پاكىستانداعى كاراچي حالىقارالىق اۋەجايىنىڭ تەرمينالىنا قارۋلى شابۋىل بولدى. اتالعان اۋەجايدىڭ كۇزەت باستىعى شاۋكات دجامال باسقىنشىلارعا قارسى وپەراتسياعا پوليتسيا مەن پاكىستان ارمياسى جۇيمىلدىرىلعانىن مالىمدەگەن. لاڭكەستەر شابۋىلى كەزىندە اۋەجاي اۋماعىندا 3 جارىلىس بولىپتى. BBC اگەنتتىگى پاكىستان بيلىگىنە سىلتەمە جاساپ، سوڭعى ساعاتتاردا كاراچي اۋەجايىندا جاعداي تۇراقتانعانىن حابارلادى. حابارعا  ساي لاڭكەستەرمەن بولعان اتىستا اۋەجايعا شابۋىلداۋشى 10 تەرروريستىڭ تۇگەلدەي كوزى جويىلدى. اتىس سالدارىنان اۋەجايدا جالپى سانى 23 ادام كوز جۇمعان،  ولاردىڭ ىشىندە كۇزەت قىزمەتكەرلەرى مەن اۋە كومپانيا جۇمىسشىلارى دا بار.

پاكىستاننىڭ تەلەارنالارى وقيعا ورنىنان تىەكەلەي ەفير حابارىن جۇرگىزدى. لاڭكەستەر ارەكەتىنىڭ كەسىرىنەن بارلىق اۆيارەيستەر الىنىپ تاستالعان نەمەسە باسقا اۋەجايعا جىبەرىلگەن. ازىرگە پاكىستان اۋماعىندا ارەكەت ەتەتىن لاڭكەستىك توپتاردىڭ بىردە-ءبىرى ءبىرى بۇل شابۋىلدى ءوز مويىندارىندا العان جوق. الايدا ەل بيلىگى اتالعان قىلمىستى «تاليبان» جاسادى دەپ سانايدى.

اباي-اقپارات