نۇرسۇلتان نازارباەۆ ۇيىمداستىرىلماعان بازارلاردىڭ ءبارىن جابۋدى تاپسىردى، - دەپ حابارلايدى Tengrinews.kz ۇكىمەتتىڭ اقوردادا ءوتىپ جاتقان كەڭەيتىلگەن وتىرىسىنا سىلتەمە جاساپ.

"كولەڭكەدەگى ەكونوميكا - بيۋدجەتكە قاراجات ءتۇسىرۋدىڭ ۇلكەن قورى. قازاقستاندا جۇزدەگەن مىڭ بازاردىڭ باقىلانبايتىنىن ايتا الامىن. سانيتارلىق تالاپتارعا ساي ەمەس. ول جەرلەردە نەشە ءتۇرلى بەرەكەتسىزدىك بولىپ جاتادى. ءبىزدىڭ بيزنەسمەندەر پايدالى ءىستى ءوز قولدارىنا الا الماي ما؟ جابىق، ۇيىمداسقان ساۋدا ورتالىقتارىن تۇرعىزۋ كەرەك. اكىمدەر بۇل ءۇشىن جەردى جىلدام بەرۋى ءتيىس. ولاردى ەركىن ەكونوميكالىق ايماققا قوسىپ، سالىقتان بوساتۋ قاجەت، ۇىمداستىرىلماعان بازارلاردىڭ ءبارىن جابۋ كەرەك", - دەگەن مەملەكەت باسشىسى ءسوزىن قارجى مينيسترىنە قارتا. پرەزيدەنت مۇنداي جاعدايدا بازار ساۋداگەرلەرىنىڭ جاپا شەكپەۋى كەرەكتىگىن اتاپ ءوتتى.

"ولار جاڭا ورتالىقتارعا كوشۋى ءتيىس. ونىڭ قالاي جاسالىپ جاتقانىن كورىپ وتىرمىز. الماتى، شىمكەنت، استانا قالالارىندا، باسقا وبلىستاردا بەلسەندى جۇمىس جۇرگىزىلىپ جاتىر. بىراق بەي-بەرەكەت بازارلار ءالى دە كوپ. قارجى قازىنادان تىس كەتىپ جاتىر، ول جەرلەردە قىلمىس تا، باسقاسى دا بار. قازىر نە ىستەلىپ جاتىر؟" - دەپ سۇرادى نازارباەۆ باقىت سۇلتانوۆتان.

"كولەڭكەدەگى ەكونوميكانى ازايتۋ جوسپارى شەڭبەرىندە جۇمىس جۇرگىزىلىپ جاتىر. ءسىزدىڭ تاپسىرماڭىزبەن ءتيىستى زاڭ جوباسى جاسالدى", - دەدى سۇلتانوۆ. نازارباەۆ ساراپشىلاردىڭ قازاقستاندا قارجىنىڭ 20-دان 30%-عا دەيىن كولەڭكەدە قالاتىنى تۋرالى مالىمەتىن كەلتىردى. "بۇل - ۇلكەن رەزەرۆ", - دەدى نازارباەۆ.

اباي-اقپارات