ۋكراينا پرەمەر-ءمينيسترىنىڭ مىندەتىن ۋاقىتشا اتقارۋشى بولىپ  ۆيتسە-پرەمەر، تكش جانە قۇرىلىس، وڭىرلەردى دامىتۋ ءمينيسترى ۆلاديمير گرويسمان تاعايىندالدى. بۇل تۋرالى قازاقپارات جازدى.  ۋكراينا ءىىم باسشىسى  ارسەن اۆاكوۆ Facebook الەۋمەتتىك جەلىسىندەگى پاراقشاسىندا جازۋىنشا بۇل تۋرالى شەشىم ۇكىمەت وتىرىسىندا قابىلدانعان. بۇدان بۇرىن ۋكراينا پرەمەرى ارسەني ياتسەنيۋك جوعارعى رادادا ءوزىنىڭ وتستاۆكاعا كەتەتىنى جونىندە ايتقان ەدى.  

 تريبۋنادان ءسوز سويلەگەن ياتسەنيۋك ونىڭ ۇكىمەتى قازىرگىدەي ورىن العان جاعدايدا قولدان كەلگەننىڭ ءبارىن ىستەگەنىن ايتتى.  دەپۋتاتتار ماڭىزدى زاڭنامالارعا داۋىس بەرمەگەندىكتەن پرەمەردىڭ ءارى قاراي جۇمىس ىستەۋگە قۇلقى بولمعان. بۇدان از ۋاقىت بۇرىن جوعارعى رادادا باسقارۋشى كواليتسيانىڭ قۇلاعاندىعى رەسمي تۇردە جاريالانعان بولاتىن. ەندى پارلامەنت تاراپ، جەدەل سايلاۋ وتەدى دەپ جوسپارلانۋدا. ايتا كەتەر بولساق، ارسەني ياتسەنيۋكتىڭ ۇكىمەتى 2014 جىلدىڭ اقپانىندا قۇرىلعان بولاتىن. ول سول كەزدەگى ۋكراينا پرەزيدەنتى ۆيكتور يانۋكوۆيچتى بيلىكتەن قۇلاتقان ەدى. ول 2014 جىلى 27 قاڭتاردا «ەۋروپالىق تاڭداۋ» دەپۋتاتتار فراكتسياسىنىڭ پارلامەنتتىك كواليتسيا قۇرىلعان سوڭ ۇكىمەتتى باسقارعان.  

اباي-اقپارات