قازاقستان وكىمەتى «ەلدى رەسەي مەن بەلارۋستىڭ اۆتوقۇراستىرۋ تسەحى ەتۋگە بالاما جوسپارىن جاريالادى» دەپ جازۋدا بەلارۋس باسىلىمى «زاۋترا تۆاەي كراiنى».

ەلباسى وتكەن اپتادا قوستانايداعى Toyota قۇراستىرۋ ءوندىرىسىن اشتى. مۇندا سونىمەن بىرگە يتاليالىق Iveco كومپانياسىمەن اۆتوبۋس جانە كوممەرتسيالىق كولىكتەردى بىرىگە ءوندىرۋ تۋرالى مەموراندۋمعا قول قويىلعان. اقپارات كوزى وسىنداي باستامالارعا قاراي وتىرىپ، قازاقستان بەلارۋس پەن رەسەيگە تۇتاسا باستاعان اۆتوبازاردا باسەكە بولاتىن ءتۇرى بار دەپ اتاپ وتۋدە. 

Toyota قۇراستىرۋ جوباسى ازىرگە جىلىنا  3 مىڭ اۆتو شىعارۋعا باعىتتالعان جانە دە تەوريا جۇزىندە بەلارۋستار مۇددەسىنە تەك Geely ي Chevrolet Tracker (2014 جىلدىڭ كۇزىنەن باستاپ شىعارىلا باستاماق) تيىسە الار. ال قازاقستاندىق Toyota Fortuner العاشقى ساتىدا تەك قانا ىشكى بازاردا ساتىلاتىن بولادى. 

ال Iveco-مەن بىرىككەن جوبانىڭ ورنى بولەك. قوستاناي ديزەل زاۋىتىنىڭ بازاسىندا جىلىنا كەمىندە 25 مىڭ اۆتوموبيل شىعاراتىن ءوندىرىستىڭ ءوز ايتارى بولارى ءسوزسىز. جانە دە بۇل ونىمدەر كەدەن وداعىنىڭ بازارىنا شىعاتىنى دا جاريا ەتىلدى.

بۇل زاۋىتتا Iveco Daily ي Iveco Power Daily سەكىلدى جەڭىل اۆتولاردان وزگە، ماز ونىمدەرى شىعاتىن سەگمەنتكە جاتاتىن ونىمدەر دە شىقپاق. بۇل — ورتاتوننالىق جانە ديزەل جىلجىتقىشتى اۋىر جۇككولىكتەر مەن قالالىق تومەنەدەندى اۆتوبۋستار (قوستانايلىق نۇسقادا گازدىق جىلجىتقىشتار ورناتىلماق). 

كەدەن وداعىنا تيەسىلى اۋماقتى رەسەي مەن بەلارۋس ونىمدەرى شەتەلدىك ماركالاردى ىعىستىرىپ جاتقانى شىندىق. 2014 جىلدىڭ ءبىرىنشى توقسانى بويىنشا شەتماركا (ينوماركا) نەبارى 41% ۇلەس بولسا، رەسەيلىك بازاردى اۋىر جۇككولىكتەرىمەن كاماز (40,3%) جاۋلاۋدا. ماز بۇل ۇستانىم بويىنشا 11,3% ۇلەسپەن ءۇشىنشى ورىندى مىسە تۇتتى. ەندى بۇل بازارعا قازاقتار كىرىسسە، تار بولا باستايتىنى تۇسىنىكتى. سوندىقتان بەلارۋستاردىڭ مازاسىزدانۋى تەگىن ەمەس. 

ازىرگە ماز بەن كامازعا قازاق-يتالياندىق Iveco قانشالىقتى توتەپ بەرەتىنىن ۋاقىت كورسەتەدى.

اباي-اقپارات