قازاقتىڭ رۋحى

بۇل سۋرەتپەن قالىڭ قازاق ءالى تانىسا قويعان جوق. سەبەبى الاش ارىسى ءاليحان بوكەيحاننىڭ جارقىن بەينەسىن ساقتاعان جادىگەر جاقىندا عانا تابىلدى. فوتو رەسەيدىڭ ومبى مەملەكەتتىك تاريحي ولكەتانۋ مۇراجايىنىڭ ورىس يمپەراتورلىق گەوگرافيالىق قوعامى باتىس ءسىبىر ءبولىمى قورىندا ساقتالىپ كەلگەن. سۋرەت تابىلعان پاپكادا فوتوعا “اليحان بۋكەيحانوۆ. پاۆلودار، 1908″ دەگەن انىقتاما بەرىلگەن. قۇندى جادىگەردى تاۋىپ، كوشىرمەسىن .azattyq.org سايتىنا جاريالاعان – سۇلتانحان اققۇلى.

ءاليحان بوكەيحان:

– قاماۋعا الاردا باس-اياعىمدى قالدىرماي ءتىنتىپ شىعىپ، سوڭىنان قولىمداعى پورتفەلىمدى العاندارىنا قاتتى ابىرجىپ قالدىم، ونىڭ ىشىندە ابايدىڭ باسپاناحاناعا وتكىزەيىن دەگەن قولجازباسى بولاتىن. تۇرمەدە ءوزىمدى قانشا ۇستاپ جازالاسا دا ماعان ءبارىبىر، تەك «ابايىم» ساقتالسا ەكەن دەگەننەن باسقا ويىما ەشنارسە كىرگەن جوق، تەك ارىز ارقىلى سونى ەستەرىنە سالدىم. ال كىسى تۇرمەدە قاراپ وتىرا الۋشى ما ەدى، قولىما العان ەڭبەكتى اۋدارىپ تاستايىن دەپ جۇمىسقا كىرىسىپ كەتتىم. مەزگىلدىڭ قالاي تەز وتكەنىن بايقاماي قالىپپىن. ءبىر كۇنى تۇرمە باستىقتارى كەلىپ: ء''سىز، بوكەيحانوۆ مىرزا، اباقتىدان بوساتىلدىڭىز، جولىڭىز اشىق، شىعىڭىز'' دەگەندە، مەن: «تۇرمەدەن ءازىر شىقپايمىن، جۇمىسىمدى بىتىرگەنىم جوق، ءبىراز كۇن وتىرا تۇرايىن»، دەگەنىمدە، الگىلەر سەنەر-سەنبەسىن بىلمەي: «ەتو ۆاشە دەلو، پۋست بۋدەت تاك» دەپ شىعىپ كەتكەن ەدى.

گۇلنار مىرجاقىپقىزى دۋلاتوۆانىڭ ەستەلىگىنەن
دايىنداعان نازەركە جۇماباي

ءمىردىڭ وعى

ءاليحاننىڭ 1937 جىلى ماسكەۋدەگى تەرگەۋشىلەر مەن سوتتا ايتقان ءۇش ءسوزى:

1) قازاقتىڭ بۋرجۋازيالىق زيالىلارى مەنى "ۇلت كوسەمى" دەپ اتادى.
2) مەن قازاق حالقىن سوۆەت بيلىگىنە قارسى كۇرەسكە باستادىم.
3) مەن ەشقاشان سوۆەت وكىمەتىن سۇيگەن ەمەسپىن، بىراق مويىندادىم.
ءۇشىنشىسى – اقتىق ءسوزى! 1937 جىلدىڭ 27 قىركۇيەگى كۇنى 11:00 مەن 11:20-نىڭ اراسىنداعى سوتتا ايتىپتى. الەكەڭدى اتۋعا ۇكىم شىعارۋعا نەبارى 20 (!) مينۋت جۇمساپتى!

«جاس قازاق» گازەتى