2010 جىلىندا 11 ناۋرىزدان 12 ناۋرىزعا قاراعان ءتۇنى قىزىلاعاش سۋ قويماسىنداعى بوگەتتىڭ بۇزىلۋىنان قىزىلاعاش اۋىلى شايىلىپ، شامامەن 150 ادام ءىزىم-قايىم جوعالعان بولاتىن. بىراق رەسمي مالىمەت 37 ادامنىڭ عانا قازا بولعانىن راستادى. قىزىلاعاشتا شامامەن 3,5 مىڭعا جۋىق ادام تۇراتىن ەدى. 

مۇنداي «قىرعىنعا» سۋ قويماسىنىڭ ارناسىنان اسىپ تۇرعانىن بىلگەن، كوكتەمگى ەگىنشىلىك ناۋقانىندا ساۋداعا سالۋ ءۇشىن سۋدىڭ اسىپ-توگىلىپ تۇرعانىن قالاعان باسشى مەن 6 ساعات بۇرىن حاباردار بولسا دا ءمىز باقپاعان توتەنشە جاعداي مەكمەسىنىڭ قىزمەتكەرلەرى انىق كىنالى ەدى. ۇكىمەت باسپاناسىز قالعان تۇرعىندارعا جاڭا ءۇي تۇرعىزىپ بەرگەن بولدى دا بۇل ءىستىڭ بەتى جابىلدى.

مىنە، اراعا 5 جىل سالىپ ايدىڭ-كۇننىڭ امانىندا «كوكپەكتى» جۇرتى قارا جامىلدى. بوگەت جارىلىپ، اۋىل سۋدىڭ استىندا قالدى. 5 ادام مەزگىلسىز مەرت بولدى. ال توتەنشە جاعدايعا جاۋاپتى مينيستر بوجكو بۇل ءوڭىردىڭ 18 گرادۋسقا جىلىنىپ كەتەتىنىن 1 اپتا بۇرىن بىلگەنىن مويىندادى.

ءسويتىپ، از قازاقتىڭ بەيبىت كۇندە جەر جاستانۋىنا ء«وزىمىز» سەبەپشى بولىپ وتىرمىز. ءار كوكتەمدە جۇرتىمىزدى بەس-بەستەپ «قۇرباندىققا» بەرىپ وتىرساق، «2050 ستراتەگياسىن» ادەتتەگىدەي مەزگىلىنەن بۇرىن ورىندايتىن ءتۇرىمىز بار.

انىعى، قازاقستاننىڭ بارلىق اۋماعى بويىنشا اپاتتى جاعدايدا تۇرعان قانشا سۋ قويماسى بولسا، سونىڭ ءبارىن جاڭالاۋعا ءبىر «ەكسپونىڭ» اقشاسى جەتەتىنىنە كۇمان جوق. بىراق اتاق كەرەك پە،الاش كەرەك پە؟ ونى حالىق ەمەس، «حالىقتىڭ قىزمەتشىسى» بولۋعا ءتيىس بيلىك قانا شەشەدى. بىزدە سولاي.

ە.ەسەنگەلديەۆ

Abai.kz