ءابدىراشيت باكىرۇلى. بۇلاي دەۋ - قارادۇرسىن تۇسىنىك
فەيسبۋكتا وسى ماسەلەنى تالقىلاي باستاپتى. وعان قوسارىم:
بۇلاي دەۋ - ماركسيزمنىڭ "سانانى تۇرمىس بيلەيدى" دەگەن قاعيداسىن مەتافيزيكالىق، قارادۇرسىن تۇرعىدا ءتۇسىنۋ. بۇل - جان-جاقتى ويدىڭ جوقتىعىن، ونىڭ ءفورمالدى لوگيكا دەڭگەيىنەن اسپاۋىن بىلدىرەدى. مەملەكەت باسقارۋ ىسىندە بۇنداي ءپرينتسيپتى باسشىلىققا الۋ - وتە قيىن جاعدايعا اكەلەدى. مىسالى، تىپتەن، بۇرىنعى ساۋاتسىز كولحوز باستىعىنىڭ ءوزى دە الدىمەن قانداي شارۋا اتقاراتىنىن، جۇرتتى وعان قالاي جۇمىلدىراتىنىن ويدا پىسىقتاپ، جوسپارلاپ الاتىن. ول - الدىمەن "ساياساتكەر" ەدى. ال "الدىمەن ەكونوميكا" دەگەنىڭ - "ەسەكتىڭ الدىنا جەمدى ءۇيىپ تاستاساڭ دا ("جەمدى" - مۇنايدان، كەن بايلىقتان، ۇرلىقتان، كوررۋپتسيادان تۇسكەن كولدەنەڭ پايدا دەپ ۇعىڭىز), وعان اقىل كىرمەيدىنىڭ" كەبى. قازىرگى زاماندا ادامزاتتى اقىل بيلەيدى! "اقىل" بيلەي الماعان جەردە (كورەگەن ساياساتتىڭ جوقتىعى) ەكونوميكا دا، ونى كوتەرەتىن قوعام دا، مادەنيەت تە، جەتىستىك تە جوق. "سوقىر بايلىق" (الدىمەن ەكونوميكا دەگەن سول) - وتاندى (قوعامدى) توزدىرۋعا باستايدى!
