وراز جاندوسوۆ - "قازپوشتا" ديرەكتورى
«قازپوشتا» اق ءباسپاسوز قىزمەتى كومپانيا ديرەكتورلار كەڭەسىنىڭ قۇرامى وزگەرگەندىگىن حابارلادى دەپ جازادى "قازاقپارات".
ياعني "سامۇرىق-قازىنا» ۇلتتىق ءال-اۋقات قورى» اق باسقارماسى «قازپوشتا» اق-نىڭ تاۋەلسىز ديرەكتورى تاريەنا كاللەنىڭ، «سامۇرىق-قازىنا» اق-نىڭ كوممۋنيكاتسيالىق اكتيۆتەردى باسقارۋ جونىندەگى ديرەكتورى، جالعىز اكتسيونەردىڭ وكىلى سەرىك ساۋداباەۆتىڭ وكىلەتتىگىن مەرزىمىنەن بۇرىن توقتاتىپتى.
سونداي-اق قور «قازپوشتا»اق ديرەكتورلار كەڭەسى قۇرامىنىڭ سانىن 9 ادام رەتىندە ايقىندادى. كەڭەسكە مۇشە بولىپ جالعىز اكتسيونەردىڭ مۇددەسىن قورعاۋشى رەتىندە «سامۇرىق-قازىنا» اق-نىڭ باسقارۋشى ديرەكتورى نۇرجان بايداۋلەتوۆ، تاۋەلسىز ديرەكتورلار رەتىندە جانات بەردالين، دميتري جۋكوۆ جانە وراز جاندوسوۆ سايلانعان.
"اباي-اقپارات"
