بيىل جىلدىڭ سوڭىنا دەيىن ەلىمىزدە قۇنى 700 ملرد. تەڭگە بولاتىن 120 جوبانىڭ قۇرىلىسى اياقتالادى. بۇل تۋرالى ەلباسىنىڭ قاتىسۋىمەن وتكەن «قازاقستان: جاڭا يندۋستريالاندىرۋ. 2014 جىلعى ءبىرىنشى جارتىجىلدىقتىڭ ناتيجەلەرى» اتتى جيىندا قر پرەمەر-ءمينيسترىنىڭ ورىنباسارى، يندۋستريا جانە جاڭا تەحنولوگيالار ءمينيسترى اسەت يسەكەشەۆ مالىمدەدى. ءمينيستردىڭ ايتۋىنشا، 4 جىل ىشىندە مەملەكەتتىك باعدارلاما اياسىندا 672 جوبا جۇزەگە اسىپ، 70 مىڭعا جۋىق جۇمىس ورنى اشىلعان. جۇمىسىن دوڭگەلەتىپ اكەتكەن بۇل كاسىپورىنداردىڭ 80%-ى جوسپاردى تولىق ورىنداپ وتىر.

- يندۋستريالاندىرۋ كارتاسى بويىنشا جۇزەگە اسقان جوبالار ۇكىمەتتىڭ باقىلاۋىندا. ناتيجەسىندە اتالعان جوبالاردىڭ 80%-ى جوسپار بويىنشا جۇمىس جاساعانىن كورىپ وتىرمىز. سونىمەن قاتار قازىردە تەمىرجول، ماشينا قۇراستىرۋ سالاسىنىڭ جۇمىسى 20 ەسەگە ارتقان. بۇل ماشينا جاساۋ سالاسىنا قارقىن بەردى. ايتار بولساق، بۇگىندە ساتىلىمداعى ءاربىر ءتورتىنشى جاڭا اۆتوكولىك قازاقستاندا جاسالعان دەگەن اتاۋعا يە،- دەدى مينيستر اسەت يسەكەشەۆ.

اباي-اقپارات