قازاقستان كورەيا رەسپۋبليكاسىنىڭ كورەي تۇبەگىن بولاشاقتا بىرىكتىرۋ يدەياسىنا قولداۋ بىلدىرەدى. بۇل تۋرالى بۇگىن اقوردادا ەلىمىزگە العاشقى مەملەكەتتىك ساپارمەن كەلگەن كورەيا رەسپۋبليكاسىنىڭ پرەزيدەنتى پاك كىن حەمەن كەڭەيتىلگەن قۇرامداعى كەلىسسوزدەر بارىسىندا ەلباسى نۇرسۇلتان نازارباەۆ ايتقان.

«بۇگىن شاعىن قۇرامداعى كەلىسسوزدەر بارىسىندا ءبىز سىزبەن ەكىجاقتى، وڭىرلىك ماڭىزداعى تاقىرىپتاردىڭ كەڭ اۋقىمىن تالقىلادىق. بىرقاتار حالىقارالىق ماسەلەلەردەگى بىزدەردىڭ ۇستانىمدارىمىزدىڭ ۇقساستىعىن بىلدىردىك جانە تىعىز سۇحباتتاستىقتى جالعاستىرۋعا ۋاعدالاستىق»، - دەگەن  ەلباسى ءوز سوزىندە.

سونداي-اق قازاقپاراتتىڭ حابارلاۋىنشا ن.نازارباەۆ كورەيا نەبارى ەكى بۋىن الماسقان ۋاقىتتىڭ ىشىندە  ەكونوميكالىق تاڭعاجايىپ ارەكەتتەرگە بارىپ،  كەدەي اگرارلىق ەلدەن الەمنىڭ ۇزدىك جيىرما دەرجاۆاسىنىڭ قاتارىنان ورىن العانىن اتاپ وتكەن. پرەزيدەنت سونىمەن قاتار كورەيا  رەسپۋبليكاسىنىڭ سولتۇستىك كورەيانىڭ يادرولىق قارۋعا يە بولۋىنا قارسىلىعىنا جانە بولاشاققا كورەي تۇبەگىن بىرىكتىرۋ يدەياسىنا مىعىم قولداۋ بىلدىرەتىندىگىن  باسا ايتتى.

ايتا كەتەتىن بولساق كورەيا رەسپۋبليكاسى ەكىنشى دۇنيە جۇزىلىك سوعىس كەزىندە جاپونيا شابۋىلىنا ۇشىرادى. 1948 جىلى كورەي تۇبەگىنىڭ سولتۇستىگى تاراپىنا ورنالاسقان سسسر اسكەرى مەن وڭتۇستىگىنە ورنالاسقان اقش اسكەرى ەلدى ەكىگە ءبولدى. 38 پاراللەل سوعىس جاعدايىندا شەكارا بولىپ، كورەيا وڭتۇستىك، سولتۇستىك بولىپ سوعىستى.

 اباي-اقپارات