بۇل تۋرالى تۇرىك كەڭەسىنىڭ باس حاتشىسى راميل گاسانوۆ ءمالىم ەتتى.

تۇرىك كەڭەسىنىڭ باس حاتشىسى راميل گاسانوۆ كەڭەسكە مۇشە ەلدەردىڭ بارلىعىندا وقىتىلاتىن ورتاق تاريح وقۋلىعىنىڭ جوباسىنىڭ ماقۇلدانعانىن ايتىپ، «مامىر ايىندا مينيسترلەر كىتاپتىڭ سوڭعى قالپىن بەكىتەدى. مەملەكەت باسشىلارى جانە ماجىلىستەردىڭ دە رۇقساتىنان كەيىن كىتاپ 2016 جىلى 8-شى سىنىپتاردا وقىلا باستايدى» دەدى.

تولىق اتاۋى تۇركىتىلدەس مەملەكەتتەردىڭ ىنتىماقتاستىق كەڭەسى بولىپ تابىلاتىن تۇرىك كەڭەسى 1992 جىلدان باستاپ جۇيەلى تۇردە ۇيىمداستىرىلعان تۇركىتىلدەس مەملەكەت باسشىلارىنىڭ سامميتتەرىنىڭ ءبىر جەمىسى رەتىندە 2009 جىلى ناحچىۆاندا قول قويىلعان كەلىسىم ارقىلى قۇرىلدى. قازاقستان، تۇركيا، ءازىربايجان جانە قىرعىزستاننان تۇراتىن كەڭەستىڭقۇرامىندا تۇرىكمەنستان دا بار.

تۇرىك كەڭەسىن قۇرۋ جايىنداعى ۇسىنىستى الدىمەن قازاقستان رەسپۋبليكاسىنىڭ  مەملەكەت باسشىسى نۇرسۇلتان نازارباەۆ جاساعانىن ايتقان گاسانوۆ سول كەزدەگى تۇركيا پرەزيدەنتى ابدۋللاح گۇل مەن پرەمەر-ءمينيسترى رەجەپ تايىپ ەردوعاننىڭ دا ۇسىنىسقا قولداۋ بەرگەنىن اتاپ كورسەتتى.

تۇرىك كەڭەسى  - اسكەري سالادان  تىس بارلىق سالادا ىنتىماقتاستىقتى كوزدەيتىن حالىقارالىق  ۇيىم. كەڭەس وزىنە مۇشە ءتورت ەلگە ەۋروپاداعى قاۋىپسىزدىك جانە ىنتىماقتاستىق ۇيىمى، يسلام ىنتىماقتاستىق ۇيىمى مەن بۇۇ سىندى اۋقىمدى حالىقارالىق ۇيىمداردا وكىلەتتىك جاسايدى.

كەڭەس بولاشاقتا ەۋروپا وداعىنا ۇقساس ءبىر ينتەگراتسياعا دا اشىق. الايدا بۇل گاسانوۆتىڭ ايتۋى بويىنشا كوپ جىلدار قاجەت ەتەتىن ۇدەرىس.

قاتە تۇسىنبەۋ كەرەك 

گاسانوۆ تۇرىك كەڭەسىن كەيبىر ازاماتتاردىڭ قوعامدىق ۇيىممەن شاتاستىراتىنىن ايتتى. ء«بىز قوعامدىق ۇيىم ەمەسپىز. مۇنى جاقسى ءتۇسىنۋ كەرەك. كەڭەستە قىزمەت اتقاراتىن 17 ديپلومات كەڭەسكە مۇشە 4 ەلدىڭ 10 مينيسترلىگى اراسىندا ۇيلەستىرۋشىلىك قىزمەت اتقارىپ وتىر. مەندە باس حاتشى رەتىندە مەملەكەت باسشىلارىنا ەسەپ بەرەمىن» دەدى ول.

 تۇرىك كەڭەسىنە بايلانىستى  اڭگىمەسىن گاسانوۆ بىلاي جالعاستىردى (سۋرەتتە): ء«بىز بارشاعا قۇرمەت كورسەتەمىز. قۇرمەت كۇتەمىز. تۇرىك كەڭەسىنىڭ ماقساتى ايماعىندا بەيبىتشىلىككە، تۇراقتىلىققا، ەكونوميكالىق مولشىلىققا، تولەرانتتىققا ، حالىقتاردىڭ جاقىنداسۋىنا ۇلەس قوسۋ. ءدىن، ءتىل، ءناسىل دەپ ايىرمايمىز. ادامدىق قۇندىلىقتارعا ءمان بەرەمىز. باۋىرلاس ءتورت ەلدىڭ بىرگە جۇمىس ىستەۋىنىڭ باسقا ەلدەرگە، ايماقتارعا زيانى ەمەس، پايداسى بار» 

