فورۋم كەزەكتى رەت كەيىنگە قالدى...
مامىر ايىنىڭ 17-18 كۇندەرىندە الماتى قالاسىندا قازاق جۋرناليستەرىنىڭ I حالىقارالىق فورۋمىن وتكىزۋدى جوسپارلاعان ۇيىمداستىرۋشىلار القاسىنا بايلانىس جانە اقپارات مينيسترلىگىنىڭ ۆيتسە-ءمينيسترى نۇراي ورازوۆتان شۇعىل حات كەلدى (حاتتى تومەندە ءتۇپ نۇسقاسىمەن بەرىپ وتىرمىز).
... سونىمەن، قازاق جۋرناليستەرىنىڭ فورۋمى كەزەكتى رەت كەيىنگە شەگەرىلدى. بىراق، قۇرمەتتى وقىرمان، ابزال ارىپتەستەر قاۋىمى، مينيسترلىكتىڭ بىزگە جاساپ وتىرعان ۇسىنىسىن بەك تۇسىنىستىكپەن قابىل كورەلىك. تەگىندە، قانداي ءىستى بولماسىن رەسمي ورىندارمەن كەڭ وتىرىپ كەڭەسىپ الىپ باستاعاننان كەمدىك كورمەسپىز، ءسىرا. سوندىقتان قازاق جۋرناليستەرىنىڭ باس قوسىپ، كاسىبي ماسەلەلەردى ورتاعا سالىپ وي قورىتپاق بولعان تالابىنا مينيسترلىكتىڭ ءمان بەرىپ، سول ءبىر اتاۋلى جيىندى بىرگە وتكىزسەك دەپ ءوتىنىش بىلدىرگەنىن ءبىز قالايدا قۇپ الدىق.
«ەشتەن كەش جاقسى». تامىز ايىنىڭ اۋىلى بىزدەن الىس شالعايعا كوشىپ كەتە قويماس.
ونىڭ ۇستىنە قۇزىرلى مەكەمەنىڭ قىزمەتىن جاڭا قولعا الىپ جاتقان، جاڭا ۇلگىدە باستاماق نيەتتەگى ازاماتتار ايتقان سوزدەرىنەن اينىمايدى دەگەن سەنىمدەمىز.
مامىر ايىنىڭ 17-18 كۇندەرىندە الماتى قالاسىندا قازاق جۋرناليستەرىنىڭ I حالىقارالىق فورۋمىن وتكىزۋدى جوسپارلاعان ۇيىمداستىرۋشىلار القاسىنا بايلانىس جانە اقپارات مينيسترلىگىنىڭ ۆيتسە-ءمينيسترى نۇراي ورازوۆتان شۇعىل حات كەلدى (حاتتى تومەندە ءتۇپ نۇسقاسىمەن بەرىپ وتىرمىز).
... سونىمەن، قازاق جۋرناليستەرىنىڭ فورۋمى كەزەكتى رەت كەيىنگە شەگەرىلدى. بىراق، قۇرمەتتى وقىرمان، ابزال ارىپتەستەر قاۋىمى، مينيسترلىكتىڭ بىزگە جاساپ وتىرعان ۇسىنىسىن بەك تۇسىنىستىكپەن قابىل كورەلىك. تەگىندە، قانداي ءىستى بولماسىن رەسمي ورىندارمەن كەڭ وتىرىپ كەڭەسىپ الىپ باستاعاننان كەمدىك كورمەسپىز، ءسىرا. سوندىقتان قازاق جۋرناليستەرىنىڭ باس قوسىپ، كاسىبي ماسەلەلەردى ورتاعا سالىپ وي قورىتپاق بولعان تالابىنا مينيسترلىكتىڭ ءمان بەرىپ، سول ءبىر اتاۋلى جيىندى بىرگە وتكىزسەك دەپ ءوتىنىش بىلدىرگەنىن ءبىز قالايدا قۇپ الدىق.
«ەشتەن كەش جاقسى». تامىز ايىنىڭ اۋىلى بىزدەن الىس شالعايعا كوشىپ كەتە قويماس.
ونىڭ ۇستىنە قۇزىرلى مەكەمەنىڭ قىزمەتىن جاڭا قولعا الىپ جاتقان، جاڭا ۇلگىدە باستاماق نيەتتەگى ازاماتتار ايتقان سوزدەرىنەن اينىمايدى دەگەن سەنىمدەمىز.
الايدا ءبىز وعان دەيىن تەككە قاراپ وتىرمايمىز. 18 مامىردا الماتى جۋرناليستەرى ءوزارا جۇزدەسىپ شاعىن كەڭەس وتكىزبەكپىز. ال، فورۋمعا قاتىسۋعا تىلەك ءبىلدىرىپ، انكەتاداعى سۇراقتارعا جاۋاپ بەرگەن ارىپتەستەرىمىزگە كوپ راحمەت. سىزدەرمەن اراداعى كەلىسىمدەرىمىز ءوز كۇشىندە قالادى جانە فورۋمعا قاتىسۋعا تىلەك بىلدىرۋشىلەردى تىركەۋ جۇمىسى جالعاسا بەرەدى. فورۋمدا بايانداما جاساۋعا ريزاشىلىعىن بىلدىرگەن عالىمدار مەن بەلگىلى جۋرناليستەرگە، شەتەلدەن ارنايى ات باسىن بۇرىپ كەلۋگە ىقىلاس تانىتقان باۋىرلارىمىزعا ۇيىمداستىرۋ القاسىنىڭ تۇراقتى شتابى، بايلانىس تەلەفوندارى جەكە حابارلاناتىن بولادى.
قۇرمەتپەن، قازاق جۋرناليستەرىنىڭ I حالىقارالىق فورۋمىن ۇيىمداستىرۋ القاسى
