بەلارۋستار تۇڭعىش رەت جىلدىڭ باسىن رف پرەزيدەنتى ءپۋتيننىڭ قۇتتىقتاۋىمەن ەمەس وزدەرىنىڭ پرەزيدەنتى الەكساندر لۋكاشەنكونىڭ قۇتتىقتاۋ حابارىن كورىپ قارسى الدى. بۇل تۋرالى http://turkhaber.com.ua/ سايتى جازدى. مەملەكەت تاريحىندا تۇڭعىش رەت بەلارۋس رەسپۋبليكاسى تەلەارنالارىنىڭ ەشبىرى كورشى ەل پرەزيدەنتىنىڭ قۇتتىقتاۋ حاتىن ەفيرگە جىبەرمەگەن. 

وسى ەلدەگى رتر-بەلارۋس ارناسى رەسەي پرەزيدەنتىنىڭ قۇتتىقتاۋ حاتىن ەفيرگە جىبەرۋدى جوسپارلاعان. الايدا، ارنا رەجيسسورى الەكساندر لۋكاشەنكونىڭ قۇتتىقتاۋ ءسوزىن ەفيردەن كورسەتكەن. nn.by سايتىنىڭ جازۋىنشا، جاڭا جىل مەرەكەسى قارساڭىندا بەلارۋستار  وزگە ەلدىڭ پرەزيدەنتى قۇتتىقتاۋ ءسوزىن الدىمەن، سوسىن بەلارۋس باسشىسىنىڭ قۇتتىقتاۋ ءسوزىن ەستيتىن ءداستۇر 20 جىلدان بەرى جالعاسىپ كەلەدى ەكەن. 

بەلارۋسسيانىڭ ءبىراز وتباسى بۇعان دەيىنگى جىلداردا وزدەرىنەن ءبىر ساعات بۇرىن، 23:00-دە جاڭا جىلدى قارسى الاتىن ماسكەۋ ۋاقىتى بويىنشا جاڭا جىل مەرەكەسىن تويلاپ كەلگەن. موسكۆانىڭ قىستىق ۋاقىتقا اۋىسۋىنا وراي ەندى مينسك پەن ماسكەۋ اراسىندا ۋاقىت ايىرماشىلىعى جوق(2011 جىلى مەدۆەدوۆ پرەزيدەنت بولىپ تۇرعان كەزدە رەسەيدە قىستىق ۋاقىتقا كوشۋ جويىلعان، بىلتىر قازاننىڭ 26-سى جاڭا قۇجاتقا ساي ماسكەۋ قىستىق ۋاقىتقا اۋىستى.). وسىعان بايلانىستى بەلارۋس ارنالارى قايسى ەلدىڭ پرەزيدەنتىن سويلەتۋدى بىلمەي ءبىراز ابىگەرلەنگەن. 

نۇرعالي نۇرتاي

Abai.kz