2014 جىلدىڭ 28 مامىرى «سامۇرىق-قازىنا» اق باسشىلىعى، مەملەكەت باسشىسىنىڭ تاپسىرمالارىن ورىنداۋ اياسىندا، جۇزەگە اسىرىلىپ جاتقان جوبالار بويىنشا سەرىكتەس تاراپتارمەن كەزدەسۋ وتكىزدى.

انىعىراق توقتالساق، استانا قالاسىندا «جاسىل ورام» قۇرىلىسى مەن ششۋچينسك-بۋراباي كۋرورتتىق ايماعىندا گولف كلۋبىن سالۋ جوبالارى جايلى اڭگىمە بولدى.

اتالعان شارا قورىتىندىسى بويىنشا قوردىڭ باسقارما توراعاسى ومىرزاق شوكەەۆ ءتيىستى جوبالاردىڭ دەر كەزىندە جانە ساپالى اتقارىلۋىن قامتاماسىز ەتۋدى تاپسىردى.

«بۇل جوبالار قۇرىلىستىڭ ەڭ ءبىر جوعارى ستانداتتارى بويىنشا جۇزەگە اسىرىلۋدا جانە كوممەرتسيالىق كوزقاراس تۇرعىسىنان وتە تارتىمدى بولىپ تابىلادى. ولاردىڭ ۋاقتىلى جانە ساپالى ورىندالۋى قوردىڭ ەرەكشە باقىلاۋىندا تۇرادى»، - دەپ اتاپ ءوتتى ءو.شوكەەۆ.

بارشاڭىزعا بەلگىلى، استانا قالاسىندا «جاسىل ورام» جوباسىن ازىرلەۋ تۋرالى تاپسىرما «سامۇرىق-قازىنا» اق مەن استانا قالاسىنىڭ اكىمدىگىنە ەلباسى قاتىسقان 2013 جىلعى 23 قاڭتارداعى كەڭەستە بەرىلگەن ەدى.

«جاسىل ورام» جوباسىن «سك دەۆەلوپمەنت» جشس («سامۇرىق-قازىنا» جىلجىمايتىن مۇلىك قورى» اق ەنشىلەس ۇيىمى) جانە BI Group حولدينگى جۇزەگە اسىرۋدا. قارجىلاندىرۋ ۇلتتىق قوردىڭ قايتا ينۆەستيتسيالاۋ بويىنشا داعدارىسقا قارسى قاراجاتى ەسەبىنەن 44 ملرد تەڭگە مولشەرىندە جۇرگىزىلۋدە.

جوبانىڭ تۇجىرىمداماسىن، بۇنىمەن قوسا نوبايلىق جوبانى دايىنداۋمەن اينالىسىپ جاتقان، AEDAS بريتاندىق كومپانياسى ازىرلەگەن. ازىرلەۋدىڭ اقتىق سىنىنداعى نوبايلىق جوبا جاقىن ارادا بەكىتىلمەك.

جوبانى جۇزەگە اسىرۋ الاڭى رەتىندە «حان شاتىرى» سوسو ماڭىنداعى 20,5 گا جەر تەلىمى بەلگىلەنگەن. جوبا اياسىندا بولجامدى جالپى اۋماعى 200 مىڭ شارشى مەتر بولاتىن تۇرعىن ءۇي جانە اكىمشىلىك عيماراتتار قۇرىلىسى، ساياباق ايماقتارى، ساۋدا-كوڭىل كوتەرۋ جانە الەۋمەتتىك-مادەني نىساندار جوسپارلانۋدا.

جوبا جاسىل قۇرىلىس بويىنشا امەريكاندىق كەڭەستىڭ (USGBC) LEED ستاندارتى بويىنشا سەرتيفيكاتسيادان وتەدى دەپ كۇتىلۋدە. سەرتيفيكاتسيالاۋ جەكەلەگەن جوبانىڭ ديزاينىنان پايدالانىمىنا دەيىن جۇمىستاردىڭ تولىق كولەمىن قامتىماق. سەرتيفيكاتسيا سىناعىنىڭ جۇيەسى نىسانداردى جوبالاۋ مەن سالۋ كەزىندە ورىندالۋى ءتيىس تالاپتاردان تۇراتىن بىرقاتار ساناتتاردان تۇزىلۋدە. مۇنداي تالاپتارعا قۇرىلىستىڭ ەكولوگيالىق ورنىقتى اۋدانداردا جۇرگىزىلۋى، ءتيىمدى سۋ جۇيەلەرىنىڭ قولدانىلۋى، عيماراتتاعى قۋات شىعىندارىنىڭ وڭتايلانۋى، قۇرىلىس كەزىندە اۋا ساپاسىن باقىلاۋ، زياندى قوسپالارى از زاتتاردى پايدالانۋ، اۋاعا حيميالىق جانە زياندى زاتتاردىڭ تارالۋىن باقىلاۋدى ورناتۋ، تابيعي جارىقتاندىرۋدىڭ كادەگە جاراۋىن كوبەيتۋ جانە ت.ب. كىرەدى. وسى ورايدا «جاسىل ورام» جوباسىنىڭ ءبىر عيماراتى Platinum ەڭ جوعارى دەڭگەيىن الۋعا جانە ەكى عيمارات Gold دەڭگەيىن ەنشىلەۋگە ۇسىنىلماق.

