«بايتەرەك» ۇلتتىق باسقارۋشى حولدينگى» اكتسيونەرلىك قوعامىندا تىلدەر كۇنىنە ارنالعان «تىلگە قۇرمەت – ەلگە قۇرمەت» سايىسى ءوتتى دەپ حابارلايدى  «بايتەرەك» ۇلتتىق باسقارۋشى حولدينگى» اق ءباسپاسوز قىزمەتى. 

 سايىسقا «بايتەرەك» ۇلتتىق باسقارۋشى حولدينگى» اق ەنشىلەس ۇيىمدارىنىڭ وزگە ۇلت وكىلدەرى قاتىستى. كونكۋرستىڭ نەگىزگى ماقساتى – قازاقستان رەسپۋبليكاسىنىڭ مەملەكەتتىك ءتىلىن ناسيحاتتاۋ جانە قولدانىلۋ اياسىن كەڭەيتۋ، ءتۇرلى ۇلت وكىلدەرىن ءبىر-بىرىنە جاقىنداتا ءتۇسۋ، قازاق ءتىلىن ەركىن مەڭگەرۋى ءۇشىن جاعدايلار جاساۋ، قىزمەتكەرلەردىڭ كورپوراتيۆتىك ءيميدجىن جانە مادەني دەڭگەيىن ارتتىرۋ. 

قاتىسۋشىلار قازاق تىلىندەگى ماتىندەردى ورىس تىلىنە اۋدارۋ، ماقال-ماتەلدەر جارىسى، ءوزىن تانىستىرا ءبىلۋ شەبەرلىكتەرىن كورسەتىپ، سايىسقا ءتۇستى. كونكۋرستىڭ ەرەكشە بولىگى شىعارماشىلىق ونەرلەرى مەن ۆيكتورينا بولدى. بۇقارالىق اقپارات قۇرالدارى، ەلىمىزدىڭ جوعارى وقۋ ورىندارىنىڭ پروفەسسورلارى جانە قر مادەنيەت جانە سپورت مينيسترلىگى وكىلدەرىنەن قۇرالعان ادىلقازىلار القاسى سايىسكەرلەردى بەس بالدىق جۇيە بويىنشا باعالادى.    

سايىس ناتيجەلەرى بويىنشا 1 ورىندى «دامۋ» كاسىپكەرلىكتى دامىتۋ قورى» اق قىزمەتكەرى – سۆەتلانا نازاريۋك يەلەنىپ، Samsung پلانشەتىن ۇتىپ الدى. 2 ورىندى «قازىنا كاپيتال مەنەدجمەنت» اق قىزمەتكەرى – زالميرا كەمالوۆا الدى، وعان كوفە ماشينا تابىستالدى. ز ورىنعا «قازاقستاننىڭ تۇرعىن ءۇي قۇرىلىس جيناق بانكى» اق-نان كەلگەن گالينا كاليابينا يە بولىپ، وعان فوتواپپارات ۇسىنىلدى.

 سايىستىڭ قالعان قاتىسۋشىلارىنا دا باعالى سىيلىقتار تابىستالدى. ادىلقازى مۇشەلەرى «بايتەرەك» حولدينگى كومپانيالار توبى قىزمەتكەرلەرىنىڭ قازاق ءتىلى بىلىمدەرىن جوعارى دەپ باعالادى.  

«بايتەرەك» ۇلتتىق باسقارۋشى حولدينگى» اق قازاقستان رەسپۋبليكاسى پرەزيدەنتىنىڭ 2013 جىلعى 22 مامىرداعى جارلىعىنا سايكەس قۇرىلدى. حولدينگتى قۇرۋ ماقساتى ۇلتتىق ەكونوميكانى دامىتۋ مەن ءارتاراپتاندىرۋ، ينۆەستيتسيالاردى تارتۋ، كلاستەرلەردى دامىتۋ جانە ونىڭ ەنشىلەس ۇيىمدارىنداعى كورپوراتيۆتىك باسقارۋ جۇيەسىن جەتىلدىرۋ بولىپ تابىلادى.  حولدينگتىڭ قۇرامىنا كىرەتىندەر:

«قازاقستاننىڭ دامۋ بانكى» اق، «قازاقستاننىڭ ينۆەستيتسيالىق قورى» اق، «قازاقستاننىڭ تۇرعىن ءۇي قۇرىلىس جيناق بانكى» اق، «قازەكسپورتگارانت» اق، «دامۋ» كاسىپكەرلىكتى دامىتۋ قورى»اق، «تەحنولوگيالىق دامۋ جونىندەگى ۇلتتىق اگەنتتىك» اق، «Kazyna Capital Management»، اق، «بايتەرەك دەۆەلوپمەنت» اق، «قازاقستاننىڭ يپوتەكالىق نەسيەلەرگە كەپىلدىك بەرۋ قورى» اق جانە «قازاقستاندىق يپوتەكالىق كومپانيا» اق، «مەملەكەتتىك-جەشەلىك ارىپتەستىك جوبالارىن سۇيەمەلدەۋ ورتالىعى» جشس. حولدينگ وسى كومپانيالاردىڭ اكتسيالارىنىڭ مەملەكەتتىك پاكەتىن يەمدەنۋ جانە پايدالانۋ قۇقىعانا يە. 

دەرەككوزى:  www.baiterek.gov.kz
اباي-اقپارات