اشىق حات

قۇرمەتتى ورال بايقونىسۇلى!

ءبىز، «31 تەلەارنا» جۋرناليستەرى سىزگە وسى ارناداعى قالىپتاسقان احۋال تۋرالى حات جازىپ وتىرمىز.
بىرىنشىدەن، «31 تەلەارنانىڭ» 20 پايىز اكتسياسىن رەسەيلىك «ستس-مەديا» حولدينگى ساتىپ العاننان بەرى، ارنادا «توتەنشە جاعداي» قالىپتاستى دەۋگە بولادى. قۇرىلتايشىلىق اكتسيانىڭ از عانا بولىگىن يەلەنىپ وتىرعانىنا قاراماستان، ارنانىڭ ۇيىمداستىرۋ، شىعارماشىلىق جۇمىستارىنىڭ شەشىمى ماسكەۋگە تاۋەلدى بولىپ قالدى. ال، ماسكەۋلىك «ستس» 2-3 جىلدىڭ ىشىندە ونداعان قازاق حابارلارىن جاۋىپ، ارنانىڭ ەفيرلىك ساياساتىن رەسەيلىك اقپاراتتىق ەكسپانسيا جاعدايىندا ۇستاپ وتىر. «31 ارنا» بۇگىندە تەك قانا رەسەيلىك سەريالدار مەن سيتكومداردىڭ ناسيحاتشىسىنا اينالدى.
ەكىنشىدەن، باسقارۋشى كومپانيا رەتىندە، «ستس-مەديا» قازاقستان رەسپۋبليكاسىنىڭ «تىلدەر تۋرالى» زاڭىنىڭ نورمالارىن ورەسكەل بۇزىپ وتىر. ءبىزدىڭ قولىمىزدا ناقتى مونيتورينگ جوق، دەگەنمەن ەفيردەن بەرىلىپ جاتقان قازاق حابارلارىنىڭ ۇلەسى 35 % دەڭگەيىندە عانا قالۋدا. ونىڭ وزىندە قازاقشا شىعاتىن «ينفورمبيۋرو» جاڭالىقتارى، «ءازىل-ستۋديو»، «جۇلدىزبەن جۇزدەسۋ» سياقتى ءبىردى-ەكىلى جوبادان وزگەسى ورىس جانە تۇرىك سەريالدارىنىڭ اۋدارماسى.

اشىق حات

قۇرمەتتى ورال بايقونىسۇلى!

