ەۋروپا قازاقتارىنىڭ كىشى قۇرىلتايى بەرلين قالاسىندا ماۋسىمنىڭ 7-8-ءى  وتەدى.

         قۇرىلتاي اياسىندا ەلباسىنىڭ «قازاقستان جولى – 2050: ء«بىر ماقسات، ءبىر مۇددە، ءبىر بولاشاق» اتتى جولداۋىنا ارنالعان «دوڭگەلەك ۇستەل»، «سەزىم شۋاعى» سۋرەت جانە كىتاپ كورمەسى، فۋتبول ءتۋرنيرى، ەر جانىبەك باتىردىڭ 300 جىلدىعىنا ارنالعان «اسىق اتۋ»، قازاقشا كۇرەس ويىندارى مەن «انا ءتىلىم – پارىزىم» اتتى جاس جەتكىنشەكتەر اراسىنداعى سايىس، سونداي-اق، «الاش» ازاماتى، مارقۇم مۇستافا شوقايدىڭ زيراتىنا بارۋ جوسپارلانعان. اتالمىش ىسكە بەرليندەگى قازاق قوعامىنىڭ باسشىسى بەشىرەتحان مالاباحان مەن گەرمانياداعى قازاقستان ەلشىلىگى ات سالىسۋدا.

         قازاقستان دەلەگاتسياسىن دۇنيەجۇزى قازاقتارىنىڭ قاۋىمداستىعى توراعاسىنىڭ ءبىرىنشى ورىنباسارى تالعات اسىلۇلى ماماشەۆ باسقارىپ بارادى. دەلەگاتسيا قۇرامىندا  م.و.اۋەزوۆ اتىنداعى ادەبيەت جانە ونەر ينستيتۋتىنىڭ ديرەكتورى، تاريح عىلىمدارىنىڭ دوكتورى ءۋاليحان قاليجانوۆ، مەملەكەتتىك سىيلىقتىڭ يەگەرى الىبەك اسقار، قازاقستاننىڭ حالىق ءارتىسى ماقپال ءجۇنىسوۆا، ەر جانىبەك قورىنىڭ پرەزيدەنتى، مەديتسينا عىلىمدارىنىڭ دوكتورى ماحسۇت تەمىرباەۆ، «سك-استانا» كوپەراتيۆتىك قور ديرەكتورىنىڭ ورىنباسارى اسەل شىلدەباەۆا،  «دارىن» جاستار سىيلىعىنىڭ يەگەرى، سۋرەتشى گۇلنازىم ومىرزاق، «سەرىلەر» توبى، «كتك» تەلەارناسىنىڭ ءتىلشىسى گۇلميرا ابىقاەۆا،   ت.ب. ونەر جانە قوعام قايراتكەرلەرى بار. جانە دە قۇرىلتايعا ەۋروپانىڭ وننان استام ەلىنەن، اقش، تۇركيادان قازاقتار كەلىپ قاتىسادى.

         قۇرىلتايدىڭ باس دەمەۋشىسى – «سامۇرىق-قازىنا» ااق.

         الىستاعى اعايىنعا رۋحاني، مادەني قولداۋ كورسەتۋ قاۋىمداستىقتىڭ نەگىزگى مىندەتتەرىنىڭ ءبىرى.  ەندەشە، قۇرىلتايعا ساتتىلىك تىلەيىك، اعايىن!

بوتاگوز ۋاتقان

اباي-اقپارات