قازاقستان رەسپۋبليكاسى پرەزيدەنتىنىڭ ۇلى وتان سوعىسى ارداگەرلەرىن قولداۋ بويىنشا جالپى ۇلتتىق اكتسياسى اياسىندا استانا قالاسىنىڭ اكىمى ەلباسىنىڭ اتىنان ۇوس ارداگەرلەرىن كەلە جاتقان جاڭا جىلمەن جانە جەڭىستىڭ 70 جىلدىعىمەن قۇتتىقتادى.
ادىلبەك جاقسىبەكوۆ ۇلى وتان سوعىسىنىڭ ارداگەرلەرى رايسا سافونيچەۆاعا، تەزەكپاي ابدىراحمانوۆقا جانە ۆلاديمير كالسينگە زور دەنساۋلىق پەن بار جاقسىلىقتى تىلەپ، سىيلىقتار تابىس ەتتى. 

«سىزدەر سوعىس جانە سوعىستان كەيىنگى جىلدارى قاجىرلى ەڭبەكتەرىڭىزبەن بۇكىل حالىقتىڭ قۇرمەتىنە بولەنىپ، كەيىنگى ۇرپاققا ۇلگى بولدىڭىزدار. قازاقستاندىقتار مۇنى ماڭگى جادىندا ساقتايدى، ءاردايىم ارداگەرلەردى سىيلاپ، ولارعا قامقورلىق كورسەتەدى. سىزدەرگە زور دەنساۋلىق، سارقىلماس قۋات، ۇزاق جانە باقىتتى ءومىر، سىزدەرگە جانە جاقىندارىڭىزعا بارلىق جاقسىلىقتى تىلەيمىن»، - دەپ ەلوردا اكىمى پرەزيدەنت نۇرسۇلتان نازارباەۆتىڭ قۇتتىقتاۋىن ارداگەرلەرگە وقىدى.

اباي-اقپارات.

(ماقالا «قازاقپارات» حاا دەرەكتەرى نەگىزىندە ازىرلەندى).