الماتىنىڭ بۇرىنعى اكىمىنىڭ ايەلىمەن نەكەسىن بۇزعانى تۋرالى قازاقپارات كتك ارناسىنا سىلتەمە جاساپ حابارلادى. بۇل تۋرالى كەشە تسيۋريحتە شىعاتىن Neue Zürcher Zeitung گازەتى جاريالاعان. ەستەرىڭىزدە بولسا، ەرلى-زايىپتىلار الماتىنىڭ جەرىن وڭدى-سولدى ساتىپ، بالا-شاعاسىمەن شۆەيتساريا اسىپ كەتكەن ەدى. شۆەيتساريانىڭ فەدەرالدىق پروكۋراتۋراسى بۇل ەكەۋىنىڭ ەل اۋماعىنداعى زاڭعا قايشى ارەكەتتەرىنە بايلانىستى قىلمىستىق ءىس قوزعاعان بولاتىن. رەسمي قۇجاتتاردا شۆەيتساريا مەن ۇلتتىق قورعانىسقا قارسى باعىتتالعان قىلمىستار مەن قۇقىق بۇزۋشىلىقتار جايلى ايتىلعان. بۇعان تىڭشىلىق جاساۋ، اسكەري بارلاۋ جانە وزگە مەملەكەتتىڭ مۇددەسى ءۇشىن اقپارات جيناۋ ارەكەتى جاتادى. ءسويتىپ 2008 جىلدان بەرى جەنەۆادا تۇرىپ كەلە جاتقان ۆيكتور حراپۋنوۆتىڭ جانۇياسى باقىلاۋعا الىنعان. وسىنىڭ ءبارىن ءتىزىپ شىققان اتالمىش گازەت ونىڭ قازىر ايەلىمەن اجىراسىپ كەتكەنىن جازعان.

اباي-اقپارات