كوميسسيا ءماجىلىسىن اشقان مەملەكەتتىك حاتشى ەلدىڭ مادەني يگىلىكتەرىن ارتتىرۋعا ايتارلىقتاي ۇلەس قوسقان، مەملەكەتتىك قولداۋعا جانە اۆتورلاردى ىنتالاندىرۋعا باعىتتالعان جۇمىستىڭ ءمان-ماڭىزىن جانە وسىعان بايلانىستى كوميسسيا مۇشەلەرىنىڭ ايرىقشا جاۋاپكەرشىلىگىن اتاپ ءوتتى. 

وتىرىستا كوميسسيا مۇشەلەرىنە 2014 جىلعى ادەبيەت پەن ونەر سالاسىنداعى مەملەكەتتىك سىيلىقتى الۋ ءۇشىن ۇسىنىلعان شىعارمالار، ولاردى تىركەۋ جانە ءتيىستى تالاپتارعا سايكەستىگىن تەكسەرۋ جۇمىستارىنىڭ قورىتىندىلارى جونىندە حابارلاما جاسالدى.

كەلىپ تۇسكەن جۇمىستاردى قاراۋ 3 سەكتسيادا: ادەبيەت، مۋزىكا، تەاتر جانە كينو، بەينەلەۋ ونەرى جانە ساۋلەت سەكتسيالارىندا جالعاستى. سەكتسيالار جۇمىسى جاسىرىن داۋىس بەرۋ ارقىلى اياقتالدى. ونىڭ بارىسىندا كەلەسى كەزەڭگە ۇسىنىلعان شىعارمالار ىرىكتەلدى. ۇمىتكەرلەر ءتىزىمى كوميسسيا شەشىمىمەن بەكىتىلدى.

ەرەجەگە سايكەس قوعامدا كەڭىنەن تالقىلاۋ ءۇشىن اۆتورلار مەن  شىعارمالار تۋرالى اقپارات «ەگەمەن قازاقستان» جانە «كازاحستانسكايا پراۆدا» گازەتتەرىندە جاريالانادى. 

http://strategy2050.kz/