قازاقستان حالقىنىڭ 95,6 پايىزى ينتەگراتسيا قازاقستان ءۇشىن ومىرلىك ماڭىزدى ستراتەگيالىق باعدار دەپ سانايدى. بۇگىن ورتالىق كوممۋنيكاتسيالار قىزمەتىندە وتكەن بريفينگتە ەۋرازيالىق ينتەگراتسيا ينستيتۋتىنىڭ ديرەكتورى جانارگۇل قۇسمانعاليەۆا وسىلاي دەپ مالىمدەگەن. بۇل تۋرالى Baq.kz جازدى.

جانارگۇل قۇسمانعاليەۆا: «حالىق اراسىندا دا، ماماندار قاۋىمداستىعىندا دا ەۋرازيالىق ينتەگراتسيا الەۋەتىنە وڭ كوزقاراس باسىم ەكەنىن ايتقان ءجون. ءبىزدىڭ جۇرگىزگەن زەرتتەۋلەر مەن ساۋالنامالار بويىنشا، ساۋالناماعا قاتىسقان قازاقستاندىقتاردىڭ 77 پايىزى، ياعني باسىم بولىگى جانە ساراپشىلاردىڭ 84 پايىزى ەەو اياسىندا ينتەگراتسيالىق ۇدەرىستى ارى قاراي دامىتۋ كەرەك دەپ سانايدى. قازاقستاندىق قوعام ينتەگراتسيالىق ۇدەرىستى سىندارلى كوزقاراس تۇرعىسىنان قابىلداپ جاتىر. ەڭ الدىمەن ءبىزدىڭ حالىق قازاقستاننىڭ ەەو-عا كىرۋدەگى ەكونوميكالىق پايداسىن كورىپ وتىر»، - دەپ ءسوزىن تولىقتىرعان.

ونىڭ ايتۋىنشا، ەل تۇرعىندارى ينتەگراتسيانىڭ پايداسى رەتىندە ارىپتەس ەلدەر نارىعىندا قازاقستاندىق بيزنەستىڭ قول جەتىمدىلىگى مەن ەلىمىزدىڭ الەمدىك ەكونوميكالىق جۇيەگە كىرۋگە جاعداي جاسالۋى دەپ تۇسىنەدى. 

اباي-اقپارات