جوبانى تابىستى ىسكە اسىرۋ ءۇشىن قۇرىلىستىق كونسالتينگ بويىنشا Turner International (اقش) حالىقارالىق كومپانياسى جانە دە «جاسىل» تەحنولوگيالار بويىنشا كەڭەسشى «بيۋرو تەحنيكي - پروەكت» جاق (سانكت-پەتەرگبۋرگ ق.) جۇمىلدىرىلعان. «بيۋرو تەحنيكي - پروەكت» جاق Transwestern Commercial Services Wisconsin (اقش) تاراپىمەن بىرلەسە وتىرىپ، LEED ستاندارتتارىنا سايكەس، ينجەنەرلىك جۇيەلەردىڭ جوبالىق قۇجاتتارىن ازىرلەۋمەن بىرگە، ينجەنەرلىك باقىلاۋ جۇرگىزبەك. سونداي-اق، LEED حالىقارالىق ستاندارتتارى بويىنشا نىسانداردى سەرتيفيكاتسيالاماق.

بۇگىنگى تاڭدا قاجەتتى اۋماق قورشالعان، جەردى دايىنداۋ جۇمىستارى باستاۋ العان.

ششۋچينسك قالاسىندا گولف-كلۋب سالۋ جوباسى قازاقستان رەسپۋبليكاسى پرەزيدەنتىنىڭ 2006 جىلدىڭ 28 جەلتوقسانىنداعى №230 «قازاقستان رەسپۋبليكاسىنىڭ 2007-2011 جىلدارعا ارنالعان دەنە شىنىقتىرۋ مادەنيەتى مەن سپورتتى دامىتۋ مەملەكەتتىك باعدارلاماسىن بەكىتۋ تۋرالى» قاۋلىسىن ورىنداۋ اياسىندا جۇزەگە اسىرىلۋدا.

قازاقستان رەسپۋبليكاسى پرەزيدەنتىنىڭ 2013 جىلدىڭ 1 تامىزىنداعى №607 قاۋلىسى ارقىلى ششۋچينسك-بۋراباي كۋرورتتىق ايماعى اۋماعىندا گولف-كلۋب سالۋ جوباسى قازاقستان رەسپۋبليكاسىسىنىڭ 2010-2014 جىلدارعا ارنالعان ۇدەمەلى يندۋستريالدىق-يننوۆاتسيالىق دامۋ مەملەكەتتىك باعدارلاماسىنا ەنگىزىلگەن.

الدىن الا تالداۋلار بويىنشا قۇنى 19,6 ملرد تەڭگە بولىپ باعالانعان جوبانى جۇزەگە اسىرۋدى «قازمۇنايگاز» كومپانيالار توبىنا كىرەتىن «قازمۇنايگاز-سەرۆيس NS» كومپانياسى نازارىندا ۇستاۋدا.

گولف كلۋبى «چەمپيونات» سىنىبىنداعى 18 شۇڭقىرشالىق گولف الاڭى ورنالاسۋى جوسپارلانعان 103,04 گا اۋماقتا دۇنيەگە كەلمەك. سونىمەن بىرگە، گولف-كلۋب اۋماعىندا قوناق ءۇي كەشەنى، جابىق تەننيس زالى، اباتتاندىرىلعان جاعاجاي، سۋ كولىگى تۇراتىن پيرس، سۋ ساياباعى جانە وزگە دە نىساندار بوي كوتەرمەك.

بۇگىنگى تاڭدا قاجەتتى اۋماق قورشالعان، دايىندىق جۇمىستارى باستاۋ العان.

جوبانىڭ نەگىزگى باسەكەگە قابىلەتتى ارتىقشىلىقتارىنا ەكسكليۋزيۆتىگىن، بۋراباي كۋرورتتىق ايماعىنداعى جەر تەلىمىنىڭ ءتيىمدى ورنالاسۋىن جانە دە قۇرىلىس كەزىندە جاساندى زاتتاردى از قولدانۋعا مۇمكىندىك بەرەتىن تابيعات بايلىعىن جاتقىزۋعا بولادى.

جوبانىڭ باستى ماقساتى ششۋچينسك-بۋراباي ايماعىنا تۋريستەر اعىمىن كوپتەپ تارتۋ بولىپ تابىلادى. سونىمەن قاتار، گولف كلۋبى جۇمىسى باستالعان سوڭ، ءبىراز قوسىمشا جۇمىس ورىندارى اشىلادى دەپ كۇتىلۋدە.