"ۆكونتاكتە" جەلىسىنىڭ نەگىزىن قۇرۋشى پاۆەل دۋروۆ جوبا جانە UCP قورى بويىنشا بۇرىنعى سەرىكتەستەرىن اقش-تا سوتقا بەردى. دۋروۆ ولاردى Telegram مەسسەندجەرىندەگى ۇلەسىنە قاتىستى الاياقتىق جانە بوپسالاۋشىلىق ارەكەت جاسادى دەپ ايىپتاعان. بۇل تۋرالى Tengrinews.kz جازدى.

شاعىم-ارىز نيۋ-يورك شتاتىنىڭ وڭتۇستىك سوت ءىسى بويىنشا اقش وكرۋگتىك سوتىنا 30 ساۋىردە تۇسكەن. "دۋروۆ جاۋاپكەرلەردىڭ الدىن الا ءسوز بايلاسىپ، ونىڭ Digital Fortress, Telegram جانە Pictograph كومپانيالارىن، سونداي-اق سول ارقىلى Telegramداعى ۇلەسىن زاڭسىز ۇرلاماق بولعانىن دالەلدەمەك. "ۆكونتاكتە" جەلىسىنىڭ نەگىزىن قۇرۋشى سوتتان شىعىنداردى ءوندىرىپ بەرۋدى، ونىڭ Telegramداعى بارلىق اكتيۆتەرىن زاڭدى دەپ تانۋدى سۇراپ وتىر.

شاعىمعا قاراعاندا، 2011 جىلى "ۆكونتاكتە" جەلىسىنىڭ نەگىزىن قالاۋشى فەدەرالدىق قاۋىپسىزدىك قىزمەت وقي المايتىن Telegram مەسسەندجەرىن قۇرۋدى جوسپارلاعان. دۋروۆ ءوز ويىن جاريا ەتپەۋدى ۇيعارعان. مەسسەندجەرمەن جۇمىس ىستەۋدى ول اكسەل نەفف جانە يليا پەرەكوپسكيگە تاپسىرعان. 2012-2013 جىلدارى ۆكونتاكتە جەلىسىنىڭ نەگىزىن قالاۋشى دۋروۆ، اكسەل نەفف پەن يليا پەرەكوپسكيدىڭ ەسەپشوتىنا 4,8 ميلليون دوللار اۋدارعان. 2014 جىلى تاۋار بەلگىسى، سەرۆەرلەر جانە كەلىسىمشارتتار UCP-كە وتكەن. 2014 جىلدىڭ قاڭتار ايىنىڭ باسىندا "ۆكونتاكتە" جەلىسىنىڭ نەگىزىن قالاۋشى نەفف، پەرەكوپسكي جانە UCP بويىنشا وزگە دە سەرىكتەستەرى "حالىقارالىق بوپسالاۋ ۇلگىسىن" پايدالانىپ، دۋروۆتان مەسسەندجەردى تارتىپ الۋعا ءوزارا ءسوز بايلاسقان كورىنەدى.

ەستەرىڭىزگە سالا كەتەتىن بولساق، رەسەي فەدەرالدى بارلاۋ قىزمەتى ۋكرايناداعى ساياسي جاعدايعا بايلانىستى «مايدانگەرلەر» تۋرالى اقپاراتتى بەرمەدىڭ دەپ دۋروۆقا قىسىم جاساعان ەدى. دۋروۆ ءوزىنىڭ «ۆكونتاكتە» جوباسىن بيلىك تاراپىنا «بەرۋگە» ءماجبۇر بولىپ، رەسەيدەن كەتكەن بولاتىن.

اباي-اقپارات