2014 جىلدىڭ 13 ماۋسىم كۇنى الماتى قالاسىندا «قازمۇنايگاز» بارلاۋ ءوندىرۋ» اق كومپانيالار توبىنىڭ  (قمگ ءبو، كومپانيا) ەكىنشى جاس ماماندار فورۋمى اياقتالدى. فورۋمعا ماڭعىستاۋ، اتىراۋ، قىزىلوردا وبلىستارى مەن استانا قالاسىنان قمگ ءبو-ءنىڭ 11 ەنشىلەس كومپانياسىنىڭ 70-كە جۋىق وكىلى قاتىستى. ءتورت كۇن بويى جاس ماماندار كومپانياداعى وندىرىستىك قىزمەت پەن ەكونوميكالىق تيىمدىلىكتى ارتتىرۋعا باعىتتالعان جوبالارىن قورعادى.

فورۋمعا جينالعان 44 مامان تومەندەگى سەكتسيالار بويىنشا ءوز جوبالارىن ۇسىندى: گەولوگيا جانە گەوفيزيكا; كەن ورىندارىن يگەرۋ، ءوندىرىس – مۇناي وندىرۋدەگى يننوۆاتسيالىق تەحنولوگيالار; ونەركاسىپتىك قاۋىپسىزدىك، ەڭبەكتى جانە قورشاعان ورتانى قورعاۋ; ەكونوميكا جانە قارجى; اسۋتپ جانە اقپاراتتىق تەحنولوگيا; تاۋارلاردا، جۇمىستا جانە  قىزمەتتەگى جەرگىلىكتى مازمۇن. جوبالارعا قويىلاتىن نەگىزگى تالاپ: ءوندىرىس ەرەكشەلىكتەرىن ەسكەرە وتىرىپ كوتەرىلگەن مالەلەلەردىڭ ماڭىزدىلىعى، ۇسىنىلىپ وتىرعان شەشىمدەردىڭ وندىرىستىك جانە اكىمشىلىك ۇردىستەردە قولدانىلۋ مۇمكىندىگى.

 - مامانداردى جەتىلدىرۋ – كومپانيامىزدىڭ ۇزاق مەرزىمدى دامۋىنىڭ نەگىزگى فاكتورلارىنىڭ ءبىرى، - دەدى جينالعاندارعا قمگ ءبو گەولوگيا جانە يگەرۋ جونىندەگى باسقارۋشى ديرەكتورى مۇرات مۇستافاەۆ.  – كومپانيانى دامىتۋعا باعىتتالعان جوسپارلارىمىزدى ىسكە اسىرۋ ءۇشىن، بيزنەستى كەڭەيتىپ، ءوندىرىستى جاڭارتۋ ءۇشىن بىزگە بىلىكتى، تاباندى، الدىنا ماقسات قويا بىلەتىن، جاڭاشا ويلايتىن جاس ماماندار قاجەت. بۇل فورۋم سىزدەرگە وزدەرىڭىزدى جاقسى قىرىنان كورسەتىپ، ۇجىمدى بىرىكتىرۋگە جانە كومپانيانى دامىتۋعا ۇلەس قوسۋعا مۇمكىندىك بەرەدى. بايقاۋعا ۇسىنىلعان جوبالاردىڭ دەڭگەيى وتە جوعارى، ءبىز ءۇشىن جەڭىمپازداردى انىقتاۋ وڭايعا سوققان جوق.

فورۋم ناتيجەسى بويىنشا بىرنەشە ۇزدىك جوبا ىرىكتەپ الىندى، ولاردى وندىرىسكە ەنگىزۋ جوسپارلانىپ وتىر. سونىمەن قاتار، الدىڭعى بايقاۋدىڭ جەڭىمپازدارىنىڭ ءبىرى ايدىن قوجاش ءوز يننوۆاتسيالارىنىڭ وندىرىستە قولدانىلۋىنىڭ العاشقى ناتيجەلەرىن پاش ەتتى.

اباي-اقپارات