ۇلى جەڭىستىڭ 65 جىلدىق مەرەيتويى جەر جەردە كەڭ اۋقىمدا اتالىپ ءوتىپ جاتىر. وسكەلەڭ ۇرپاقتى ۇلتجاندىلىققا، وتانىن سۇيۋگە تاربيەلەپ، ۇلى جەڭىستىڭ وڭايلىقپەن كەلمەگەنىن، ونىڭ ولشەۋسىز ەكەندىگىن دارىپتەۋدە مەكتەپ ۇستازدارىنىڭ قوسىپ جاتقان ۇلەستەرى ۇشان تەڭىز-اق. 9-مامىر جەڭىس كۇنىنە وراي ەلىمىزدەگى بارلىق وقۋ ورىندارىندا، سونىڭ ىشىندە مەكتەپتەردە  دە ءتۇرلى شارالار جۇزەگە اسۋدا. جەڭىستىڭ 65-جىلدىق اتاۋلى مەرەكەسىنە الماتىداعى مەدەۋ اۋدانىنىڭ 32-وكرۋگىندە  ورنالاسقان №98 جالپى ءبىلىم بەرەتىن مەكتەپ ۇجىمى دا اسقان ىجداھاتتىلىقپەن دايىندالىپ، سوعىس جانە تىل ارداگەرلەرىنە ەرەكشە قۇرمەت كورسەتتى.

اتالعان مەكتەپ ديرەكتورى بۇلبۇل راسبەكقىزى: «ۇلى جەڭىستىڭ بىزگە وڭايلىقپەن كەلمەگەنى انىق. ەلىن، جەرىن جاۋدان قورعاۋ ءۇشىن قانشاما باتىرلارىمىز شەيىت بولدى. وسى ورايدا ءبىزدىڭ مىندەتىمىز سول باتىر ەرلەرىمىز بەن باتىر قىزدارىمىزدىڭ ەرلىكتەرىن، ورلىكتەرىن جاستارعا ۇلگى ەتە وتىرىپ، وتانسۇيگىشتىككە تاربيەلەۋ. وعان قوسا، كوزى ءتىرى ارداگەرلەرىمىزگە قۇرمەت كورسەتىپ، قولىمىزدان كەلگەن كومەك كورسەتۋ دە باستى مىندەتىمىز دەپ بىلەمىن» دەيدى.

ۇلى جەڭىستىڭ 65 جىلدىق مەرەيتويى جەر جەردە كەڭ اۋقىمدا اتالىپ ءوتىپ جاتىر. وسكەلەڭ ۇرپاقتى ۇلتجاندىلىققا، وتانىن سۇيۋگە تاربيەلەپ، ۇلى جەڭىستىڭ وڭايلىقپەن كەلمەگەنىن، ونىڭ ولشەۋسىز ەكەندىگىن دارىپتەۋدە مەكتەپ ۇستازدارىنىڭ قوسىپ جاتقان ۇلەستەرى ۇشان تەڭىز-اق. 9-مامىر جەڭىس كۇنىنە وراي ەلىمىزدەگى بارلىق وقۋ ورىندارىندا، سونىڭ ىشىندە مەكتەپتەردە  دە ءتۇرلى شارالار جۇزەگە اسۋدا. جەڭىستىڭ 65-جىلدىق اتاۋلى مەرەكەسىنە الماتىداعى مەدەۋ اۋدانىنىڭ 32-وكرۋگىندە  ورنالاسقان №98 جالپى ءبىلىم بەرەتىن مەكتەپ ۇجىمى دا اسقان ىجداھاتتىلىقپەن دايىندالىپ، سوعىس جانە تىل ارداگەرلەرىنە ەرەكشە قۇرمەت كورسەتتى.

اتالعان مەكتەپ ديرەكتورى بۇلبۇل راسبەكقىزى: «ۇلى جەڭىستىڭ بىزگە وڭايلىقپەن كەلمەگەنى انىق. ەلىن، جەرىن جاۋدان قورعاۋ ءۇشىن قانشاما باتىرلارىمىز شەيىت بولدى. وسى ورايدا ءبىزدىڭ مىندەتىمىز سول باتىر ەرلەرىمىز بەن باتىر قىزدارىمىزدىڭ ەرلىكتەرىن، ورلىكتەرىن جاستارعا ۇلگى ەتە وتىرىپ، وتانسۇيگىشتىككە تاربيەلەۋ. وعان قوسا، كوزى ءتىرى ارداگەرلەرىمىزگە قۇرمەت كورسەتىپ، قولىمىزدان كەلگەن كومەك كورسەتۋ دە باستى مىندەتىمىز دەپ بىلەمىن» دەيدى.

9-مامىر جەڭىس مەرەكەسىنە مەكتەپ ۇجىمى ءبىر كىسىدەي اتسالىسىپتى. مەكتەپ قابىرعاسىنداعى «ازامات» جاسوسپىرىمدەر ۇيىمىنان قۇرالعان «ىزدەۋ» قۇراما توبى ەكى اي بويى 32-وكرۋگتە تۇراتىن ارداگەرلەردى ارالاپ، اڭگىمەلەرىن تىڭداپ، قال جاعدايلارىن ءبىلىپتى. سونىڭ ناتيجەسىندە مەكتەپ ۇجىمى ۇلى جەڭىستىڭ 65 جىلدىق تورقالى تويىنا ارناپ «جەڭىس تۋىن جەلبىرەتكەندەر» اتتى ەستەلىك كىتاپ شىعارعان. بۇلبۇل راسبەكقىزىنىڭ ايتۋىنا قاراعاندا، 32 وكرۋگ اۋماعىندا 40-قا تارتا ارداگەر تۇرادى ەكەن. جەڭىس مەرەكەسى قارساڭىندا سول ارداگەرلەرگە ارناپ مەكتەپ ۇجىمى ۇلكەن كونتسەرت ۇيىمداستىردى. وعان قوسا، رايىمبەك اۋدانىنىڭ قۇرمەتى ازاماتى، كاسىپكەر تىلەك باۋدىنۇلىنىڭ دەمەۋشىلىگىمەن مەكتەپتە «داڭق بۇرىشى» اشىلىپتى. «وتان ءۇشىن قان مايداندا جانىن بەرگەن، قولدارىنا قارۋ الىپ، قاس جاۋىنا تويتارىس كورسەتكەن جانە سۇراپىل سوعىس كەزىندە ەلدىڭ جوعىن جوقتاپ، ەگىن القابىندا ەڭبەك ەتكەن، ءوز ەلىن قىزعىشتاي قورىعان باتىر بابالاردىڭ ەرلىگىن دارىپتەۋ - ءبىزدىڭ، قوعامنىڭ بورىشى»،- دەيدى مەكتەپ باسشىلارى. نايزانىڭ ۇشىمەن، بىلەكتىڭ كۇشىمەن كەلگەن ۇلى جەڭىس كىم كىم ءۇشىن دە اسا قىمبات ەكەنى راس. ەندەشە سول جەڭىستىڭ قادىرىن ءبىلىپ، ەلدىڭ ەرتەڭى ءۇشىن سۇم سوعىستا جانىن قيعان باتىرلارىمىزدى  جادىمىزدا ۇستاپ، كورسەتكەن ەرلىكتەرىن وسكەلەڭ ۇرپاقتىڭ ساناسىنا سىڭدىرە بىلەيىك.

«اباي-اقپارات»