى ايماقتاردى ءبولىپ العىسى كەپ جانتالاسقانى جاقسى تەندەنتسيا ەمەس. وعان قارسى كۇش قولدانباۋ مەن زاڭدىق جاۋاپكەرشىلىككە تارتپاۋ بۇل ءۇردىستى تىپتەن شيەلەنىستىردى. تىپتەن جاڭادان تاۋەلسىزدىك جاريالاعان «دونەتسك حالىقتىق رەسپۋبليكاسى» تاعى دا پۋتيننەن وزدەرىن قورعاۋدى تالاپ ەتىپ حات جولداپتى.

پۋتين ەندى سىزدەرگە كومەكتەسە المايدى – دونەتسك!

رەسەيدىڭ پرەزيدەنتى پۋتين وتكەن جولعى تەبىنىنەن قايتىپ قالعانى بەلگىلى بولدى. الەمدىك ساياسات پەن الەمدىك ەكونوميكالىق سانكتسيادان اياماي تاياق جەگەن پۋتين ەندى ورىستاردى اراشالاۋعا قۇلىقتى ەمەس. تىپتەن سانكتسيا وسىلاي جالعاسا بەرسە ءپۋتيننىڭ ماڭايىنداعى قالتالى قاۋىمنىڭ قالتالارى جۇقارا تۇسپەك، قاتارلارى دا ازايماق. http://korrespondent.net/  پورتالىنىڭ ازۋىنشا روسسيا قىرىمدى قوسىپ العاننان بەرگى ءتۇرلى قىسىم سالدارىنان 179 ميلليارد دوللار كولەمىندە قارجى جوعالتقان.  قازىردىڭ وزىندە ورىس كەسىرىنەن اقشاى كۇيىپ، ءتوزىمى تاۋسىلىپ جاتقان اليگراحتار كوبەيىپ كەتتى. ەگەر سانتسيا وسىلاي بىرنەشە جىلعا جالعاسسا نە بولماق؟ ارينە قازانداعى تاماعىنان ايىرىلعان جۇرتتىڭ پۋتيندى ماقتاماسى انىق.( http://korrespondent.net/business/economics/3346556-anneksyia-kryma-uzhe-oboshlas-rossyy-v-179-myllyardov-dollarov )

تىپتەن ورىس دەسە ومەشەگى ءۇزىلىپ وتىرعان پۋتين 8-, 9- ساۋىردەگى ۋكراينا ساقشىلارىنىڭ ورىس سەپاراتيستەرىنە قاراتا جاساعان سوققىسى مەن تۇتقىنداۋلارىنا جايبىراقاتتىق تانىتتى. تەك «الاڭداۋشىلىق بىلدىرۋدەن» ارى اسا المادى.  ال ۋكراينا بولسا باتىستىڭ قولداۋىنا يە بولىسىمەن ارميا مەن ساقشىلاردى كۇشەيتۋدىڭ قامىنا كىرىستى.

بىرىنشىدەن، بۇل قىرىمدى قوسىپ العاننان كەيىنگى الەمدىك نارازىلىقتى تىپتەن كۇشەيتەدى ءارى كورشى ەلدەردىڭ باتىس ەلدەرىنە بەت بۇرۋىنا اسەر ەتەدى. پۋتين ەندى وسى قىلمىسىن اقتاپ السا دا جەتكىلىكتى.

ەكىنشىدەن، ۋكراينانى تىكەلەي سوعىسقا ماجبۇرلەيدى. بۇنداي جاعدايدا باتىس ەلدەرى قاراپ وتىرماسى انىق. وندا ورىستىڭ باسىنا اقىرزامان كەلتىنىن پۋتين انىق بىلەدى.

ۇشىنشىدەن، بۇل تەندەنتسيا روسسيانىڭ ىشكى فەدەراتيۆتىك جۇيەسىن شايقالتادى. ونسىزدا سەبەپ ىزدەپ وتىرعان ىشكى جانە سىرتقى كۇشتەردىڭ بىرىگۋىن تەزدەتەدى.

تورتىنشىدەن، روسسياداعى ۇلتتار ءپۋتيننىڭ جالاڭ ورىسشىلدىعىنا ىشتەي نارازى. تىپتەن، ۇلى ورىس يدەياسى تۋرالى اشىق ايتقان پۋتين ەندى باقاداي شۋلاعان تۇركى باۋىرلارىمىز ءۇشىن كىم ەكەندىگىن كورسەتىپ الدى.

بۇگىن، 9- ساۋىردە  ۋكراينا ىشكى ىستەر ءمينيسترى ارسەن اۆاكوۆ شىعىس ايماقتاردا ورىن العان سەپارتيستىك  ءىس-ارەكەتتەردى  48 ساعاتتىڭ ىشىندە توقتاتۋعا ۋادە بەردى. الدىمەن كەلىسسوزدەر ارقىلى، بولماسا كۇش قولدانباق.  8 ساۋىردەن باستاپ دا كۇشتىك قۇرىلىمدار حاركوۆ، لۋگانسك، دونەتسك قالالارىن سەپاراتيستەردەن تازارتۋدى باستاعان بولاتىن. تىپتەن حاركوۆتە جۇزدەگەن سەپاراتيستەردى ۇستاعان بولاتىن. بۇل حالىقتىڭ جاڭا بيلىككە قاراتا كوزقاراسىنا وڭ وزگەرىس اكەلگەن.