ماجارستان دا مۇشە بولۋى مۇمكىن 

كەڭەسكە تولىق مۇشەلىك ءۇشىن نەگىزگى شارت مۇشە بولۋدى قالايتىن مەملەكەتتە رەسمي تىلدەردىڭ كەمىندە ءبىرى تۇرىكشە بولۋى كەرەك. گاسانوۆ «الايدا قوناق جانە باقىلاۋشى مۇشە مارتەبەلەرى دە بار. ايماقتان نەمەسە ايماق تىسىنان مەملەكەتتەر دە وسى مارتەبەنى قولدانىپ، بىزبەن ىنتىماقتاسىپ جۇمىس ىستەي الادى» دەدى.  

كەڭەستىڭ تولىق مۇشەسى بولۋعا ۇمىتكەر ەلدەردىڭ ءبىرى ماجارستان ەكەنىنە توقتالعان گاسانوۆ وسى ەلدىڭ ءتۇپ تامىرىنىڭ ەۋروپا عۇن مەملەكەتى جانە ماجار ءتىلىنىڭ التاي ءتىل فاميلياسىنا جاتاتىنىن ايتتى.

ماجارستان جاقىندا تۇرىك كەڭەسىنىڭ قۇرامداس ۇيىمى تۇرىك پارلامەنتتەر اسسامبلەياسىنا باقىلاۋشى ەل رەتىندە قابىلدانعانىن ەسكە سالعان باس حاتشى  ۆەنگر عىلىم اكادەمياسىمەن تۇرىك اكادەمياسى اراسىندا جاقسى قاتىناس قالىپتاسقانىن ايتتى.

ورتاق تاريح وقۋلىعى دايىن 

كەڭەس جۇمىستارى ەكونوميكا، ونەركاسىپ، قاتىناس، دامۋ، ءبىلىم بەرۋ، جاستار مەن سپورت، مادەنيەت، ينفورماتسيا تەحنولوگيالارى مەن كەدەن سەكىلدى سالالاردا شوعىرلانۋدا. كەڭەستىڭ ورتاق جوبالارى اراسىنداعى ەڭ كوزگە تۇسەرلىگى - مۇشە ەلدەردىڭ بارلىعىندا باستاۋىش مەكتەپتەردە وقىتىلاتىن ورتاق تاريح وقۋلىعى.

تۇرىك كەڭەسى

بۇل تۋرالى راميل گاسانوۆ بىلاي دەدى: 

«تۇرىك اكادەمياسى 15-عاسىرعا دەيىن كەلەتىن ورتاق تاريح وقۋلىعىنىڭ جوباسىن 26 قاراشا كۇنى باكۋدە كەڭەسكە مۇشە ەلدەردىڭ ءبىلىم بەرۋ مينيسترلەرىنە ۇسىندى جانە مينيسترلەردىڭ رۇقساتىن الدى. مامىر ايىندا مينيسترلەر كىتاپتىڭ سوڭعى كۇيىن بەكىتەدى. مەملەكەت باسشىلارى جانە ماجىلىستەردىڭ ماقۇلداۋىنان كەيىن كىتاپ 2016-شى وقۋ جىلىندا 8-ءشى سىنىپتاردا وقىتىلا باستايدى دەپ جوسپارلاپ وتىرمىز. 

تۇڭعىش ديساپورا ورتالىعى كيەۆتە 24 جەلتوقسان كۇنى اشىلادى 

گاسانوۆ كەڭەستىڭ تاعى ءبىر جوباسى -  «باۋىرلاس پورتتار» جوباسى ەكەنىن ايتىپ، «كاسپيدە تۇرىكمەنباشى جانە اقتاۋ پورتتارىنان باكۋگە كەلەتىن تاۋارلار تەمىرجولى ارقىلى سامسۋن پورتىنا جەتكىزىلەدى. سامسۋن الەمگە اشىلاتىن قاقپامىز بولادى» ، - دەدى.

باس حاتشىنىڭ بەرگەن مالىمەتتەرىنە قاراعاندا، كەڭەس فرانتسيانىڭ - پاريج، گەرمانيانىڭ - بەرلين، امەريكا قۇراما شتاتتارىنىڭ - ۆاشينگتون جانە ۋكراينانىڭ - كيەۆ قالالارىندا مۇشە ەلدەردىڭ وسى ەلدەردە ءومىر سۇرەتىن ازاماتتارى ءۇشىن دياسپورا ورتالىقتارى قالىپتاستىرا كورىنەدى . وسى ورتالىقتاردىڭ العاشقىسى كيەۆتە 24 جەلتوقسان كۇنى اشىلاماق.

