كوك جاشىككە كوپ تەلمىرەتىندەردىڭ قاتارىنان ەمەسپىز. قازاقتىڭ ەسەبىنەن قارجىلانىپ وتىرسا دا، جات تىلدە اقپارات تاراتاتىن تەلەارنالار تەك قازاقستاندا عانا بار شىعار... زاماننىڭ ىعىمەن تورىڭە شىققان ءتوربۇرىش «بالەگە» اندا-ساندا امالسىز قاراپ قالاسىڭ. وسى دەمالىستا «24kz» ارناسى كورسەتكەن مىنا اقپارات جاعامىزدى ۇستاتتى.

«بايقاۋعا ەلىمىزدىڭ  وڭىرلەرىنەن 8 توپ قاتىسىپ وتىر. وتان الدىنداعى بورىشىن وتەۋگە ۇندەپ، وتانسۇيگىشتىكتى قالىپتاستىراتىن سلەت ەكىنشى رەت جالاۋىن كوتەردى. سلەتتا سىپتاي بوپ، ساپ تۇزەگەن جاستار باتىر راحىمجان قوشقارباەۆتىڭ رەيحستاگكە تىككەن تۋىنىڭ كوشىرمەسىن كوتەرىپ شىقتى. جەڭىستىڭ سيمۆولىنا اينالعان قىزىل تۋ «بالداۋرەن» لاگەرىنە سىيعا تارتىلعان. سودان بەرى ارادا جەتپىس جىل وتسە دە، جاستارعا جىگەر بەرىپ، جول سىلتەۋدە. رەسپۋبليكالىق سلەت 17 ماۋسىمعا دەيىن جالعاسادى. وسى ۋاقىت ارالىعىندا جاس اسكەرلەر ساپتا ءجۇرۋ، ءان ايتۋ، مەرگەندىك شىڭداۋ، وتان قورعاۋ ءىسى سىندى بىرنەشە جارىس وتكىزەدى. جەڭىمپازداردى ارنايى جۇلدە كۇتىپ تۇر».(24KZ جاڭالىعى)

ءسويتىپ، ەندىگى قالعانى ەل قورعايدى دەگەن جاس تۇلەكتەردىڭ سوۆەت وداعىنىڭ تۋىن كوتەرۋى ەكەن. جەتكىنشەكتەردى وتانسۇيگىشتىككە تاربيەلەۋدىڭ وسىدان باسقا جولى جوق پا؟ كوك تۋدى كوتەرىپ، الاش ۇرانىن ايتسا، كىم قوي دەيدى؟ الدە تۋىمىزدىڭ ءتۇسى وزگەرىپ كەتكەن بە؟

Abai.kz