«سوت كابينەتى» قول جەتىمدى قىزمەت تۇرىنە قوسىلدى
حالىققا قىزمەت كورسەتۋ ورتالىعىنا تاعى ءبىر قىزمەت ءتۇرى بەرىلگەنىن بىلەسىز بە؟ ءوز ءىسىن دالەلدەگەن، سىبايلاستىقتى جويۋ باعىتىندا اشىلعان حالىققا قىزمەت كورسەتۋ ورتالىقتارىنىڭ قىزمەتى كۇن ساناپ ارتۋدا. حالىق سەنىمىنە يە بولعان بۇل ورتالىقتىڭ باستى پرينتسيپتەرىنىڭ ءبىرى - اشىقتىق.
بيىلعى جىلدان باستاپ حالىققا قىزمەت كورسەتۋ ورتالىقتارىندا حالىققا قولجەتىمدى بولۋ ماقساتىندا «سوت كابينەتى» اقپاراتتىق جۇيەسىن قولدانۋ ءۇشىن ارنايى ورىندار جاساقتالۋدا. ياعني، ازاماتتار ورتالىققا كەلىپ «وزىنە – ءوزى قىزمەت كورسەتۋ» سەكتورى ارقىلى سوتقا ەلەكتروندىق تۇردە ءوتىنىش، تالاپ-ارىزداردى جولداي الادى.
سوت كابينەتى – بۇل قر سوت ورگاندارىنىڭ سەرۆيستەرى مەن قىزمەتتەرىنە ەلەكتروندىق تۇردە رۇقسات الۋدىڭ بىرىڭعاي تەرەزەسى بولىپ تابىلادى. ال، سوت كابينەتىنىڭ پايدالانۋشىسى - وسى كەلىسىمنىڭ شارتتارىن قابىلداعان، سوت كابينەتىندە تىركەلگەن، وتىنىشتەردى جىبەرۋ جانە قازاقستان رەسپۋبليكاسىنىڭ قولدانىستاعى زاڭناماسىنىڭ شەڭبەرىندە سوت ىستەرى مەن ماتەريالدارى بويىنشا اقپارات الۋ ءۇشىن سوت كابينەتىنىڭ قىزمەتتەرىن پايدالاناتىن كەز-كەلگەن جەكە نەمەسە زاڭدى تۇلعا بولىپ سانالادى.
قالاي تالاپ ارىز بەرۋگە بولادى؟
قىزمەتتى ونلاين الۋ ءۇشىن، الدىمەن پورتالدا اۆتورلانۋ جانە «قىزمەتتى ونلاين الۋ» باتىرماسى بويىنشا ءوتۋ كەرەك. ەتسق بولۋ مىندەتتى.
وتىنىمگە كەلەسى قۇجاتتاردى تىركەيسىز:
- تالاپ ارىز (*.doc فورماتىندا);
- وكىلدىڭ ۋاكىلەتتىلىگىن كۋالاندىراتىن سەنىمحات نەمەسە وزگە قۇجات;
- تالاپكەر ءوزىنىڭ تالاپتارىن نەگىزدەيتىن جاعدايلارلى راستايتىن قۇجاتتار، وسى قۇجاتتاردىڭ كوشىرمەلەرى جاۋاپكەر جانە ءۇشىنشى تاراپتار ءۇشىن، ەگەر ول جوق بولسا;
- ونى داۋلاۋ كەزىندە نورماتيۆتىك قۇقىقتىق اكتىنىڭ ءماتىنى;
- كەيىنگە قالدىرۋ، ۇزارتۋ، سوت شىعىندارىن تولەۋدەن بوساتۋ نەمەسە مولشەرلەرىن ازايتۋ، تالاپتى قامتاماسىز ەتۋ، دالەلدەردى جانە باسقالارىن ەگەر تالاپ وتىنىشتە كورسەتىلمەسە قامتاماسىز ەتۋ تۋرالى سۇرانىس حات.
تالاپكەر تۋرالى نىساندى جانە جەكە نەمەسە زاڭدى تۇلعا بولىپ تابىلاتىن - جاۋاپكەر تۋرالى مالىمەتتەردى تولتىرۋ (جەكە جانە زاڭدى تۇلعالار ءۇشىن). ەلەكتروندى تالاپ ارىز نىسانى ءبىر نەمەسە بىرنەشە تالاپكەر جانە جاۋاپكەر نىسانى ءبىر نەمەسە بىرنەشە جاۋاپكەردىڭ مالىمەتتەرىن ەنگىزۋگە مۇمكىندىك بەرەدى (جەكە زاڭدى تۇلعالار).
سونداي-اق، زاڭدى تۇلعالار تالاپ ارىز بەرگەندە جەكە تۇلعانىڭ ەسەپ جازباسىن قولدانۋ قاجەت (جسن ارقىلى), ودان كەيىن تالاپكەر جاۋاپكەر تۋرالى مالىمەتتەرى جولدارىن تۋرالىتولتىرادى، بۇدان كەيىن تالاپكەر تۋرالى مالىمەتتەر جولىنا تالاپكەر رەتىندە شىعاتىن ادامنىڭ مالىمەتتەرىن تولتىرۋ كەرەك.
جانە دە، ونلاين ءوتىنىش بەرۋ كەزىندە وبلىستىڭ اتاۋى، سوتتىڭ اتاۋى، ەلەكتروندىق ءوتىنىش ءنومىرى بويىنشا پروتسەسكە مونيتورينگ جاساۋ مۇمكىندىگى پايدا بولادى. بۇل ءۇشىن سوت ىستەرى بويىنشا انىقتامالىقپەن پايدالانۋ قاجەت.
سك قولداۋ قىزمەتىنە ءوتىنىشتى جىبەرگەن سوڭ پايدالانۋشىعا ءبىر ساعات ىشىندە ونىڭ ءوتىنىشى قابىلدانعاندىعى تۋرالى حابارلاما جىبەرىلەدى، بۇل رەتتە:
- پايدالاۋشىنىڭ ءبىرىنشى وتىنىشىنە جاۋاپ بەرۋ ۋاقىتى ءوتىنىش تىركەلگەن ۋاقىتتان باستاپ ءۇش جۇمىس ساعاتىنان كەش ەمەس;
- «قوسىمشا اقپارات بەرۋگە سۇرانىمعا» جاۋاپ الىنعان سوڭ جاۋاپ بەرۋ ۋاقىتى سۇرانىمعا جاۋاپ الىنعان مەزەتتەن باستاپ 2 جۇمىس كۇنىنەن كەش ەمەس;
- ەگەر جۇمىس ۋاقىتىنىڭ 72 ساعاتى ىشىندە سك تەحنيكالىق قولداۋ قىزمەتى «قوسىمشا اقپارات بەرۋگە سۇرانىمعا» جاۋاپ الماسا، وندا ءوتىنىشتى قاراۋ توقتاتىلادى.
سوت كابينەتىنىڭ اكىمشىسى – سوت كابينەتىندە ەسەپتىك جازبالاردى جاساۋ جانە جويۋعا، سوت كابينەتىنە رۇقسات الۋ ءۇشىن قۇزىرەتتىلىكتەردىڭ وزگەرۋىنە جاۋاپتى جانە سوت كابينەتىندە اقپاراتتى ورنالاستىرۋعا جانە الماسۋعا قۇزىرەتتى قازاقستان رەسپۋبليكاسىنىڭ جوعارعى سوتى.
قوسىمشا اقپاراتتار قاجەت بولعان جاعدايدا قر جس call-ورتالىعى 1401 نومىرىنە قوڭىراۋ شالۋعا بولادى.
اباي-اقپارات.