دياسپورا ورتالىقتارىندا كەڭەسكە مۇشە ەلدەر ءۇشىن لوبيا جۇمىستارى جۇرگىزىلەدى. كەڭەس وسى ورتالىقتارعا رۋحاني قولداۋ بەرىپ وتىرادى.

ورتاق تەلەارنا ەكى جىلدىڭ ىشىندە اشىلادى 

تۇرىك كەڭەسىنە مۇشە ەلدەر ءۇشىن ورتاق تەلەارنا اشۋ ءۇشىن جۇمىسى ءجۇرىپ جاتقانىن بايانداعان گاسانوۆ مۇنىڭ 2 جىل ىشىندە تامامدالاتىنىن ءبىلدىردى. گاسانوۆ كەڭەسكە مۇشە ەلدەردىڭ ەۋروپا دامۋ اگەنتتىگىنە ۇقساس ءبىر قۇرىلىمدا ورتاق ينۆەستيتسيا قورىن قۇرۋ باعىتىندا جۇمىس جۇرگىزگەنىن، مۇنىڭ 2016 جىلى ىسكە اسۋى قاجەتتىگىن ايتتى.

تۇرىك كەڭەسىنىڭ ەڭ ماڭىزدى جوبالارىنىڭ ءبىرى باكۋ-تبيليسي-كارس تەمىرجولى ماگيسترالى دە 2015 جىلى اشىلادى. گاسانوۆ وسى جوبادا كەڭەسپەن ىنتىماقتاسقان مۇشە ەمەس ەلدىڭ گرۋزيا ەكەنىن ەسكە سالدى.

تۇرىك كەڭەسى: ەراسمۋسقا بالاما ورحون

تۇرىك كەڭەسى – ورتالىعى استانادا بولىپ تابىلاتىن تۇرىك اكادەمياسى، ورتالىعى باكۋدە بولىپ تابىلاتىن - تۇرىكپا، ورتالىعى انكارادا بولىپ تابىلاتىن -تۇرىكسوي جانە ورتالىعى باكۋدەگى - تۇرىك مادەنيەتى جانە مۇرا قورى سىندى ۇيىمداردىڭ شاڭىراعى.

مۇشە ەلدەر 15 ۋنيۆەرسيتەتى باس قوسىپ، ۋنيۆەرسيتەتتەر اراسىندا وداق قۇرلدى. وداق ەۋروپاداعى ەراسمۋس الماسۋ باعدارلاماسىنا ۇقساس ءبىر باعدارلاما دايىندادى. «بۇل باعدارلامانى ورحون دەپ اتادىق. قازىر شامامەن 200 تالىمگەر وسى باعدارلامانى پايدالانىپ وتىر. الايدا، بۇل سان ارتادى، ايىرىقشا باعدارلاما وقىتۋشى الماستىرۋدى دا قامتيتىنداي تۇردە كەڭەيتىلەدى»، -  دەدى گاسانوۆ.

باس حاتشىنىڭ ايتۋىنشا، ورحون ۇدەرىسى اياسىندا كەڭەسكە مۇشە ەلدەر اراسىندا ديپلومدار دا ءوزارا ءوتىمدى بولادى.

ءاي، تۇرىك! سەنىڭ ەلىڭدى، زاڭىڭدى كىم بۇزادى؟ 

تۇرىك كەڭەسى باس حاتشىلىعىنىڭ عيماراتى ستامبۋل قالاسىندا بالمۋمدجۋ اۋدانىندا ورنالاسقان. عيماراتتىڭ كىرە بەرىسىندە كوكتۇرىك الىپبيىمەن ء«اي،تۇرىك! سەنىڭ ەلىڭدى، زاڭىڭدى كىم بۇزادى!» دەگەن جازۋ نازار اۋدارادى.

قاقپادا قازاقستان، تۇركيا، ءازىربايجان جانە قىرعىزستان ەلدەرىنىڭ  تۋلارى جاراسىمدى جەلبىرەپ تۇر. ەل تۋلارىنىڭ تاپ ورتاسىندا ءتۇسىن قازاقستان تۋىنان، كۇن ناقىشىن قىرعىزستان تۋىنان، ايىن تۇركيا تۋىنان جانە سەگىز بۇرىشتى جۇلدىزىن ءازىربايجان تۋىنان العان تۇرىك كەڭەسىنىڭ تۋى ورىن تاپقان (سۋرەتتە).

دەرەككوزى: TRT تورابىنىڭ قازاق تىلىندە اقپارات تاراتاتىن قىزمەتى