كەشە مالايزيانىڭ Malaysia Airlines اۋە كومپانياسىنا تيەسىلى  Boeing 777 ۇشاعى بەلگىسىز زىمىران شابۋىلىنا ۇشىراپ، ۋكراينانىڭ دونەتسك وبلىسىنداعى تورەز قالاسى ماڭىنا قۇلاعان.

«امستەردامنان كۋالا-لۋمپۋرعا 10 كيلومەتر بيىكتىكتەگى حالىقارالىق اۋە كوريدورىمەن ۇشىپ بارا جاتقان ۇشاق رەسەي اۋە كەڭىستىگى اۋماعىنا كىرۋگە 50 كيلومەتر قالعاندا اپاتقا ۇرىنعان. جەرگىلىكتى ۋاقىت بويىنشا ساعات 16:20 كەزىندە ۇشاق بايلانىستان اجىراپ قالعان» دەپ جازادى «Azattyq.org».

قازىرگى مالىمەتتەرگە سۇيەنسەك، ۇشاقتا 295 ادام بولعان. ۋكراينا توتەنشە جاعدايلار مينيسترلىگىنىڭ حابارلاۋىنشا، ۇشاقتاعى ادامدار تۇگەل قازا تاپتى. بەيرەسمي دەرەكتەرگە سۇيەنسەك ولاردىڭ ىشىندە بالالار سانى – 80.

ۋكراينا سىرتقى ىستەر ءمينيسترىنىڭ كەڭەسشىسى انتون گەراششەنكونىڭ حابارلاۋىنشا، رەسەيشىل سەپاراتيستەر ۇشاقتى «بۋك» زەنيتتى زىمىرانىمەن اتىپ تۇسىرگەن. سەپاراتيستەر 14 شىلدە كۇنى لۋگانسك وبلىسىندا 6 كيلومەتر بيىكتىكتە ۇشىپ بارا جاتقان ان-26 ترانسپورت ۇشاعىنا دا زىمىران اتىپ، اپاتقا ۇشىراتقان بولاتىن.  

«Azattyq.org»-تىڭ جازۋىنشا، ءوزىن دحر قورعانىس ءمينيسترى دەپ اتايتىن  يگور سترەلكوۆ ۇشاق اپاتىنان سوڭ 25 مينۋت وتە "ۆكونتاكتە" الەۋمەتتىك جەلىسىندەگى پاراعىندا: "تورەز ماڭىندا جاڭا عانا ان-26 ۇشاعى اتىپ ءتۇسىرىلدى. "پروگرەسس" شاحتاسى جاقتا جايراپ جاتقان شىعار. ء"بىزدىڭ اسپاندا" ۇشپاڭدار دەپ ەسكەرتتىك قوي" دەگەن جازبا جاريالاعان.

Abai.kz