كەشە قازاقستان جۋرناليستەر وداعى بيىلعى ءباسپاسوز كۇنىنە وراي انىقتالعان لاۋرەاتتارعا ءارتۇرلى اتاۋ-ايدارى بار سىيلىقتار تاپسىرىپ باستاعان. كەنەت ورتاعا ۇمىتىلىپ شىعا بەرگەن اعايىندى ۇستالار – تۇرسىنجان، ماحمۇت جانە ايتبەرگەن جەتەنۇلدارى (قۇلمەنتەگى) «DAT» جوباسى بويىنشا شىعىپ كەلە جاتقان «وبششەستۆەننايا پوزيتسيا» گازەتىنىڭ باس وقىرمانى ەرمۇرات باپيعا «الماس قىلىش» سىيلىعىن تاپسىردى.

«الماس قىلىش» سىيلىعى... بۇل قانداي سىيلىق؟  «الماسى قىلىش» تۋرالى ماحمۇت مىرزا بىلاي دەدى: ء«بىز ۇلتجاندى ءبىر توپ قوعام وكىلدەرىمەن اقىلداسىپ-كەلىسىپ، وسىدان بىرەر جىل بۇرىن «الماس قىلىش» سىيلىعىن تاعايىنداعان ەدىك. سودان بەرى ۇلت مۇددەسىن ۇران ەتكەن ازاماتتارعا قوعام وكىلدەرىنىڭ سىيى رەتىندە، ءوز قولىمىزدان قۇيعان ەجەلگى كوشپەندىلەر قارۋىن سىيلىق رەتىندە تارتۋ ەتۋدى داستۇرگە اينالدىرىپ كەلەمىز. ونىڭ بۇعان دەيىنگى يەگەرلەرى – جاركەن بودەش، ولجاس سۇلەيمەنوۆ، روللان سەيسەنباەۆ، تالعات ايتبايۇلى بولدى. ەندى وسى قاتارعا ەرمۇرات باپيدى لايىق ساناپ، «الماس قىلىشتى» تاپسىرىپ وتىرمىز».

ەرمۇرات ءباپيدىڭ «قىنىنا» الماس قىلىش سالاعان ۇستالار گازەتتىڭ باس رەداكتورىنىڭ مىندەتىن اتقارۋشى باتىر قىز باقىتگۇل ماكىمبايدىڭ قولىنا گۇرزى ۇستاتتى. بارەكەلدە! 

- ءبىز، ارينە، قالتالى كاسىپكەر ەمەسپىز، بىراق ەجەلگى كوشپەندى قازاقتىڭ ۇستالىق ونەرى قولىمىزدان كەلەدى. ونى بۇگىندە قازاقستان عانا ەمەس، تۇركى دۇنيەسىنە تانىتقان سىڭايدامىز. قازىر ءبىز وزىمىزبەن پىكىرلەس قوعام وكىلدەرىنىڭ كەلىسىمىمەن بۇل سىيلىقتى ەلىم دەپ، جەرىم دەپ، ۇلتىم، مادەنيەتىم، ار-ۇياتىم دەپ جۇرگەن ۇلتجاندى ازاماتتارعا بەرىپ ءجۇرمىز. كەيىنگى جاستارعا ۇلگى بولارلىق اعالارىمىزعا دا بەرىپ كەلەمىز. ۇلى اباي اتامىز ايتقان عوي: ء«بىرىڭدى، قازاق، ءبىرىڭ دوس، كورمەسەڭ، ءىستىڭ ءبارى بوس!» – دەپ. سول ءۇشىن دە بۇل سىيلىق ءبىزدىڭ قولىمىزبەن جاسالعان حالىقتىڭ سىيلىعى دەۋگە بولادى، - دەيدى اعايىندى ۇستالاردىڭ كىشىسى ايتبەرگەن جەتەنۇلى.

 راس، ۇستالاردىڭ سىيلىعى – حالىقتىڭ سىيى. ايگىلى «دات» جوباسىمەن شىعىپ كەلە جاتقان گازەت ءۇشىن بۇدان ارتىق قانداي سىيلىق بولسىن! قۋانىشقا ورتاقپىز.

Abai.kz