ءبىز، «31 تەلەارنا» جۋرناليستەرى سىزگە وسى ارناداعى قالىپتاسقان احۋال تۋرالى حات جازىپ وتىرمىز.
بىرىنشىدەن، «31 تەلەارنانىڭ» 20 پايىز اكتسياسىن رەسەيلىك «ستس-مەديا» حولدينگى ساتىپ العاننان بەرى، ارنادا «توتەنشە جاعداي» قالىپتاستى دەۋگە بولادى. قۇرىلتايشىلىق اكتسيانىڭ از عانا بولىگىن يەلەنىپ وتىرعانىنا قاراماستان، ارنانىڭ ۇيىمداستىرۋ، شىعارماشىلىق جۇمىستارىنىڭ شەشىمى ماسكەۋگە تاۋەلدى بولىپ قالدى. ال، ماسكەۋلىك «ستس» 2-3 جىلدىڭ ىشىندە ونداعان قازاق حابارلارىن جاۋىپ، ارنانىڭ ەفيرلىك ساياساتىن رەسەيلىك اقپاراتتىق ەكسپانسيا جاعدايىندا ۇستاپ وتىر. «31 ارنا» بۇگىندە تەك قانا رەسەيلىك سەريالدار مەن سيتكومداردىڭ ناسيحاتشىسىنا اينالدى.
ەكىنشىدەن، باسقارۋشى كومپانيا رەتىندە، «ستس-مەديا» قازاقستان رەسپۋبليكاسىنىڭ «تىلدەر تۋرالى» زاڭىنىڭ نورمالارىن ورەسكەل بۇزىپ وتىر. ءبىزدىڭ قولىمىزدا ناقتى مونيتورينگ جوق، دەگەنمەن ەفيردەن بەرىلىپ جاتقان قازاق حابارلارىنىڭ ۇلەسى 35 % دەڭگەيىندە عانا قالۋدا. ونىڭ وزىندە قازاقشا شىعاتىن «ينفورمبيۋرو» جاڭالىقتارى، «ءازىل-ستۋديو»، «جۇلدىزبەن جۇزدەسۋ» سياقتى ءبىردى-ەكىلى جوبادان وزگەسى ورىس جانە تۇرىك سەريالدارىنىڭ اۋدارماسى.
ۇشىنشىدەن، رەسەيلىك كومپانيا قازاق جۋرناليستەرىن «كرەپوستنويلىق پراۆو» جاعدايىندا ۇستاۋدا. ولار «رەيتينگتىك ۇلەسى تومەن» دەگەن سىلتاۋمەن جاڭا جىل قارساڭىندا 5 قازاق حابارىن جاپسا، 29 ءساۋىر كۇنى سولاردىڭ ورنىنا شىققان «اينا Line» جوباسىن توقتاتىپ تاستادى. «ەڭبەك كودەكسىنىڭ» قاعيدالارىن بەلشەسىنەن باسىپ، قاڭتاردان ساۋىرگە دەيىن وسى جوبانى دايىنداعان جۋرناليستەردى اقىسىز جۇمىس ىستەۋگە ماجبۇرلەدى.
«اينا Line» باعدارلاماسى جابىلعان سوڭ، ولاردىڭ بارلىق نيەت-پيعىلى انىق بولدى: «ستس-مەديا» قازاقستاندىق كەڭىستىكتى ءوزىنىڭ اقپاراتتىق وتارىنا اينالدىرعىسى كەلەدى.
ءبىز، وسى حاتقا قول قويۋشى جاستار، سىزدەن ۇلتتىق اقپارات كەڭىستىگىمىزگە قاۋىپ ءتوندىرىپ وتىرعان جاعدايدىڭ وڭ شەشىلىپ، جۋرناليستەر قۇقىعىن قورعالۋىنا قولداۋ كورسەتۋىڭىزدى سۇرايمىز. 

قول قويعاندار:    1.قانات تىلەۋحان
2.نۇرسۇلتان قۇرمان
3.شاھ-كەرىم كارمەن
4.ۇلپان قۇرايىسوۆا
5.داۋلەتحان اقايداروۆ
6.البينا اسقاتقىزى
7.اسەم جاقىپوۆا
8.داۋلەت ەسەن
9.اسەم المۇحانبەتقىزى
10.ساندۋعاش قارتاەۆا
11.نۇرعيسا ءالمۇرات
12.اقكەنجە ءالىمجان
13.ايدوس التىنبەك
14.احمەت عابيتۇلى

دايەكتەر
جاڭا جىلدان كەيىن مىنا حابارلار جابىلدى:
1.كاسىپكەر
2.بيىك ماقسات
3. پىكىر الاڭى
4. بىلگىرلەر بايگەسى
5.زامانداستار
اقپان ايىندا جاڭادان باس پروديۋسەر كەلىپ / يگور سىرتسوۆ / تاعىدا باعدارلامالار قىقاردى.
سىرلاسايىق (ارالىك باعدارلاما)
جۇلدىزبەن جۇزدەسۋ  (بۇل باعدارلامانىڭ ۋاقىتىن ۇنەمى اۋىستىرىپ، كەيدە توقتاتىپ، كەيدە قايتا سەتكاعا قويىپ بەرەكەسىن كەلتىردى).
ساۋىردە شىعۋ جوسپارلانعان «قاسيەتتى قازاق جەرى» دەرەكتي ءفيلىمى ءتۇرلى سىلتاۋلارمەن توقتاتىلدى.
ءساۋىردىڭ 20-نان شىققان «اينا Line» باعدارلاماسى 9-شىعارىلىمنان كەيىن دوليا، رەيتينگ از دەگەن سەبەپپەن جابىلدى.