2014 جىل 1 ساۋىردە فيلولوگيا، ادەبيەتتانۋ جانە الەم تىلدەرى فاكۋلتەتىندەگى «TARZHIMAN CLUB» جاس اۋدارماشىلار كلۋبىندا بەلگىلى اۋدارماشى سامال بەردىبەكقىزى سوقپاقباەۆامەن شىعارماشىلىق كەزدەسۋ ءوتتى. اۋدارما تەورياسى جانە ءادىسناماسى كافەدراسىنىڭ مەڭگەرۋشىسى ءانۋار تاراقوۆتىڭ  اۋدارماشى  شىعارماشىلىعى تۋرالى كىرىسپە ءسوز سويلەدى.

قازاق پروزايكتەرىنىڭ  شىعارمالارىن ورىس تىلىنە اۋدارعان تاجىريبەلى اۋدارماشى رەتىندە سامال بەردىبەكقىزى كوركەم اۋدارمانىڭ قىر-سىرى، قيىندىعى مەن ەرەكشەلىگى تۋرالى اسەرلى اڭگىمە وتكىزدى، بولاشاق اۋدارماشىلارعا اقىل-كەڭەسىن ايتتى، اۋدارماشىعا كەرەك قاسيەتتەردى اتاپ كورسەتتى. سونداي-اق، قازاقتىڭ كورنەكتى جازۋشىسى بەردىبەك سوقپاقباەۆتىڭ 80 جىلدىق مەرەيتويى قارساڭىندا جازۋشىنىڭ قىزى رەتىندە ەستەلىكتەر ايتتى، «مەنىڭ اتىم - قوجا» تۋىندىسىن اۋدارۋ تاجىريبەسى جونىندە وي ءبولىستى.

«TARZHIMAN CLUB» جاس اۋدارماشىلار كلۋبىنىڭ جەتەكشىسى، دوتسەنت ل.مۇسالى اۋدارماشىعا ستۋدەنتتەر اتىنان العىس ءبىلدىرىپ، قازاق اۋدارماتانۋ عىلىمىنىڭ اتقارار مىندەتى مول ەكەنىن اتاپ ءوتتى. كەزدەسۋ بولاشاق اۋدارماشىلار ءۇشىن قىزىقتى دا پايدالى بولدى.