مىسىر ۇكىمەتى تولىق قۇرامدا وتستاۆكاعا كەتتى. مۇنداي شەشىم يبراگيم ماحلياب باسقارعان مينيسترلەر كابينەتىنىڭ 3,5 ايلىق جۇمىسىنىڭ قورىتىندى وتىرىسىنان كەيىن قابىلداندى، دەپ حابارلايدى قازاقپارات اگەنتتىگى 24.kz. ارناسىنا سىلتەمە جاساپ.

سونداي-اق ورنىنان كەتىپ جاتقان پرەمەر-مينيستر يبراگيم ماحليابقا جاڭا ۇكىمەتتى جاساقتاۋ تاپسىرىلعان. ەستەرىڭىزگە سالا كەتەيىك، جاڭادان سايلانعان پرەزيدەنت ابدەل فاتتاح اس-سيسي 8 ماۋسىمدا ءوز مىندەتىنە كىرىستى. ەل كونستيتۋتسياسى بويىنشا، وسى راسىمنەن كەيىن اتقارۋشى بيلىك وتستاۆكاعا كەتۋ تۋرالى ءوتىنىش جازۋى ءتيىس بولاتىن. اس-ءسيسيدىڭ ءوزى ماحلياب باسقارعان ۇكىمەت قۇرامىندا بىرنەشە اپتا قورعانىس ءمينيسترى بولىپ جۇمىس ىستەدى. ساراپشىلاردىڭ پايىمىنشا، ءوزىن جاقسى قىرىنان كورسەتىپ ۇلگەرگەن ماحلياب ۇكىمەت باسشىسى رەتىندە ءوز ورنىنا قايتا وتىرۋى مۇمكىن.

اباي-اقپارات