ورىس ۋكرايندەردى  تاريحتان بەرى قۇلدانىپ كەلەدى

بۇل تۋرالى ۋكراينانىڭ  ۋنيان پورتالى مەن http://ru.tsn.ua/  سايتى  جازدى. تىتپەن ۋكراينا ۇلتشىلدارىنىڭ قىزۋ پىكىر تالاسىنا اينالعان بولاتىن.  ورىس تاريحتان بەرى ۋكرايندەردى وزدەرىنىڭ مۇددەسى ءۇشىن پايدالانىپ كەلەدى. ونسىزدا ازايا باستاعان ورىستاردىڭ ورنىن ۋكرايندەر ارقىلى تولىقتىرعىسى كەلگەندىگى جاسىرىن ەمەس. تاريحتا ۋكرايندەر مەن نەمىستەردى، پولياكتاردى ورتا ازيا مەن سىبىرگە جەر اۋدارۋ ارقىلى وتارلىقتىڭ الدىڭعى ارمياسىنا اينالدىردى. پۋتين باستاعان جاڭا وتارشىلدار دا سول تاجىريبەنى قولدانۋدى باستاعانى  بەلگىلى بولدى. جۇمىسسىز قالعان ۋكرايندەر مەن ۋكارينانىڭ ارنايى بەركۋت جاساقتارىن تالاسا-تارماسا جۇمىسقا قابىلدادى. تىپتەن، بەلگىلى وبىلىس اكىمدەرىنە ۋكراين حالقىن قابىلداۋ جانە جۇمىسپەن قامتۋ تۋرالى تاپسىرما بەرىپ تە ۇلگىردى. وسىلايشا پۋتين 3-4 جەپ، بيلىكتە وتىر.  بۇل ءۇردىس جالعاسا بەرسە ميليونداعان ۋكرايندەر كازاكتار سىندى ورىسقا ماڭگىلىك قۇل بولىپ قالا بەرمەك.  (http://ru.tsn.ua/politika/v-rossii-predlagayut-ispolzovat-ukraincev-kak-rabochuyu-silu-na-dalnem-vostoke-352566.html)

بىرىنشىدەن، جان سانىنىڭ ازايعان ورنىن ءدىنى مەن ءتىلى ءبىر ۋكرايندەرمەن تولىقتىرۋ ورىستار ءۇشىن قاۋىپسىزدىككە ساياستىن ساياسات. سەبەبى روسسيادا تۇركى تەكتى حالىقتار مەن مۇسۇلمان حالىقتارىنىڭ ءوسىمى ورىستاردى الاڭداتىپ وتىرعانى بەلگىلى.

ەكىنشىدەن، ۋكرايندەر ورىستار ءۇشىن ارزان ەڭبەككۇش، دايىن ارميا.  مىنە بۇل روسسيانىڭ وندىرگىش كۇشىنە سەرپىن بەرەتىنى بەلگىلى. بۇل تاريحتان دالەلدەنگەن.

ۇشىنشىدەن، شىعىستاعى بوس جاتقان جەردى اشۋ ءۇشىن ميلليونداعان حالىق كەرەك. ال ونى تەك سلاۆيان حالىقتارى قۇراۋى كەرەك دەپ ەسەپتەيتىن ورىستار ءۇشىن بۇل ماڭزدى ۇلتتىق ماسەلەگە اينالىپ وتىر.

تورتىنشىدەن، ۋكرايندەر ورىستار ءۇشىن ەڭ ادال وتارلىق ارميا. تىپتەن، كازاكتار سىندى ماڭگىلىك جۇمىسشىعا اينالاتىنى داۋسىز. ال ولاردى ەشقاشان بيلىككە شىعارمايتىنىن كازاكتار تاعدىرى دالەلدەگەن...

قىسقارتىپ ايتقاندا، ورىستار ۋكرايندەردى ءوز ۇپايلارى ءۇشىن پايدالانىپ وتىر. تاريحتان بەرى ورىستار ۋكرايندەر ءۇشىن ەشقانداي جاقسىلىق ىستەپ بەرمەگەن. بەرمەيدى دە. ال تاريحتان بەرى ۋكرايندەردى پايدالانۋمەن، قۇلدانۋمەن كەلە جاتقانى جاسىرىن ەمەس. قازىرگى ورىس تەلەارنالارىنىڭ ۋكراين حالقىن جاۋلاۋدىڭ اقپاراتتىق سوعىسىن اياۋسىز جۇرگىزىپ جاتىر. دەسە دە سوڭعى كەزدەرى بۇنى ۋكراينا ۇلتشىلدارى دا تۇسىنە باستادى.

التاي بۇقارباەۆ

Abai.kz