2013 جىلى اتا مەكەنىنە ورالعان 317 قانداسىمىز  اتىراۋ وبلىسىن تاڭدادى. ونىڭ ىشىندە 304-ءى وزبەكستاننان، 7-ەۋى رەسەيدەن، 5-ءى تۇركىمەنستاننان، بىرەۋى قىتايدان كەلگەن. بۇل تۋرالى اتىراۋ وبلىستىق ەڭبەكپەن قامتۋ جانە الەۋمەتتىك قامتاماسىز ەتۋ باسقارماسىنىڭ باستىعى كلارا مۋكاشكەرەۆانىڭ سوزىنە سىلتەمە جاساپ Zakon.kz جازدى.

كلارا مۋكاشكەرەەۆا سونداي-اق ورالماندارعا قاتىستى زاڭ جوباسىنا ەنگەن وزگەرىستەر تۋرالى ايتقان.  ۇكىمەتتىڭ 2014 جىلعى 20 ناۋرىزداعى  №248 قاۋلىسى بويىنشا اتا جۇرتقا كوشىپ كەلگەن قانداستار مىنا وڭىرلەرگە قونىستاندىرىلۋى كەرەك: اقمولا وبلىسى، اتىراۋ وبلىسى، شىعىس قازاقستان  وبلىسى، باتىس قازاقستان وبلىسى، قوستاناي وبلىسى، پاۆلودار جانە  سولتۇستىك قازاقستان وبلىسى. ياعني وسى وڭىرلەرگە قونىستانعاندار ورالمان ستاتۋسىن الا الادى. قالعان وڭىرلەرگە كوشىپ بارعاندار تۇرعىلىقتى تىركەۋ مەن ازاماتتىق الۋ جونىندە كەز كەلگەن شەتەل ازاماتتارىمەن تەڭ قۇقىلى بولادى. سونداي-اق تولەم  قابىلەتتىلىگىن راستاۋى كەرەك.

وزگەرىستەرگە سايكەس، ەگەر بۇدان بۇرىن ەلىمىزگە ورالعان ەتنيكالىق قازاقتار بەس كۇن ىشىندە ورالمان ستاتۋسىن الۋعا، جانە تۇرعىلىقتى تىركەۋگە ء وتىنىم جاساي الاتىن بولسا، ەندى بۇل جەڭىلدىكتەر الىنىپ تاستالعان.

«ولار الدىمەن كوشى-قون پوليتسياسىنا تۇراقتى تىركەۋگە  تىركەلۋى كەرەك، ودان كەيىن ورالمان ستاتۋسىن الا الادى. بۇل ستاتۋسقا يە بولعاننان كەيىن جوعارىدا اتالعان وڭىرلەرگە قالاۋى بويىنشا ورنالاسادى. وندا قونىستانعان سوڭ ءتورت جىل ىشىندە ازاماتتىق الاتىن بولادى.» - دەيدى كلارا مۋكاشكەرەەۆا.

ورالمانداردى جۇمىسپەن قامتۋ باعدارلامالارىنا سايكەس جىل باسىنان بەرى  اتىراۋ وبلىسىنا وزبەكستاننان كوشىپ كەلگەن 29 وتباسى «ورالمان» ستاتۋسىن العان.

اباي-اقپارات