UNICEF يزرايل رەجيمى گازا سەكتورىنا شابۋىلدارىن باستاعاننان بەرى 300-گە جۋىق پالەستينالىق بالانىڭ كوز جۇمعانىن حابارلادى. فرانتس پرەسس حابار اگەنتتىگىنىڭ مالىمەتى بويىنشا، بۇۇ-نىڭ بالالار قورى UNICEF سەنبى كۇنى: ء«يزرايلدىڭ گازا سەكتورىنا شابۋىلدارى باستالعاننان بەرى (شىلدەنىڭ 8-ىنەن) وسى ۋاقىتقا دەيىن كەمىندە 296 پالەستينالىق بالا مەن ءجاسوسپىرىم قايتىس بولدى» دەپ حابارلاعان. UNICEF-ءتىڭ حابارلاۋى بويىنشا، شابۋىلداردا قۇربان بولعانداردىڭ 30 پايىزىن بالالار قۇرايدى. بۇۇ-نىڭ بالالار قورى سونىمەن قاتار وتكەن 48 ساعاتتاعى شابۋىلداردا كوز جۇمعانداردىڭ مايىتتەرىن ىزدەستىرۋ جۇمىستارىمەن قۇربان بولعانداردىڭ سانى ارتاتىندىعىن مالىمدەدى. «يران قازاق راديوسىنىڭ» اقپاراتىنا ساي قۇربان بولعان بالالاردىڭ 187-ءى ۇلدار، 109-ى قىز بالالار بولعان. وسى بالالاردىڭ كەمىندە 203-ءىنىڭ جاسى ون ەكىگە بولماعان.  

اباي-اقپارات