قازاقستاندا كامەلەتتىك جاسقا تولماعان 353 بالا ەسىرتكىمەن ۋلانعان
قازاقستاندا ەسىرتكىگە تاۋەلدى 353 بالا بار. بۇل تۋرالى بۇگىن قر پرەزيدەنتى جانىنداعى ورتالىق كوممۋنيكاتسيالار قىزمەتىندە وتكەن بريفينگتە رەسپۋبليكالىق ناشاقورلىقتىڭ مەديتسينالىق-الەۋمەتتىك پروبلەمالارى عىلىمي-تاجىريبەلىك ورتالىعىنىڭ ديرەكتورى التىناي ەسقاليەۆا ءمالىم ەتكەن. بۇل تۋرالى قازاقپارات جازدى. ورتالىق ديرەكتورى: «قازىرگى تاڭدا بىزدە ەسىرتكىگە تاۋەلدى بولعاندىقتان، ارنايى ەسەپكە الىنعان 353 كامەلەتتىك جاسقا تولماعان بالا بار. جاسوسپىرىمدەر اراسىنداعى ەسىرتكىگە تاۋەلدىلىكتى ازايتۋعا باعىتتالعان جۇمىستار قارقىندى جۇرگىزىلۋدىڭ ناتيجەسىندە كورسەتكىشتەر ايتارلىقتاي تومەندەپ وتىر»، - دەگەن.
ونىڭ سوزىنە قاراعاندا، ەسىرتكىگە تاۋەلدىلىكتىڭ جولىن كەسۋگە باعىتتالعان جۇمىستار مەكتەپتەردە كەڭىنەن جۇرگىزىلۋى ءتيىس. سونداي-اق بەلگىلى سالادا زور جەتىستىككە جەتكەن بالالاردى ۇلگى ەتۋ ارقىلى مەكتەپ وقۋشىلارىن باستاۋىش سىنىپتاردان باستاپ سالاۋاتتى ءومىر سالتىنا بەيىمدەۋ قاجەت.
اباي-اقپارات
