وسىلاي دەگەن دەپۋتاتتار قازاقفيلم مەن رەسپۋبليكا سارايىن جەكەشەلەندىرۋدىڭ سوڭى جاقسىلىققا اپارمايدى دەپ قاۋىپتەنەدى. بۇل تۋرالى كتك ارناسىنا سىلتەمە جاساپ Zakon.kz جازدى.

الماتى قالاسىنداعى اتالعان مادەنيەت تاڭبالارىنىڭ بولاشاقتاعى جەكەشەلەندىرۋلەرگە قاتىسۋىنا قارسىلىق بىلدىرگەن دەپۋتاتتار  پرەمەر-مينيستردەن بۇل ىسكە ارالاسۋىن تالاپ ەتىپ، مەملەكەتتىك مەكەمەلەردىڭ جەكە قولعا وتۋىنە تيىم سالۋ كەرەك دەگەن.

مۇرات احماديەۆ، قر پارلامەنت ءماجىلىسى دەپۋتاتى:

-  «قازاقفيلم» جاي عانا ۇيىم ەمەس، بۇل ۇلتتىق فيلمدەردىڭ تۇسىرىلەتىن جالعىز ورنى. ودان باسقا ءدال سونداي ستۋديا بىزدە، الەمدە دە، ءتىپتى ەشقايدا دا جوق. ال ءبىز ونى بيزنەسكە اينالدىرعىمىز كەلەدى. بۇل «بيزنەستىڭ» سوڭى نەگە سوعاتىنى بەلگىسىز.

دەپۋتاتتار مەملەكەتتىك-مادەني نىسانداردىڭ جەكەشەلەنىپ كەتۋى جاقسىلىق ەمەس دەپ وتىر. ولار ونسىز دا جاندانباي وتىرعان ۇلتتىق كينو ءوندىرىسىمىز ءبىر جولا تۇرالايدى ما دەپ قورقادى. ال رەسپۋبليكا سارايى تۋرالى دەپۋتاتتار استە ابىرجۋلى. ولار ءوزىن ءوزى قارجىلاندىرىپ وتىرعان بۇل نىساننىڭ ساتىلۋىن تۇسىنە المايدى. ءتىپتى كەرەك دەسەڭىز  رەسپۋبليكا سارايى 2-3 جىل بۇرىن عانا مەملەكەتتىك بيۋدجەتتەن قىرۋار اقشا ءبولىنىپ، كۇردەلى جوندەۋدەن وتكەن بولاتىن. ماجىلىسمەندەر الماتى تسيركىنىڭ تاعدىرىن ەسكە سالا كەتتى. جەكەشەلەنۋگە وتكەن سوڭ ونداعى قىزمەت ساپاسى مۇلدە تومەندەپ كەتكەن بولاتىن. وندا ەشقاشان قايتا قۇرىلىمداۋ جاسالمادى جانە شىعىن قاراجاتى 50 ميلليون بولدى. دەپۋتاتتار وسى جاعدايدىڭ 2-رەت قايتالانۋىنان الاڭدايدى.

Abai.kz