قازاقستاندىق نارىقتىڭ شاشىراڭقىلىعىنا بايلانىستى ينتەگراتسيا قاجەت – بۇل تۋرالى ازات پەرۋاشەۆ ەەو-تى قۇرۋ ماسەلەلەرىنە ارنالعان ورتالىق كوممۋنيكاتسيالار قىزمەتىنىڭ  بريفينگى بارىسىندا مالىمدەدى.

«قازاقستان دەگەنىمىز نە؟ بىزدە اينالاسىندا حالىقتىڭ نەگىزگى بولىگى تۇراتىن وبلىس ورتالىقتارى، ازدى-كوپتى ءىرى جانە ورتاشا قالالار بار. ال جەردىڭ قالعان – 3 ملن. كۆ.كم-گە جۋىق بولىگى – شولەيتتەر، دالا نەمەسە تاۋلار.

كەڭ بايتاق جەرىنە بايلانىستى، لوگيستيكالىق شىعىندار ونىمدەردىڭ وزىندىك قۇنىنا ەلەۋلى ىقپال ەتەدى، سوندىقتان – ونىمدەردى قاسىندا ورنالاسقان كورشىلەس رەسەيدىڭ  بازارىندا ساتقان تيىمدىرەك. مىسالعا، ورالدان الماتى وبلىسىنا قاراعاندا، ساماراعا ساتقان ءتيىمدى. سوندىقتان، ءبىزدىڭ يندۋستريالىق ستراتەگيامىز ءبىزدىڭ تاۋارلاردىڭ ەكسپورتىنا سۇيەنۋى ءتيىس»، - دەپ اتاپ ءوتتى ول.

ونىڭ ۇستىنە  ا.پەرۋاشەۆ اتاپ كورسەتكەندەي «جوبالاردىڭ كوپشىلىگى ماشينا جاساۋ، فارماتسەۆتيكا سالالارىندا جانە باسقا سالالاردا جوعارى دەڭگەيدە ءونىم جاساپ شىعارۋمەن بايلانىستى ناقتى سىرتقى نارىققا باعدارلانعان. سوڭعى جىلدارى ءبىزدىڭ جالپى يندۋستريالىق ستراتەگيامىز ءبىزدىڭ ونىمدەردى ەكسپورتقا شىعارۋعا باعدارلانعان: بىرقاتار جاڭا كاسىپورىندار بويىنشا ولاردىڭ وندىرىستىك قۋاتى 70-80 %-عا دەيىن ەكسپورتقا باعدارلانعان. ال، ولار ىشكى نارىقتا ونىمدەرىنىڭ بەس نەمەسە ءتورت بولىگىن عانا ساتا الار ەدى».

ەگەر دە ءبىزدىڭ وندىرۋشىلەرگە  رەسەيلىك جانە باسقا نارىقتى اشپاساق، وندا جاڭا كاسىپورىندار تولىق قۋاتىمەن جۇمىسى ىستەي المايدى، ولار 20-30 % جۇكتەمەسىمەن زالالسىزدىق نۇكتەسىنە شىعا المايدى، ءتيىمسىز بولادى.

ال، يندۋستريالاندىرۋعا سالىنعان اقشا، جەلگە ۇشقانداي بولىپ قالادى.

«اسىرەسە، دۇرىس جانە ساۋاتتى جۇمىس ىستەي العان جاعدايدا ەەو-تىڭ ەكونوميكالىق الەۋەتى ايتارلىقتاي جوعارى، - دەپ ەسەپتەيدى «اق جول» پارتياسىنىڭ جەتەكشىسى. – جانە ءبىز بيزنەستى وسى باعىتتا جۇمىس ىستەۋگە ۇيرەنۋ ءۇشىن قولىن بوساتامىز. ەگەر دە، نارىقتى كەڭەيتۋگە بارماساق – وندا بارلىق يندۋستريالاندىرۋدى، ياعني جۇمىسپەن قامتۋ، تەحنولوگيانى دامىتۋ، تۇرعىنداردىڭ تابىسىن ءوسىرۋ ماسەلەلەرىن – وسىنىڭ بارلىعىن جىلى جاۋىپ قويامىز. بىراق، يندۋستريالاندىرۋسىز ەكونوميكالىق دامۋ بولمايدى، جالپى قوعامنىڭ دا ءال-اۋقاتى وسپەيتىن بولادى».

10 ماۋسىم 2014 جىل،

قازاقستاننىڭ «اق جول» دەموكراتيالىق پارتياسىنىڭ ءباسپاسوز قىزمەتى