جىل سوڭىنا دەيىن ەلوردادا 10 جاڭا بالاباقشا اشىلادى دەپ حابارلايدى "قازاقپارات". استانا حالقىنىڭ سانى جىلدان جىلعا ارتىپ كەلەدى. سوندىقتان دا ءاربىر ەلوردالىق ءبۇلدىرشىندى مەكتەپكە دەيىنگى بىلىممەن قامتۋ ءۇشىن جىل سايىن جاڭا بالاباقشالار اشىلۋدا. 

ماسەلەن، 2014 جىلدىڭ سوڭىنا دەيىن ەلوردادا 10 بالاباقشا پايدالانۋعا بەرىلەتىن بولادى. ولار: ساۋران مەن №24 كوشەلەردىڭ قيىلىسىنداعى  240 ورىندىق بالاباقشا، الماتى مەن اقمەشىت كوشەلەرى قيىلىسىنداعى 240  ورىندىق بالاباقشا، تۇركىستان، كەرەي مەن جانىبەك حاندار جانە ورىنبور كوشەلەرى ورامىنداعى 240 ورىندىق بالاباقشا، سىعاناق كوشەسىندەگى 240 ورىندىق №1 بالاباقشا، ءدال وسى كوشەدەگى 240 ورىندىق  №2 بالاباقشا. ولاردىڭ بارلىعىنىڭ دا جالپى اۋماعى 2398 شارشى مەتردى قۇرايدى. سونىمەن قاتار ايناكول مەن جۇماباەۆ كوشەلەرى قيىلىسىندا جالپى اۋماعى  5 023,78, ايناكول مەن ميرزويان كوشەلەرى قيىلىسىندا جالپى اۋماعى 6 994,15, ج.ناجىمەدەنوۆ پەن ل.ميرزويان كوشەلەرى قيىلىسىندا جالپى اۋماعى  3 912,72 شارشى مەتردى قۇرايتىن بالاباقشالار اشىلادى.تۇركىستان، ورىنبور، №25 جانە №26 كوشەلەر قىلىسىندا  جالپى اۋماعى 2098,6 شارشى مەتردى قۇرايتىن 200 ورىندىق بالاباقشا دا جىل سوڭىنا دەيىن پايدالانۋعا بەرىلەدى. ال  №4 «ريابينكا» بالاباقشاسىنا ىرگەلەس عيماراتتىڭ قۇرىلىسى دا وسى جىلى اياقتالادى.

ايتا كەتەيىك، بۇگىندە ەلوردادا 148 بالاباقشا مەن 25 شاعىن ورتالىق جۇمىس ىستەۋدە. ولار 33164 بالانى مەكتەپكە دەيىنگى بىلىممەن قامتۋدا.

اباي-اقپارات